Vikan - 19.02.1976, Blaðsíða 11
I NÆSTU VIKU
FINNUR JÓNSSON LISTMÁLARI
Vikan mun á næstunni hcimsækja nokkra þckkta
íslcnska myndlistarmcnn, aðallega málara, forvitnast
ögn um hagi þeirra, hvernig þeir búa, kynnast
fjölskyldum þeirra og skoða nokkur af verkum þeirra.
Hér verður ekki lagt neitt mat á list þeirra, hvorki til lofs
né lasts, heldur er eingöngu um kynningu að ræða.
Fyrstur varð fyrir valinu okkar gamalkunni og gókunni
listmálari Finnur Jónsson, en frásögn af heimsókn til
hans birtist í næsta blaði.
SJÁLFSMYND AF ÁRNA BJÖRNSSYNI
Gerður Steinþórsdóttir ríður á vaðið I þessu blaði I
nýjum og gömlum þætti, sem við nefnum Sjálfsmynd.
Næstur I röðinni er Árni Björnsson þjóðháttafræðing.ur.
„Margar þessara spurninga þykja mér óttalega banalt
bull og langt fyrir neðan mitt þroskastig að svara
þeim”, sagði Árni þegar hann leit yfir spurningarnar
en hann lítur gjarnan á sjálfan sig og tilveruna I
skoplegu ljósi, enda eru svör hans bráðskemmtileg, eins
og sjá má I næsta blaði.
ÍSLENSK SMÁ-SMÁSAGA
,,Ég lá á bakinu ofan I skurði, hálfsokkinn I leðju og aur
og gat mig hvergi hrært. Regnið buldi framan í mér
eins og öll steypuböð heimsins hefðu sameinast um að
sprauta á mig einan.” Það er kannski ekki vert að lýsa
þessum hörmungum frekar, en hvernig blessuðum
manninum reiddi af þarna I skurðinum má lesa I næsta
blaði, því þetta er upphaf sögu eftir KARLSSON, eða
smá-smásögu, eins og hann kýs að kalla frásögn sína,
sem ber heitið ,,Að byrja að byggja”.
HIÐ FORNA ISLENSKA TÍMATAL
Misseristal, eða hið forna Islenska tímatal, er mjög fornt
og sérstætt og hefur ekki tíðkast I öðrum löndum, svo
vitað sé. Þar sem sitthvað úr þessu forna tímatali virðist
ekki alveg horfið úr málinu ennþá, eins og mánaða-
nöfnin þorri, góa, einmánuður, harpa o. fl. benda til
og jafnvel ýmsir dagar, svo sem bóndadagur, konu-
dagur, sumardagurinn fyrsti o. fl.,er þvi ekki úr vegi að
hressa aðeins upp á minnið og útskýra misseristalið í
aðalatriðum. Sjá næstu Viku.
ETHEL KENNEDY BOGNAR EKKI
Ethel Kennedy missir ekki kjarkinn, þótt hún hafi misst
marga af sinum nánustu á voveiflegan hátt og orðið
fyrir margvlslcgum raunum öðrum. Þessi ellefu barna
móðir og ekkja Roberts Kennedy hefur hugrekki til að
lýsa þvi yfir, að hana langi til að eignast fleiri börn, því
að ,,það hlyti að vera eina ástæðan (il þess að ég gifti
mig aftur”, segir hún. Sjá grein um hana I næsta blaði.
VIKAN Útgefandi Hilmir h.f. Ritstjóri: Kristín Halldórsdóttir, Blaðamenn: Trausti Ólafsson,
Hrafnhildur Schram, Guðmundur Karlsson. Otlitsteiknari: . Þorbergur Kristinsson. Ljósmyndari:
Jim Smart. Auglýsingastjori: Ingvar Sveinsson. Ritstjórn, auglýsingar, afgreiðsla og dreifing
I Síðumúla 12. Slmar 35320-35323. Pósthólf 533. Verð 1 lausasölu kr. 250. Áskriftarverð
kr. 2.800 fyrir 13 tölublöð ársfjórðungslega, kr. 5.250 fyrir 26 tölublöð hálfsá'rslega eða kr. 9.800
I ársáskrift. Áskriftarverð greiðist fyrirfram. Gjalddagar: nóvcmber, febrúar, maí.ágúst.
8. tbl. 38. árg. 19. feb. 1976
GREINAR:___________________
2 Ungu hjónin og innanstokks-
munirnir. Vikan fylgist með
ungum hjónum I húsgagnaleit.
24 í skugga ástmeyjar forsetans.
Grein um Eleanor Roosevelt.
VIÐTÖL:___________________
14 Sjálfsmynd 1. Gerður Steinþórs-
dóttir: Ég lifi ekki 1 neinum
draumaheimi.
SÖGUR:__________________
16 Til eignar og ábúðar. Smásaga
eftir Mona Lyngar.
20 Dibs. Þriðji hluti framhaldssögu
eftir Virginia M. Axline.
28 Marianne. Þrettándi hluti fram-
h.ddssögueftirjuliette Benzoni.
FASTIR ÞÆTTIR:
9 Krossgáta.
12 Póstur.
28 Meðal annarra orða. Föl eða
fannfergi.
27 Tækni fyrir alla.
30 Stjörnuspá.
34 Babbl. Þáttur I umsjá Smára
Valgeirssonar.
36 Lestrarhesturinn. Efni tyrir börn
1 umsjá Herdísar Egilsdóttur.
Fiðrildið 4.
39 Á fleygiferð. Þáttur 1 umsjá
Árna Bjarnasonar.
40 Draumar.
41 Matreiðslubók Vikunnarl umsjá
Drafnar Farestveit.
ÝMISLEGT:
6 Þeir þarna uppi. Englaríaugum
ýmissa listamanna.
44 Upplagt á árshátíðina. Tíska.
8. TBL. VIKAN 11