Vikan - 24.04.1980, Síða 62
Pósturinn
Sælgætissjúk í
meira lagi
Kæri Póstur!
Ég þakka gott blað og vona
að bréfið lendi ekki í tunnunni.
Þannig er mál með vexti að ég
er sjúk í sœlgæti. Um daginn
prófaði ég að hætta að borða
það í 3 daga en á þriðja degi
var ég orðin svo sjúk að ég var
farin að titra.
Hvað get ég gert til þess að
hætta þessum ávana?
Svo er annað vandamál hjá
mér, ég get nefnilega ómögu-
lega fengið fullnægingu við
samfarir. Hvað getur valdið
þessu? Með þökk fyrir
birtinguna. J.G.
Sælgætisát er slæmur ávani og
því albest að losna undan því
fargi sem allra fyrst. En til þess
að venja sig af sælgætisáti
dugir ekki að reyna það í
aðeins þrjá daga heldur verður
þú að koma þér upp ákveðnu
kerfi í því efni. í byrjun
gætirðu sett þér að snerta
ekkert í þá veru nema um
helgar og reyna síðan að
minnka það ennþá meira. Af
sælgætisáti uppskerð þú
einungis óhreina húð og auka-
kíló á líkamann, en hvorugt
þýkir til mikillar prýði á
unglingum.
Hvað síðara vandamálið
snertir er líklega aðeins um það
að ræða að ennþá ertu fremur
ung að árum og átt bæði eftir
að breytast og þroskast mikið
frá því sem nú er. Einnig getur
mótaðilinn spilað þar inn i og
segja má að jafnaldrar þínir séu
varla svo reynslumiklir á þessu
sviði að þú getir ekki skrifað
hluta vandamálsins á þeirra
reikning líka.
Símastaurakálfar
og lærin eins og
sandpappír
Kæri Póstur og kæra Helga.
Ég á við dálítið stórt
vandamál að stríða. Þannig er
mál með vexti að ég er með
svo agalega Ijóta fætur.
Kálfarnir á mér eru eins og
sverustu símastaurar og lærin á
mér eru líkust sandpappír ef
maður kemur við þau. Svo eru
þau öll þakin rauðum bólum
og svo auðvitað allt of feit.
Ökklarnir á mér eru rosalega
sverir líka.
Getur þú ekki gefið mér
eitthvert gott ráð til þess að
grenna lappirnar á mér? Ég er
frekar grönn, að ég held, fyrir
ofan lappirnar.
Góði Póstur, gefðu mér nú
gott ráð. Ég las í Vikunni um
daginn bréf frá stelpu sem
virtist hafa við sama vandamál
að stríða og ég. En þú svaraðir
henni því einu að hún ætti
ekki að reyna að gera
einhverjar töfraaðferðir við sig.
Ein áhyggjufull.
Pósturinn ítrekar það sem áður
segir að töfraaðferðir eru yfir-
leitt ekki árangursríkar og því
best að halda sig fjarri allri
vafasamri tilraunastarfsemi.
Hins vegar skaltu leita
læknis með bæði þessi
vandamál. Ef húðin er mjög
gróf er ekki ósennilegt að þú
þurfir á einhverjum áburði að
halda. Sumt exem lýsir sér
svipað þessu og því albest fyrir
þig að fá úrskurð húðsjúkdóma-
læknis í þessu efni.
Það er ófrávíkjanleg
staðreynd að ekki eru allir eins,
hvorki í útliti eða að skapferli.
Þú verður þvi að gera þér grein
fyrir að ekki er mögulegt að
breyta vexti þínum gersamlega.
Hins vegar eru möguleikar á
því að breyta ýmsu og þú ættir
að fara í leikfimi þar sem
áhersla er lögð á að lagfæra
líkamsvöxtinn og þar getur þú
lagt aðaláherslu á læri og kálfa.
Mig svimar í
strætó
Elsku Póstur!
Ég fer alltaf, eða nærri því
alltaf, í strætó heim úr
skólanum og ég skil það ekki
— ég fæ magaverk og
höfuðverk og mig svimar í
strætó. En þegar ég fer út úr
vagninum þá lagast þetta allt
saman.
Gefðu mér ráð við þessu og
ekki segja að þetta lagist með
tímanum, því þetta hefur alltaf
verið svona.
Og þá kemur þetta gamla,
hvað á ég að vera þung ef ég
er 159 sm á hæð.
P.S. Ég bið að heilsa öllum,
sem vinna á Vikunni, sér-
staklega Helgu. Ég vona að
hún fái ekki þetta bréf, hún má
eiga umslagið.
Kveðja. Strætósjúklingur
Ýmsar ástæður geta valdið
þessari vanlíðan þinni, en líkleg-
ast er aðfleiraen eitt komi til. Þú
gætir verið með aðkenningu af
gamla góða kvillanum, sem
nefndur hefur verið bílveiki, og
við þvi er frekar lítið að gera.
Einnig getur þú verið blóðlítil og
sjálfsagt fyrir þig að leita læknis
til þess að komast að raun um,
hvort það getur verið orsökin.
Þú ert alls ekki ein um þetta
og þeir eru ófáir, sérstaklega á
unglingsárunum, sem finna fyrir
vanlíðan sem þessari. í mörgum
tilvikum hverfur þetta með
aldrinum, en það er þó ekki
algilt. Á þeim tima sem
umferðarþunginn er mestur og
flestir á leið að og frá heimili
verður þungt loft í vögnunum og
þrengsli og það getur líka átt
sinn þátt í hvernig þér líður. Ef
þú hins vegar finnur fyrir þessu
á öllum tímum ættirðu að láta
rannsaka, hvort blóðleysi er
þarna ef til vill aðalorsök.
Ef þú ert 159 á hæð er
hæfilegt að vera frá 49 og upp í
53 kíló eftir þvi hvort þú ert
fíngerð eða kraftalega byggð.
Pcnnavinir
Hjördis Larsen, Loavegen 5, 3900
Porsgrunn, Norge, er tæplega 16 ára
gömul og hefur áhuga á að skrifast á við
stelpur og stráka á sama aldri.
Áhugamál hennar eru bréfaskriftir,
bækur, popptónlist, íþróttir og margt
fleira. Hun skrifar á ensku, norsku og
þýsku.
Ásdis Birna Pálsdóttir, Gilsbakka 24,
710 Seyðisfirði, óskar eftir pennavinum
á aldrinum 10-12 ára, bæði strákum og
stelpum. Hún er 10 ára. Áhugamál
hennar eru margvísleg og hún óskar eftir
að mynd fylgi fyrsta bréfi ef hægt er.
Hún svarar öllum bréfum.
Þorbjörg Eðvarðsdóttir, Hólabraut 28,
545 Skagaströnd, A-Hún., óskar að
skrifast á við stelpur á aldrinum 11-13
ára. Hún er sjálf tæplega 12 ára.
Áhugamál hennar eru íþróttir, diskótek,
föt og margt, margt fleira.
vi-u. © Bvlls
62 Vikan X7< tbl.