Vikan - 23.08.1984, Síða 11
Hresst upp á Eiffelturninn
Fyrir fjórum árum úrskurðuðu sérfræðingar að
hinn frægi Eiffelturn í París væri að falli kominn.
Ekki hafði verið skipt um einn einasta járnbita í
turninum frá því hann var byggður en þeir eru 2,5
milljónir talsins. Lyftan, sem var jafngömul turnin-
um, var hætt að ganga. Maturinn, sem seldur var í
veitingasainum þótti rétt í meðallagi þrátt fyrir að
þetta væri sá staður sem hafði hvað mest aðdráttarafl
fyrir túrista.
En nú má búast við betri tíð. Búið er að eyða 27
milljónum dollara í endurbætur á járnbitum og
lyftur, sem uppfylla tæknikröfur nútímans, sjá um
að hendast með fólk upp og niður að vild. Jafnvel
veitingahúsið var tekið í gegn og er nú í umsjá fær-
ustu matreiðslumanna hjá Maxim’s í París. í lok
ágústmánaðar er áætlað að um 100 milljónir manna
hafi notið hins frábæra útsýnis frá efsta pallinum
sem er í 312 metra hæð. Á 100 ára afmæli turnsins,
árið 1989, er áætlað að öllum endurbótum verði
lokið.
Þessar myndir eru ordnar hérumbil
aldargamlar og sýna Eiffelturninn
1 byggingu. ,, Vel skal vanda það
sem lengi á aö standa, ” segir mál-
tœkið en við leggjum engan dóm á
hvernig til hefur tekist, nema hvað
turninn er ekki hruninn.
34. tbl. Vikan II