Vikan - 06.12.1984, Síða 18

Heima er best á jólunum — eða
Jólahald er áreiöanlega talsvert fastmótaö
í hugum manna. Sumir vilja helst sjá sama
jólaskrautið ár eftir ár og eru fastheldnir á
ýmsa fjölskyldusiði einmitt um jólin.
I þessari Viku er rætt við nokkra Islend-
inga sem hafa brugðið út af vananum og
haldið jól erlendis. Ástæður þeirra og
aðstæður eru mismunandi en sameiginlegt
þeim öllum er að hafa upplifað jól sem eru
með öðrum brag en orðið hefði heima við.
Skrautlegir garðar
Jólaskreytingarnar voru mjög miklar alls
staðar, mikið um alls konar ljósaskreytingar,
heilu myndirnar af ýmsum dýrum, jólasvein-
um og mönnum, búnar til úr litlum perum.
Trén í görðunum eru skrautlega upplýst og
maður heyrir mikið talað um að jólin séu í
nánd. I öllum stórverslunum eru jólasveinar
og góður bisness hjá sumum ljósmyndurum
að vera með jólasveina í kerru og taka mynd-
ir af börnum í fanginu á jólasveininum fyrir 4
dollara stykkið.
En jólabakstur og jólahreingeming eins og
Jól á Flórída
Hjónin Inga Ingimundardóttir og Þórarinn
Guðlaugsson eyddu síðustu jólum í Banda-
ríkjunum ásamt fjórum dætrum sínum, á
aldrinum 6 til 16 ára. Þau voru mánuð í ferð-
inni, frá 3. desember til 5. janúar, og óku á
þeim tíma 3000 mQur um Flórídafylki þvert
og endQangt, en það samsvarar þremur ferð-
um kringum ísland.
Sjálfa jólahelgina voru þau á amerísku
heimQi í höfuðborg Flórída, Tallahassee.
Elsta dóttirin, Hrund, átti reyndar lengri dvöl
í Bandaríkjunum að baki því hún hafði dvalið
sem skiptinemi þar í 6 mánuði og þekkti
bandarískt þjóðlíf á annan hátt, þannig að hún
sá sumt öðrum augum um jólin en hinir í f jöl-
skyldunni.
En hvernig var að vera aö heiman á jólun-
um, betra eða verra en að vera heima?
Inga: Ég gæti vel hugsað mér að vera alltaf
að heiman á jólunum, því þetta var mjög
skemmtilegt, en mér finnst barnanna vegna
ekki hægt að gera það. Börn eiga sínar minn-
ingar um jólin og maöur á sjálfur minningar
um íslensk jól og vill veita börnunum það
sama.
Stelpurnar voru sammála um að jólahaldið
væri skemmtilegt í Ameríku og ekki eins mik-
ið stress í kringum það og heima á Islandi.
Þaö eina sem þær söknuðu voru jólakveðjurn-
ar í útvarpinu á Þorláksmessu.
Stuttbuxur á jólum
— Það er gaman að prufa þetta svona einu
sinni. Leiðinlegt sumar í fyrrasumar ýtti und-
ir hugmyndina um að halda jól á Flórída.
Loftslagið er mjög gott fyrir Islendinga þarna
á þessum tíma árs, sjórinn hlýr og notalegur
og húsin eru ekki kynt heldur verður maður
að nota loftkælinguna. Fólkið gengur um á
stuttbuxunum og þó þetta sé mikill ferða-
mannatími eru strendurnar svo stórar að
maður hefur oft stórt flæmi út af fyrir sig.
Hitamunurinn milli syðsta odda Flórída (og
Bandaríkjanna jafnframt, Key West), og
norðurhlutans, þar sem höfuðborgin, Talla-
hassee, er, er hins vegar mikill. 22. des.
vorum við í sólbaði á ströndinni suður frá í
hlýju og blíðu, en á aðfangadag var veðrið í
Tallahassee eins og á stilltum vetrardegi á Is-
landi. Þetta var reyndar einsdæmi og einmitt
um þetta leyti var það sem appelsínuuppsker-
an á Flórída eyðilagðist.
Inga og Þórarinn með dæturnar að morgni jóladags f Talla-
hassee. Stelpurnar taldar frá vinstri: Hrund, Mjöll, Drífa og
Katla.
Sólbað f jóiasnjónum? Nei, sandurinn á Tiger Tail Beach á
Marco Island á Flórída er líkari kartöfluméli en snjó.
18 Vikan 43. tbl.