Vikan - 09.03.1944, Blaðsíða 3

VIKAN, nr. 10, 1944
3
Skíðafélag Reykjavíkur.
Sjá forsíðu.
Pað vakti mikla athygli, þegar L. H. Miiller
kaupmaður fór í marzmánuði 1913 í skíða-
ferðalag upp um fjöll og firnindi, ásamt Tryggva
heitnum Magnússyni og Herluf Clausen. Þeir voru
fimm daga í ferðalaginu, lentu í hríðarveðri og
urðu að nota áttavita og kort, en það mun hafa
verið mjög óalgengt á þeim tímum að hafa með sér
slíka hluti í landferðalögum hér. Suma dagana
var þrettán stiga frost. Mun þessi velheppnaða
för hafa aukið áhuga á skíðaíþróttinni.
Það hefir mjög háð skíðaferðum Reykvíkinga,
hve oft hefir verið langt og erfitt að komast í
sæmilegar skíðabrekkur. Bílferðir og skíðaskálar
hafa breytt þessu á síðari tímum. Enn þá ræður
þó veðráttan því, eins og áður, hvenær hægt er og
gott að fara á skíði í nágrenni höfuðborgarinnar.
Veturinn 1914 var snjóavetur og þá var mikið far-
ið á skíðum, einkum í Ártúnsbrekkunni. Þar hitt-
ust margir skíðamenn og þá munu þeir hafa rætt
um stofnun skíðafélags. Undirbúningsfundur var
fyrst haldinn 23. febrúar og síðan stofnfundur 26.
sama mánaðar og voru stofnendur milli 60—70.
I fyrstu stjórnina voru kosnir: L. H. Múller, for-
maður, Steindór Björnsson, varaformaður, Herluf
Clausen, gjaldkeri, Tryggvi Magnússon, ritari, og
Pétur H. Magnússon brekkustjóri. Þennan vetur
var haldið skíðanámskeið; farið sjóleiðis inn í
Hvalfjörð og gengið á skíðum yfir Kjöl til Þing-
valla.
Snjóleysið hefir oft staðið skíðaíþróttinni mjög
fyrir þrifum hér á Suðurlandi og sum árin hefir
því verið dauft yfir starfsemi félagsins. Eitt sinn
var t. d. búið að undirbúa skíðamót, en svo gerði
hláku og þar með varð sá draumur ekki lengri!
Árið 1927 kom mikill fjörkippur í félagið, enda
var þá mikill snjóavetur, og síðan hefir því mjög
Framhald á bls. 7.
Þetta er sveit Iþróttafélags Reykjavíkur, sem vann
svigbikar II, en i sveitinni voru Einar Eyfells, Har-
aldur Árnason og Ólafur B. Guðmundsson.
Guðmundur Guðmundsson, skíðakóngur Islands.
Siglfirðingar eru hinir ágætustu skíðamenn, enda hafa þeir góð skilyrði til æfinga. Þátt-
taka þeirra í skíða-landsmóti I. S. I., síðastliðinn vetur varð hin glæsilegasta. Vann
Guðmundur í samanlagðri göngu og stökki og þar með það sæmdarheiti að vera kall-
aður „skíðakóngur lslands“.

Skíða-landsmót í. S. 1. stóð yfir 12.—14. marz 1943 í Hveradölum og 15. marz var
keppt í bruni í Skálafelli. Það var mesta skíðamót, sem haldið hefir verið hér á landi;
keppendur voru 94 frá 12 félögum úr Reykjavík, Hafnarfirði, Akureyri, Isafirði, Siglu-
firði, Ólafsfirði og Þingeyjarsýslu. Snjór var nógur, gott veður mótdagana, mótið vel
undirbúið og fór ágætlega fram.