Vikan - 28.08.1947, Blaðsíða 9

YIKAJST, nr. 35, 1947
9
Þessi mynd er frá réttarhöldum í Niimberg, sem haldin voru nýlega yfir þýzkum iðjuhöldum. Voru
þeir sakaðir um að hafa stutt Hitler til valda og veitt honum aðstoð til að vígbúast. Hér sjást á
ákærubekknum talið frá vinstri: Flick, Konrad Kaletsch, Otto Steinbrink, Hermann Terberger og
Bemhard Weiss.
Frétta-
myndir
Þetta er mynd af Martin Bormann,
staðgengli Hitlers, sem Bandamönn-
um hefir ekki enn tekizt að finna,
hvorki dauðan né lifandi. Alltaf öðru
hverju em að koma upp kviksögur
um, að hann hafi sést, nú fyrir
skömmu í Malmö í Svíþjóð. Var sagt
að hann hefði komizt yfir til Dan-
merkur, en lengra var slóð hans ekki
rakin.
Stúlkan í bílnum er að tala í símann í tilefni af því að hundrað ár eru liðin frá fæðingu langafa
hennar Alexanders Graham Bell, þess sem fann upp símann. Til vinstri sést hún í búningi frá 1875
og er hún að tala i fyrsta símatækið, sem langafi hennar bjó til. Afmælisdagurinn var 3. marz síð-
ast liðinn.
Hungrið herjar enn i löndum Evrópu þó að tvö ár séu liðin frá styrjaldar-
lokum. Á myndinni sést tékkneskur unglingspiltur með reifaðar hendur
og höfuð vegna útbrota af völdum fæðuskorts. Hann er að drekka mjólk,
sem ameríski Rauði krossinn útbýtir meðal tékkneskra bama og unglinga.
Tvær kvikmyndaleikkonur, Deborah Kerr (til vinstri) og Myrna Loy sjást
hér til beggja handa við rnann að nafni Clark Gable, sem sumir munu
kannast við. Clark Gable er að skéra afmælistertuna sína, sem samstarfs-
menn hans gáfu honum á 46. afmælisdegi hans nú fyrir skömmu.