Vikan - 21.09.1950, Blaðsíða 4

4
VIKAN, nr. 36, 1956
Hann hefur ekki vit á konum
Smásaga eftir BRETON AMIS
■jl/fAMMA,“ hrópa.ði Michael. „Betty er
meg
Frú Hobbins gat ekki komizt hjá því að
viðurkenna að Betty væri mjög fríj.
Michael hafði aldrei fyrr komið heim með
stúlku. Hann virtist ekki gefinn fyrir
kvenfólk.
Hann var átján ára, þegar stríðið skall
á. Aðal áhugamál hans voru þá knatt-
spyrna og bifhjól.
Næstu sex árin fékk Michael annað að
fást við. Hann hafði á þeim tíma ekki haft
mörg tækifæri til þess að kynnast konum.
Móðir Michaels var ekki áfram um það að
hann kvæntist innan skamms. Hann var
einkasonur, og frú Hibbons kveið fyrir því
að sjá honum á bak.
Frú Hibbons fór fram í eldhús til þess
að búa til te. Þegar hún kom inn í stofuna
var Michael að rista brauð, en Betty sat
á baklausum stól við hlið hans. Frú Hibb-
ons leit á mann sinn.
Var honum það ekki ljóst í hvílíkri
hættu sonur þeirra var nú kominn? En
Hibbons virtist vera eins mikið hrifinn af
Betty og Michael. Feðgarnir héldu uppi
samræðum. Frúin þagði eins og steinn.
Betty sagði fátt. Þegar frú Hibbons hugð-
ist fara með teborðið sagði Betty: „Viljið
þér gera svo vel að leyfa mér að hjálpa
yður við uppþvottinn ?“
„Alls ekki,“ svaraði frú Hibbons dálít-
ið ringluð. Svo brosti hún og mælti:
„Hendur yðar gætu ófríkkað.“
„Já, mamma,“ sagði Michael hrifinn.
„Hefur hún ekki fallegar hendur? Hana
vantar aðeins hring.“
„Michael," sagði móðir hans. „Ég vissi
ekki að . . . .“
„Michael er svo hugmyndaríkur," sagði
Betty. Honum dettur margt skrítið í hug.
Á leiðinni hingað stakk hann upp á því að
við trúlofuðumst. Ég hef ekki játazt hon-
um enn. Ég áleit að réttara væri að þið
sæjuð mig fyrst.“
Hibbons kinkaði kolli og mælti: „Það
var rétt athugað hjá yður, Betty. Við
þekkjum yður mjög lítið. En það er nú
á dögum ekki álitið skipta máli. Ég fyrir
mitt leyti . . . .“
Frúin tók framm í fyrir manni sínum
og sagði í flýti:
„Það væri vel gert af yður að hjálpa
mér við uppþvottinn. Mig langar til þess
að kynnást yður.“
Þær fóru fram í eldhúsið. Frú Hibbons
mælti: „Hversvegna vilduð þér kjmnast
okkur áður en þér tækjuð ákvörðun?“
Betty þurrkaði gaumgæfilega diskinn,
er hún hélt á. Svo sagði hún: „Ég vildi
ganga úr skugga um það, hvort við gæt-
um verið undir sama þaki.
Michael vill að við giftumst án tafar.
En við getum það ekki vegna þess að
hvergi er íbúð að fá. Ef til vill gætum við
fengið leyfi til þess að búa hér?“
Frú Hibbons sagði: „Hve lengi hafið þér
þekkt Michael?“
„Um tveggja mánaða skeið. Við urðum
ástfangin hvort í öðru við fyrstu sýn.“
Frú Hibbons mælti: „Það er skiljanlegt.
En ég álít að Michael ætti ekki að fastna
sér konu í nánustu framtíð. Hann var að-
eins unglingur er hann fór í stríðið. IJr
stríðinu kom hann sem fullorðinn maður,
án þess að hafa orðið ástfanginn fyrir
alvöru.
Michael er ókunnur konum. Hann þarf
að hafa tíma til þess að átta sig á þeim.“
„Þér talið eins og ég hafi hertekið hann,“
sagði Betty dálítið gremjulega.
„Ég get fullvissað yður um að svo var
ekki. Ég þyrfti þess ekki. Michael átti
upptökin. Þér segið að hann þekki ekki
konur, eða kunni ekki skil á þeim. En
þekkið þér son yðar, frú Hibbons, svo vel
að þér getið um þetta dæmt? Hvað vilj-
ið þér að ég geri?“
Frú Hibbons mælti: „Ef þér elskið hann
innilega, ættuð þér að neita því að trúlof-
ast honum fyrr en að sex mánuðum liðn-
um. Gefið honum frelsi til þess að litast
um. Má vera að hann unni yður meira að
þessum tíma liðnum.“
„Mér þykir það leiðinlegt að yður skuli
ekki geðjast að mér,“ sagði Betty.
VEIZTU -?
1. Sojabaunin, sem nýlega hefur verið |
viðurkennd, sem mjög holl fæða, hefur |
verið etin af Kínverjum síðustu 5000 |
ár! Getið þér talio upp eitthvað, sem I
gert er úr sojabaunum ?
2. Volga hefur verið kölluð lífæð Rúss- |
lands. Hvað heita stærstu þverár |
hennar ?
3. Að hvaða leyti eru augu hryggdýranna |
frábrugðin augum skordýranna?
4. Hvenær setti Laplace fram kenningu =
sína um uppruna sólkerfisins ?
5. Hvert er flatarmál Rúmeníu?
6. Hvenær er tónskáldið Béla Bartók :
fæddur og hverrar þjóðar er hann ?
7. Hve margar eyjar eru taldar við Noreg |
og hve mikill hluti þjóðarinnar býr á \
þeim ?
8. Byggir næturgalinn hreiður sín í ;
trjám ? i
9. Hvaða efni gerir ávexti gullregnsins i
eitraða ?
10. Hvað hét síðasta virki Mára í Evrópu ? i
Sjá svör á bls. 14.
„Góða mín! Mér geðjast að yður.“
Betty mælti: „Þér eruð því mótfallin að
Michael giftist. En það er óheillavænlegt.
fyrir mæður að loka syni sína inni.“
Frú Hibbons sagði: „Ef þér segið hon-
um það, sem ég hef sagt, mun hann minna..
fara að mínum ráðum.“
Betty mælti: „Ég mun segja Michael
að ég vilji ekki heyra minnzt á trúlofun
næstu sex mánuðina. Að þeim tíma liðn-
um verðið það þér, sem stigið næsta skref-
ið.“
„Ég?“ spurði frú Hibbons. „Ég skil
ekki hvað þér eigið við, Betty.“
Betty mælti: „Mitt álit er það, að þér
hafið minna vit á konum en Michael!“
„Ég hef ekki vit á konum,“ sagði Mic-
hael daginn eftir. „Ég skil það ekki hvers-
vegna Betty vill fresta brúðkaupinu. Hún
má ekki einu sinni heyra minnzt á trú-
lofun. Að líkindum þykir henni ekki vænt
um mig.“
„Ást á ekki saman nema nafnið,“ sagði
móðir Michaels. „Ég álít að þú hafir ekki
enn kynnzt hinni miklu ást, drengur
minn. Menn gera oft ekki greinarmun á
smá skotum og ekta ást.“
„Þú hefur að líkindum rétt að mæla,“
sagði Michael. „Ég skil ekki konur. Þeg-
ar Betty kom hingað með mér var hún
hlý og björt eins og yndislegur sumar-
dagur. En þegar ég fylgdi henni héðan
voru tilfinningar hennar við frostmark.“
„Ég vona að ég hafi ekki sagt eða gert
neitt, sem hún hefur misskilið,“ mælti frú
Hibbons og varð óttaslegin.
Michael faðmaði hana að sér og sagði:
„Þú talar ekki í orðskviðum né líking-
um. Allir skilja það, sem þú segir. Það
sagði Betty.“
„Sagði hún það? Hversvegna hafði hún
þau ummæli?“
„Ég spurði hana hvort ,,tengdamamma“
hefði haft þessi áhrif á hana. En hún neit-
aði því. Ég vona að ég láti ekki hugfall-
ast. Þetta kennir mér að gæta mín betur
næst.“
„Þar sem þú getur talað svo blátt áfram
og hitalaust um þetta, getur þú ekki hafa
verið mjög ástfanginn í Betty.“
„Góða mamma. Við höfum orðið sam-
mála um það, að ég þekki ekki hina miklu
ást. En einhverntíma mun ég kynnast
henni.“
Að skömmum tíma liðnum kynntist
Michael stúlku að nafni Prudence.
Frú Hibbons geðjaðist illa að stúlku
þessari, en þótti nafnið fallegt. Hibbons
blöskraði það smekkleysi Michaels að
koma heim með aðra eins kvensnift og
Prudence. Hvað hafði drengurinn í
^yggju ? Ætlaði hann að koma upp
kvennabúri ?
Næsta sunnudag kom Michael með rauð-
hærða drós. Hún hét Barbara, og var allt
annað en skemmtileg. Það fór hrollur um
frú Hibbons, er hún horfði á Barböru.
Stúlkan sagði fátt og var bjánaleg. Frú
Hibbons var afar forviða á því að Michael
Framháld á bls. H.