Menntamál - 01.03.1945, Side 10

60
MENNTAMAL
fylgir óhjákvæmilega ýmislegt rusl, og það er ófært að
þurfa að gera kennslustofuna flóandi í hefilspónum, sagi
og afskurði af bókum oft á dag.
Jafnvel þótt heimavistarskólinn sé það stór, að tveim-
ur kennurum sé ætlað að starfa þar og þar séu tvær
kennslustofur, þá má ekki ætla handavinnunni rúm í
annarri kennslustofunni. Handavinnan þarf að hafa sína
sérstöku stofu, þar sem börnin geta gripið í vinnu sína,
þegar þau langar til og ekki dvelur annað, án þess að
setja þurfi skólann á annan endann.
Búast má við, að handavinnan skipi enn hærri sess í
skólum framtíðarinnar en nú er. Á næstu árum munu
líka verða byggðir margir heimavistarskólar. Þetta er
því atriði, sem ekki má ganga fram hjá.
Stefán Sigurðsson.
íhugunarverð saga.
Séra Jakob Jónsson segir eftirfarandi sögu í grein um „ástands-
málin“, er hann ritaði í Alþýðublaðið 2. febrúar s.l., og sýnist ýmis-
legt í henni vera vel fallið til íhugunar, því að margs er að gæta,
einnig hér á íslandi:
„í smábæ einum í Bandaríkjunum fór að verða vart við óknytti
barna og unglinga, en slíkt hafði áður verið þar óþekkt fyrirbæri.
Aftur á móti höfðu drengjaskólar þorpsins verið víðkunnir. Málin
voru rannsökuð frá öllum hliðum, og „kom þá margt varhugavert í
ljós“, segir í grein tímaritsins, er ég hef þetta eftir. Vegna styrjaldar-
innar hafði skátastarfsemi drengja og stúlkna fallið niður, því að
æfða kennara vantaði. Sömuleiðis deild úr 4 H-félaginu, sem jjar
var. En það er drengjafélag, sem æfir drengi og örfar Jtá til Jress að
sjá hver íyrir sig um garð, hænsnabú eða annað, er að landbúnaði
lýtur. íþróttahúsinu hafði verið lokað vegna eldiviðareklu. í þorpinu
var enginn hollur samkomustaður, og eina viðunanlega götuljósið á
kvöldin var fyrir framan bjórstofuna. Nú tóku íbúarnir í Jjorpinu
til starfa. Karlmannafélag eitt gekkst í að útvega skátaforingja, kven-
félagið tókst liið sama á liendur fyrir stúlkurnar, búnaðarfélagið tók
4 H-félagið upp á sina arma. Félag kennara og foreldra sá um ýmsar
skemmtanir, og slökkviliðsstjórinn hét að veita vatni á skautasvæði
skólans, þegar veður leyfði."