Bjarmi

Árgangur

Bjarmi - 01.11.1963, Blaðsíða 8

Bjarmi - 01.11.1963, Blaðsíða 8
B BJARMI FRA erlendu kirkjulífi Vatikanþingið Eins og kunnugt er hefur þing kaþólsku kirkjunnar í Vatikaninu vakið mjög mikla athygli um all- an kristinn heim. Ýmsir sjá í því gjörbreytingu á stefnu kaþólsku kirkjunnar og afstöðu til annarra. Fullvíst er, að miklar breytingar muni verða, en hitt virðist jafn- augljóst, að kenningarlega séð muni engin breyting verða á ka- þólsku kirkjunni. 1 sænska blað- inu Svensk Veckotidning birtist í haust grein um hásætisræðu Páls páfa VI., sem jafnframt var eins konar. stefnuskrárræða hans. Var þar vakin athygli á því, að hann myndi fylgja stefnu fyrirrennara síns, Jóhannesar XXIII., og ætti það ekki sízt við um friðarstefnu Jóhannesar. Hins vegar sé það augljóst af hásætisræðu Páls VI., að hann tengi von um heimsfrið beinlínis við Krist. Hann sagði í ræðu sinni, er hann ræddi um frið- inn: „sá friður, sem vor elskaði Drottinn gaf oss og sem heimur- inn getur ekki gefið án hans". Sama blað vekur einnig athygli á því, að það sé eftirtektarvert fyr- ir þá, sem tilheyra öðrum kirkju- deildum en þeirri kaþólsku, að veita athygli ummælum páfans um kristna einingu. Þar hafi hann lagt áherzlu á það, að ekki kæmi til mála nein málamiðlun um grundvallarkenningar varðandi kristna kirkju og að hann áliti, að í einingunni væri fólgið það, að þeir, sem yfirgefið hefðu hina heilögu kaþólsku kirkju, hyrfu aftur til hennar. Samkvæmt þessu virðist felast í skoðun páfa, segir, fyrrgreint blað, að fráföllnu mót- mælendurnir verði að gjöra yfir- bót og hverfa aftur til kaþólsku kirkjunnar. Enginn hafi raunveru- lega búizt við öðru. \ Kristilegt dagblað í Kaupmanna- höfn segir dálítið frá breytingum, sem samþykktar hafi verið á Vati- kanþinginu varðandi guðsþjónust- ur kaþólskra. í fyrirsögn blaðsins er lögð áherzla á það, að þingið hafi samþykkt, að meiri áherzla skuli lögð á prédikunina í guðs- þjónustunni en hingað til. Um þetta segir svo orðrétt samkvæmt blaðinu: „Kirkjufeðurnir, sem þátt ______j Péturskirkjan i Hi'mi og torgið fyrir framan hana. Sitt úr hverri áttinni 25 NYIR nemendur innrituðust í kristniboðsskóla „Norska kristniboðsfélagsins" í Stafangri nú í haust. Hafa aldrei jafnmargir nýstúdentar innritazt í kristni- boðsskólann í eimi. í ár eru 120 ár liðin síðan fyrstu þrír nemendurnir komu til skólans. Alls eru nú á kristiboðsskólanum 39 nemendur. TALIÐ EK, að nemendur við Safnaðarprestaskólann í Osló muni verða nálægt 400 nú í vetur. 1 fyrra inn- rituðust 81 stúdent til guðfræðináms við skólann, og var búizt við, að þeir yrðu enn fleiri í vetur, þegar allir væru búnir að innrita sig, sem hefðu það í huga. TALIÐ ER, að um 30 þúsund Eþíópar hafi lært að lesa á einu ári. Var það árangur af lestrarkennslu- herferð þeirri, sem þýzka kirkjulega hjálpín „Brauð handa öllum" hefur styrkl. Samt er talið, að enn séu um 90% af íbúum landsins ólæsir. Kemur þetta fram í samtali, sem norska blaðið „Várt Land" hefur átt við eþíópska ritstjórann Amare Mamo. Hann var einn af þátttakendum í þingi Lútberska heimssam- bandsins. Amare Mamo er nú forstöðumaður fyrir lútherskri bókaútgáfu í Addis Abeba. Hann hefur sjálfur skrifað a;visögu Lúthers á amharísku, og er hún komin út í þrem útgáfum. Hann hefur einnig þýtt ýmsar kristilegar bækur og m. a. bók prófess- ors Hallesbys „Úr heimi bænarinnar". Bókaforlagið gefur út mánaðarblað, sem hann er ritstjóri að, og fimm til sex nýjar kristilegar bækur árlega. Eru þær gefnar út í þrjú- til fimmþúsund eintökum. Hins vegar eru stafrófskverin gefin út í 50 þúsund ein- taka upplagi í einu. Þegar blaðið spyr hann, hvort mikil barátta sé um nýja lesendur, svarar hann því játandi og segir, að kommúnistar hafi mikinn áhuga á að ná til þeirra. Þeir gefi hverjum sem vill ókeypis áróðursrit á amharísku, en kristniboðið hefur ekki bolmagn til slíks. Bókaforlagið, sem hann veitir for- stöðu, nýtur styrks frá Lútherska heimssambandinu og fjórum kristniboðsfélögum: Norska kristniboðs- sambandinu, sænsku „Fosterlandsstiftelsen", sænska kristniboðsfélaginu „Bibeltrogna Vanner" og banda- rísku félagi. ¦ FJÖLMENNUSTU kristilegu samkomur, sem haldnar hafa verið í Álaborg í Danmörku, voru haldnar þar í septembermánuði. Voru þær í sal, sem rúmar yfir 3 þúsund manns, en hann reyndist allt of lítill. Ræðu- maður á samkomum þessum var norski vakninga- prédikarinn John Olav'Larssen, en honum til aðstoð- ar var stór kór danskra og norskra ungmenna. Hljóm- sveit fylgdi og var allfjölmennur hópur norskrar æsku, sem komið hafði lil þess að aðsloða við sam- komuhöld þessi. RÍKISSTJÖKN KÚBU hefur gert upptækar og sent í pappírstæting þúsundir af Biblíum, söngbókum og öðrum bókum, sem sendar hafa verið frá Englandi, Kanada, Mexíkó og öðrum löndum. Er þetta sam- kvæmt upplýsingum, sem alþjóðasamhand fullorð- insskírenda hefur sent frá sér. Aðeins tíundi hluti af meira en 200 þúsund hihlíuritum komst í hendur Bihlíufélags Kúbu. Er þetta talið mikið áfall fyrir kristilegt starf og trúboð á eyjunni. taka í einingarkirkjuþinginu í Vatikaninu samþykktu í dag með yfirgnæfandi meirihluta ýmsar endurbætur á kaþólskri guðsþjón- ustu, þar á meðal, að meiri áherzla yrði lögð á það, að prédikunin fái meira rúm. Klerkarnir greiddu í dag at- kvæði um fimm af 19 tillögum á skjali, sem fjallar um helgisiði kirkjunnar. Tillögurnar höfðu ver- ið ræddar á fyrra hluta kirkju- þingsins. Samþykktirnar hlutu yfirgnæf- and meirihluta atkvæða. Flest urðu mótatkvæðin gegn einni til- lögunni, en þá greiddu 31 atkvæði á móti af 2298, sem atkvæði greiddu. Veigamesta tillagan leggur áherzlu á það, að meiri áherzla skuli lögð á prédikunina í guðs- þjónustunni. Prédikunin hefur allt- af verið miðdepill í guðsþjónustu mótmælenda, en kaþólskir klerkar hafa hingað til oft litið á hana sem eins konar aukaþátt. Tillaga þessi, sem er raunveru- Jega viðurkenning gagnvart krist- indómi mótmælenda, segir, að pré- dikunina megi ekki vanta, nema sérstaklega standi á. Sérstaklega er lögð áherzla á, að presturinn noti sunnudagsguðsþjónustuna til þess að útskýra fyrir söfnuðinum kristna trú og líferni. í þessari nýju samþykkt segir, að prestarnir skuli byggja prédik- un sína á Biblíunni og nota ritn- ingargreinar mjög mikið. önnur veigamikil samþykkt fækkar athöfnum, sem fram fara í kaþólskri guðsþjónustu, þar sem brott er fellt það, sem minna máli skiptir, og lætur önnur atriði guðs- þjónustunnar fá veigameiri sess. Með þessum samþykktum vill kirkjuþingið hverfa aftur til sí- gildrar guðsþjónustu fornkirkj- unnar. Meðal tiliagna þeirra, sem átti að afgreiða, er tillaga um að nú- tíma tungumál verði notuð í rík- ara mæli í guðsþjónustunni en latínan. Þessi frétt, þótt lítil sé, rifjar upp ummæli, sem herra Jóhannes Gunnarsson, Hólabiskup, viðhafði í samtali við Morgunblaðið síðast liðinn vetur. Þá iét hann spaugs- yrði falla um það, að líklega myndi enda með því, að kaþólskir yrðu lútherskir, en lútherskir kaþólskir, þar sem lútherskir virtust nú sum- ir vilja taka ýmislegt það upp, sem kaþólska kirkjan væri að ræða um, hvort ekki væri rétt að fella niður. Ritstjúrar: Bjarni Eyjólfsson, Gunnar Sigurjónsson. Afgi'oiðsla: Þórgsötu 4, Rvik. Sími 13504. Pósth. 651. Áskriftargjald: Kr. 50,00 á ári. Gjalddagi 1. júní. PRENTEMIÐJAN II If Ilin

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.