Bjarmi - 01.03.1994, Blaðsíða 20
Jóhonnes Tómason:
Jóhannes Tómason
er blaðamaður og
blaðafulltrúi Hjálpar-
stofnunar kirkjunnar.
Ávöxtur ond-
ons er gœddur
morgvíslegum
eiginleikum.
Þeir sem hofo
kynnst þessum
eiginleikum
Ijúko upp ein-
um munni um
ogœti þeirro.
20 DJAPMI
Tollfijóls
ðo hollur óvöxtur
Nýr ávöxtur barst fyrir nokkru til landsins,
ávöxtur andans, en yfirvöldum er ekki full-
kunnugt um upprunaland hans. Hann hefur
því hvorki fallið undir skilgreiningar GATT né
Evrópusamningsins og hafa tollayfirvöld,
garðyrkjubændur sem og landbúnaðarráðu-
neytið átt í erfiðleikum með að taka á þessu
máli. Ávöxtur þessi hefur verið boðinn víða á
landinu og hefur honum verið tekið misjafn-
lega en besti kostur hans er trúlega af flestum
talinn vera sá að hann er ókeypis.
Ávöxtur andans er gæddur margvíslegum
eiginleikum. Þeir sem hafa kynnst þessum
eiginleikum ljúka upp einum munni um ágæti
þeirra og að þeir geti á stundum gjörbreytt lífi
þeirra sé hans neytt að staðaldri. Eiginleikarn-
ir eru smitandi og hafa jafnvel þeir sem ekki
neyta hans sjálfir orðið fyrir áhrifum af þess-
um eiginleikum séu þeir í návistum við þá
sem neyta þessa ávaxtar. Má segja að það ger-
ist á svipaðan hátt og menn stunda óbeinar
reykingar séu þeir í návistum við reykinga-
menn en vitaskuld eru áhrif ávaxtarins mun
jákvæðari en áhrif reykinganna.
Samkvæmt upplýsingum sem Bjarmi hefur
aflað sér kom ávöxturinn fyrst fram fyrir nærri
tvö þúsund árum meðal fyrstu kristnu safnað-
anna eftir að Jesús Kristur steig upp til himna
og fól lærisveinum sínum að útbreiða ríki sitt
og stofna kirkjur og söfnuði. Páll postuli gerir
einna besta grein fyrir þessum ávexti í bréfi
sínu til Galatamanna og geta lesendur kynnt
sér nánari lýsingu hans þar en hingað til lands
barst hann reyndar fyrir nokkrum öldum.
Helstu áhrifin af ávexti andans og þau sem
einkum koma fram í daglegu lífi manna eru
þessi samkvæmt skilgreiningu Páls: Kærleik-
ur, gleði, friður, langlyndi, gæska, góðvild,
trúmennska, hógværð og bindindi. Áhrifin
geta þannig birst í mörgum myndum: Um-
hyggja fyrir velferð náungans, gleði og friður
vegna samfélagsins við Guð, langlyndi við
verkefni sem reyna á þrautseigju, gæska og
góðvild í umgengni á vinnustað, trúmennska
við fjölskyldu og vini, hógværð í kröfum um
lífskjör og bindindi í víðum skilningi.
Áhrifin eru þó ekki varanleg nema ávaxtar-
ins sé neytt reglulega. Neyslan getur farið fram
í samfélagi kristinna hvort sem er í kirkju eða
öðru samfélagi og hún gerist í bæn frammi fyr-
ir Guði sem með anda sínum leggur börnum
sínum þessi áhrif til. Til að styrkja þessi áhrif
enn frekar er mönnum ráðlegt að leita eftir fé-
lagsskap og samvistum við aðra áhugamenn
um neyslu hans, ræða um hvar og hvernig
auka megi þessi áhrif og afleiðingar þeirra.
Einhvern veginn á þennan hátt getum við
sett þessa löngu þekktu visku um ávöxt and-
ans í nýtt samhengi til að skerpa með okkur
vitundina um áhrif hans og brýna fyrir okkur
sjálfum að leita ávaxtar andans. Sá sem kall-
aður hefur verið til samfélags við Guð í Kristi
Jesú verður einnig að vera höndlaður af and-
anum. Þá um leið tekur hann að bera þennan
augljósa ávöxt sem greint er frá hér að fram-
an. Hvernig er það augljóst í lífi mínu?
Hvenær var það augljóst síðast? Eða eru þessi
áhrif kannski ekki svo ljós?