Heima er bezt - 01.07.1958, Qupperneq 23

SigurSur Sigurásson
talar um
ÍPRÓTTIR
Forsetahjónin koma til mótsins. í fylgd með þeim eru Guð-
mundur Guðlaugsson, forseti bcejarstjórnar A kureyrar, Har-
aldur Kröyer, forsetaritari, og Friðjón Skarphéðinsson, bæjar-
fógeti (Ijósm. R. Vignir).
Júnímánuður var mikill annamánuður hjá íþrótta-
mönnum og íþróttaunnendum. Helztu íþróttaviðburðir
í mánuðinum voru Sundmeistaramótið, sem fram fór á
Akureyri, leikir enska knattspyrnuliðsins frá Bury á
Englandi í Reykjavík, 17. júní-mótið í frjálsum íþrótt-
um, upphaf fyrstu deildar keppninnar í knattspymu og
skíðamótið í Siglufjarðarskarði, „Ásgeirsmótið“ svo-
nefnda, kennt við hinn kunna skíðakappa Ásgeir Eyj-
ólfsson, sem átti hugmyndina að því að halda mót í
Siglufjarðarskarði til keppni í fjallagreinum skíðaíþrótt-
arinnar um Jónsmessuleytið.
Hér verður sundmótið, knattspyrna og frjálsar íþrótt-
ir umræðuefnið að þessu sinni.
Sundmótið á Akureyri.
Meistaramót íslands í sundi var háð á Akureyri dag-
ana 7. og 8. júní. Sundmeistaramótið héfur einu sinni
áður verið háð á Akureyri, en það er langt síðan, eða
árið 1934. Oftast hefur mótið farið fram í Reykjavík,
en fyrir fáum árum ákvað sundsambandsstjórnin að láta
meistaramótin fara fram á víxl í Reykjavík og úti á
landi og hafa meistaramótin síðan verið háð í Hvera-
gerði, Olafsfirði og Hafnarfirði, auk Reykjavíkur, og
var röðin nú komin að Alaircyrj. Ekki er að efa að þetta
er rétt stefna, mót sem þessi eru mjög til þess fallin að
örva áhugann fyrir sundíþróttinni í næsta umhverfi
mótsstaðarins, og tilgangur íþróttakeppni í hvaða mynd
sem er, er fyrst og fremst sá, að fá sem flesta til að iðka
íþróttir.
Á Akureyri eru mjög góð skilyrði til að halda slík
mót, enda var allur undirbúningur og framkvæmd móts-
ins mjög til fyrirmyndar, og að sögn þeirra, sem bezt
til þekkja, jafnast ekkert Islandsmót í sundi á við þetta,
hvað alla framkvæmd snertir.
Akureyringar eiga einn glæsilegasta sundstað þessa
lands. Sundlaugin er mjög vel í sveit sett, í Grófargili,
efst í brekkunni ofan við kaupstaðinn, og setur, ásamt
sundlaugarhúsinu, svip á umhverfið. Laugin er undir
berum himni, 35 metra löng, en inni er minni laug, sem
fyrst og fremst er notuð til kennslu. Það er nýstárlegt í
kennslulauginni, og eina dæmið sem ég veit um slíkt
hér á landi, að í laugarveggnum, undir yfirborði vatns-
ins, er komið fyrir ljóskerum, sem lýsa upp laugina
mjög skemmtilega, og hlýtur þetta að vera til mikils
hægðarauka fyrir kennarana og ánægju fyrir nemend-
urna.
Sundstaðurinn, í þeirri mynd, sem hann nú er, var
tekinn í notkun fyrir tveim árum, en mannvirkið á sér
langa sögu, sem verður aðeins rakin í stórum dráttum
hér. Fyrst var hafizt handa um laugarbyggingu þarna
á öðrum tug þessarar aldar, þegar Lárus Rist var lífið
og sálin í sundlífinu nyrðra. í upphafi var hlaðinn torf-
garður til að hefta lækinn, sem rennur um gilið og varð
þannig til fyrsta laugin á Akureyri. Árið 1932 leiddu
Akureyringar heitt vatn úr Glerárdal, og nægði það
framan af, en nú orðið þarf einnig að hita upp vatn í
laugina. Vonir standa til að vatnsmagnið úr Glerárdal
verði aukið í sumar með borunum.
Sundlaugarnefndin hefur mikla áætlun á prjónunum
um fegrun umhverfisins við laugina, og mun verða haf-
izt handa um framkvæmdir af fullum krafti nú í sumar.
Keppendur voru mjög margir á sundmótinu á Akur-
eyri, eða 73. Flestir komu keppendumir frá Reykjavík,
25 talsins. Akureyringar áttu 15 keppendur á mótinu og
Hafnfirðingar 12. Keppendur úr öðrum héraðum voru
færri, en níu héraðssambönd og bandalög sendu kepp-
endur til mótsins. — Meðal aðkomumanna voru tveir
menn, sem einnig komu við sögu íslandsmótsins á Ak-
ureyri 1934, þeir Erlingur Pálsson, formaður Sundsam-
bands íslands, og Jónas Halldórsson, sem nú kom til
Akureyrar sem þjálfari, en var fremsti sundmaður ís-
lendinga árið 1934 og þar í kring, og hlaut fjölda meist-
arapeninga á mótinu og var „maður mótsins“.
Ahorfendur voru mjög margir, einkum fyrri dag
Heima er bezt 241