Heima er bezt - 01.04.1972, Qupperneq 10

Dauðan urriða hefir rekið i land.
Steinsugan föst á hlið hans.
sem lifa þetta af, fá ljót sár, sem lengi eru að gróa, og
eru því mjög næmir fyrir sjúkdómum og ferst mjög
mikið af þeim, þótt þeir losni undan steinsugunni.
Eftir að sníkjulífið hefst, vex steinsugan hratt og
verður um 50 cm á lengd og hálft kg. á þyngd. I sjón-
um verður hún allt að helmingi stærri.
Þegar veiðimenn við Efra-vatn sáu hvað verða vildi,
að atvinna þeirra var í voða, var hafizt handa um að
verjast þessum ófögnuði. Rannsóknarstofur voru settar
á stofn til að fylgjast með ferli steinsugunnar, og allra
hugsanlegra ráða var leitað til útrýmingar henni, og
beindist hugur manna helzt að ánum og hrygningar-
svæðunum. Reynt var að drepa þær á leiðinni til hrygn-
ingarstöðvanna með rafmagnsnetum, en kom að litlu
haldi. Þá var gripið til eyðingarefna, og loks eftir mikla
leit, um 6000 efni höfðu verið reynd, kom í ljós, að
efnasamband, sem nefnt er skammstöfuninni TFM, drap
seiðin, en virtist ekki valda tjóni á öðrum lífverum
ánna. En mjög er vandfarið með efni þetta, og þótt
það hafi ekki valdið tjóni þau 15 ár, sem það hefir ver-
ið í notkun, eru menn samt enn uggandi um að einhver
skaði megi af því hljótast eins og svo mörgum öðrum
útrýmingarefnum. En allmikið hefir áunnizt um aukn-
ingu veiði, enda hefir fyrirtækið kostað um 15 milljónir
dollara. En jafnframt þessu hefir farið fram aukið klak
nytjafiska, leit að fiskistofnum, sem kynnu að þola ár-
ásir steinsugunnar, og síðast en ekki sízt aukin veiði á
henni sjálfri, og um leið verið reynt að gera úr henni
mat. Enginn veit þó enn hversu fara muni, þótt ástandið
hafi batnað. En þessi saga sýnir ljóslega, hvað gerzt
getur ef aðgangshörð dýr eru flutt inn á ný, lokuð lífs-
svæði. Steinsugan er að vísu sníkjudýr, en hætta getur
stafað af fleiru, þegar jafnvæginu er raskað. Ættu t. d.
þeir, sem mest kapp leggja á að flytja lax inn í ár og
vötn, þar sem hann hcfir aldrei komið fyrr, að gæta vel
að, hvað þeir eru að gera, því að því verður aldrei
neitað, að þar fer fram alvarleg röskun jafnvægis þótt
ekki sé fyrirfram víst að hún valdi tjóni.
ODDUR SIGFÚSSON:
í Betlehem
í Betlehem er bærinn líkt og forðum
þó breytt sé margt og annað fært úr skorðum
ættborg Davíðs áður var hún talin
ennþá sést hún gnæfa yfir dalinn.
Ég starði á hann um stund og lét mig dreyma.
þann stórviðburð sem kristnir menn ei gleyma
og yfir bæ í bröttum hæðardrögum
þá blika sá ég stjörnu af liðnum dögum.
Nú burt er jatan, brotið húsið lága
ber nú þar við himin kirkju háa
og þar sem áður frelsarinn var fæddur
finnst nú hellir gulli og flosi klæddur.
Samt má þar ennþá líta liðna daga
á lágum veggjum geymist óskráð saga
frá daufu keri ljósið um þá læddist
þeir léðu skjól er Jesús Kristur fæddist.
Gólfið ýmsar gæti spurnir vakið
þó glitrandi nú marmara sé þakið
það vitringanna fótspor ennþá felur
og f jölda margt sem enginn sér né telur.
Elér birtist morgunn mannúðlegri daga
og mun hér hafa byrjað kristin saga
og héðan trúar ljósið barst oss bjarta
sem brennur ennþá kristnum lýð í hjarta.
Svo burtu þaðan hélt ég harla glaður
úr hug mér aldrei líður þessi staður
hann lifir enn sem Ijós í vitund minni
þó líkast þar ég kæmi ei öðru sinni.
BRÉFASKIPTI
Elin Ásgrímsdóttir, Alþýðuskólanum á Eiðum, óskar eftir bréfa-
skiptum við stelpur og stráka á aldrinum 17—20 ára.
Sigrún Kristjánsdóttir, Alþýðuskólanum á Eiðum, óskar eftir
bréfaskiptum við stelpur og stráka á aldrinum 17—20 ára.
Erla Runólfsdóttir, Varmahlið, Þórshöfn, óskar eftir bréfaskipt-
um við pilta og stúlkur á aldrinum 14—16 ára.
Fanney Helga Hannesdóttir, Skriðustekk, Breiðdalsvík, vill skrif-
ast á við pilta 11—12 ára.
Dóra Jóhannsdóttir, Asunnarstöðum, Breiðdalsvík, vill komast í
bréfaskipti við pilta á aldrinum 14—15 ára.
118 Heima er bezt