Heima er bezt - 01.04.1972, Qupperneq 16

ADDA JONASDOTTIR, ÞVERA:
g var ein af þeim heppnu konum sem dvöldu í
Bifröst í Borgarfirði þessa daga, það voru þarna
j konur úr öllum sýslum landsins sem gaman var
að kynnast. Við vorum langflestar frá Kaupfé-
lagi Skagfirðinga Sauðárkróki eða tíu talsins og hafi
Sveinn Guðmundsson kaupfélagsstjóri kæra þökk fyrir
höfðinglegt boð. Við vorum svo heppnar með veðrið,
sólskin og blíða alla dagana, þar til síðasta kvöldið þá
gerði hríðarskot sem hélzt um nóttina og þá var lítið
sofið af sumum — hugurinn var heima hjá körlunum
okkar og lambrollunum, en allt gekk vel. Við lögðum
af stað heimleiðis í þoku og éljaveðri sem hélzt þar til
fór að halla norður af Vatnsskarðinu, þá birti þokuna
og Skagafjörður fagnaði okkur baðaður í kvöldsólar-
skini.
Ferðin suður gekk vel, þótt vegir væru slæmir á köfl-
um svona snemma vors, og alltaf bættust konur í hóp-
á leiðinni. Við Blöndhlíðingar fórum í Varmahlíð, tók-
um rútubílinn þar. Þá liggja boð fyrir okkur frá kaup-
félagsstjóra að fá okkur kaffi, og þar fengum við fínar
viðtökur, svo að ekki byrjaði ferðin illa. Við vorum
óvanar því að ferðast með langferðabíl án þess að þurfa
að borga nokkurn skapaðan hlut.
Nú komum við heim í Bifröst. Þar tekur á móti okk-
ur Baldur Óskarsson, hann átti að stjórna þessari hús-
mæðraviku og tókst honum það með prýði, því það þarf
meira en meðalmann til að stjórna sjötíu konum, sem
allar slepptu fram af sér beizlinu og urðu ungar og
ærslafullar á ný.
Stundvíslega klukkan 10 á hverjum morgni, nema
sunnudaginn, áttum við að mæta í hátíðasalnum, þar
voru fróðleikserindi flutt, kvikmyndir, snyrtikennsla og
svo kynning osta og ostarétta, og grun hef ég um, að
margar þær yngri hafi útbúið fínan ostabakka þegar
heim kom, svo máttum við smakka á öllu þessu góðgæti,
og það var einna líkast þegar rollur komast í síldar-
tunnu, svo var hópurinn þéttur kringum borðið.
Framhald á bls. 141.
Skagfirzku konurnar, sem dvöldu i Bifröst. Talið frá vinstri, aftari röð: Svanhildur Guðjónsdóttir, Hofsósi; Sigur-
björg Halldórsdóttir, Brekkukoti; Ólöf Gunnarsdóttir, Ríp; Sigriður Gunnarsdóttir, Stóru-Ökrum; Arnfriður
Jónasdóttir, Þverá. - Fremri röð, frá vinstri: Sigríður Gunnarsdóttir, Flatatungu, Anna Jónsdóttir, Laufhóli;
Jónína Sigurðardóttir, Egg; Sveinbjörg Árnadóttir, Hofi; Stefanía Jónsdóttir, Hofsósi.
124 Heima er bezt