Heima er bezt - 01.10.1993, Qupperneq 17

Tíðarfar er hér gott. Fyrst í september féll snjór 4
þumlunga djúpur, síðan hafa verið blíður. Nú er
Runólfur orðinn Sjera. Skyldi hann ekki vera vit-
lausastur, líkt og hann hrapi í Höfðanum eða bólur
á sjónum verði honum til ama.
Það er sagt að Bjarni Bjamason frá Kirkjulandi
sé að selja og ætli að flytja burt frá Sion. Hann er
góður Mormóni og efnaður maður. Björn Magnús-
son fór til að skoða sig um. Hann fór til Was-
hington í Bandaríkjunum, í bænum Seattle stað-
næmist hann helst og víðar mun hann hafa farið
þar um slóðir. Og er mælt að hann fari og hinn
fyrrnefndi B. Bjarnason, meir veit ég ekki um það.
Stóri-Björn er hættur að vinna en hvenær hann fer
geymir tíminn.
Það er sagt að vel hafi fiskast síðastliðið sumar.
Það hefði verið gott fyrir mig að vera kominn til að
róa ... Samt verður það líklega ekki að ég fari til Is-
lands næsta sumar því það er ekki billegra nema
kaupa farseðil báðar leiðir og fara á sýninguna í
Chicago um leið. Þar verða margar flugur á ferð og
líka telja menn að ekki standi gott af henni, rán eða
drepsótt.
Nú er að minnka bréfsefnið. Ég er líka svo slæm-
ur af helvítis tannpínu að ég get varla verið á fót-
um, hún er að vitja um síðasta jaxlinn. Svo er mað-
ur nauðbeygður til að láta draga úr sér og setja í
mig tönnur.
Ég veit ekki hvenær ég hef hentugleika til að
borga þér fiðrið sem þú sendir mér. Ég gjöri það
við fyrsta tækifæri þegar ég kem til Spanish Fork,
sem líklega verður bráðlega ef mér verður ekki
gott til með vinnu og skaltu ekki skrifa mér að
sinni, því það er ekki víst hvað ég tek fyrir þegar
ég sé að í þessum bannsettum rassi er öngva vinnu
að hafa.
Fremur hefi ég gaman að fá bréf við hentugt
tækifæri. Hér í Scofield er jólagleði úti hjá flestum
og hefur lítið verið sögulegt meðal Islendinga hér,
en fjöldi hefur verðskuldað húsaskjól og nokkrir
fengið. Tveir réðust á fatasölumann á alfaravegi
hér í bænum. Skemmdu það sem hann hafði með-
ferðis, giskað er á að þeir fái 6. mán. fangelsi eða
verði að borga sig út en þyngra straff ef lengra látið
ganga. Oklárað er málið enn. Um nýja árið á að
skjóta mann (í næsta bæ fyrir sunnan Spanish
Fork) fyrir það að hann drap konuna sína. Hann
framdi þetta svívirðilega morð með því að kæfa
hana, fyrst í vatnsbala, svo gróf hann hana niður.
En nokkru seinna fundu börnin þeirra hana af til-
viljun. Þau höfðu átt 8 böm.
(Seig þú mér hvernig dómur féll í Fjallamálinu.
Gaman er að frétta um sjómennsku og málaferli).
Svona tilfelli gat átt sér stað meðal hinna síðustu
daga heilögu á þessari öld, sem hefði varla borið
við á liðnum tíma meðal hinna starblindu gentala
(heiðingja). Kannski þetta hafi verið einhver hel-
vítis heiðingi, ég vil finna það út og gef þeim trú-
uðu. Þessi maður mátti segja til hvort hann vildi
skjótast eða hengjast. Heldur kaus hann það fyrr-
nefnda. Ég held ég hefði farið að sjá hefði hann
verið hengdur.
Ekki held ég John sem var í Sjólyst hafi það gott.
Ég hef talað við mann sem hefur verið hjá Jóni.
Þessar nýlendur eru mikið misgóðar. Ég hef nokk-
uð fræðst af fólki sem komið er að norðan. Gott
væri fyrir alla sem til Ameríku fara, að skoða sig
um áður en þeir taka upp land, en byggja ekki
skoðanir sínar á annara sögusögnum. Sagnir eru
flestar eftir því hvernig hverjum líkar í því og því
plássinu sem þeir eru í. Ekki held ég að sumir sem
skrifa finnist þeir hafa hæfilegleika til að lýsa
plássi þó þeir hafi ekki verið nema eina viku. Verði
þeim að góðu, miklir hæfileikar eru það. Meira eru
þeir verðir en ég og þó allir komi til Ameríku læt
ég mig einu skipta. Samt vildi ég að þú fréttir það
aldrei að ég eyddi því sem ég hef aflað til að kaupa
eigindóm í Spanish Fork.
Ég fer að hætta, fyrirgefðu ómerka bullið.
Kveð þig ásamt minni kæru ntóður. Þinn
Guðmundur Magnússon,
Scofield, Emergy County, Utah.
Rs. Ég bið að heilsa Arna Diðrikssyni og því
fólki er var á hans heimili þegar ég fór. Sömuleiðis
Vigfúsi Scheving og Óla gamla í Koti. Sami G.
Magnússon.
Tvö síðari bréf Guðmundar verða birt í næsta
blaði.
Heimaerbezt 337