Heima er bezt - 01.06.1995, Síða 34
Stofuplöntur
og sumarfri
Fólk sem hugsað hefur samvisku-
samlega um stofuplönturnar sínar
allt árið verður fyrir stóráfalli ef þær
deyja meðan það er að heiman í vetr-
ar- eða sumarleyfi. Plönturnar þurfa
fyrst og fremst vökvun í fjarveru
ykkar, og þó einhver nágranninn sé
oft fús að „fóstra"1 þær, er yfirleitt
betra að koma upp eigin vökvunar-
kerfi, nema viðkomandi hafi því
meiri kunnáttu til að bera. Þeir sem
eru óvanir að hugsa um inniplöntur
vökva þær yfirleitt alltof mikið, með
þeim afleiðingum að ræturnar fúna
og plönturnar deyja, stundum mörg-
um vikum eftir að þið komið úr frí-
inu.
Meðferðin, sem plönturnar fá er
háð því hvort leyfið er tekið að
sumri eða vetri og hve langt það er.
Hér fara á eftir nokkrar tillögur um
hvernig best megi tryggja að plönt-
urnar ykkar haldist lifandi meðan þið
eruð að heiman, hvort sem sá tími
skiptir dögum eða vikum.
Fyrir brottför
skuluð þið...
• biðja vin að snúa samhverfum
blaðplöntum einn fjórða úr hring á
nokkurra daga fresti, svo að þær fái
ekki slagsíðu;
• loka dyrum herbergisins þar sem
plönturnar eru til að súgur ofþurrki
þær ekki og hindra að gæludýr velti
þeim um koll eða éti þær;
• kanna viku áður en þið farið hvort
sníklar eða sjúkdómar hrjá plönturn-
ar. Ef svo reynist, þá úðið þær þegar
í stað. Sé farið í langt frí, er góð var-
úðarráðstöfun að úða allar plöntur,
því egg meindýra geta verið á þeim
og eins víst að blöðin verði löðrandi
af skorkvikindum þegar þið komið
aftur;
• láta stórar plöntur á plastþynnu í
miðju herberginu, fjarri gluggum
mót suðri. Hver pottur á að standa í
skál fullri af vatni;
• koma litlum plöntum fyrir í fræ-
bökkum úr plasti og hafa raka mó-
mylsnu í kringum þær. Þannig hald-
ast þær rakar og svalar, en að vísu
aðeins í skamman tíma;
• draga fyrir glugga að sumrinu,
einkum þá sem snúa móti suðri.
Meðan blómin bíða
1. Klippið burt fölnuð blóm, einnig
þau sem líklegt er að hafi lifað sitt
fegursta þegar þið komið heim. Ann-
ars hafa þau slæm áhrif á aðra hluta
plöntunnar, einkum ef hún er með lin
blöð.
2. Fjarlægið dauð blöð af blaðplönt-
um. Þar sem mikið blaðskrúð er
skemma rotnandi blöð fljótt út frá
sér og fúinn nær til allrar plöntunnar
fyrr en varir.
3. Setjið litlar plöntur á gljúpan dúk
þar sem annar endinn er yfír frá-
rennslisrist og hinn niðri í vaski,
hálffullum af vatni. Þetta er tilvalin
aðferð ef farið er í langt frí.
4. Vökvið einstakar plöntur með
borðalaga kveik. Stingið öðrum enda
hans ofan í moldina og hinum djúpt í
vatnsílát sem stendur hærra en plönt-
urnar.
5. Hægt er að koma plöntum fyrir í
skál með hreinu vatni, en þær má
einnig hafa í grynnra íláti á undirlagi
úr ögn blautum leirkúlum. Báðar
þessar aðferðir stuðla að meiri loft-
raka. Látið ílátin ekki standa þar
sem súgur er, því plönturnar eyða þá
vatnsbirgðunum miklu fyrr en ella.
214 Heima er bezt