Æskan - 01.01.1976, Page 33
og er hann leit upp, sá hann, að þar var Paulvitch
kominn.
„Komdu upp!“ skipaði Rússinn. „En mundu það, að
þú verður skotinn, ef þú gerir minnstu tilraun til þess
að ráðast á mig eða nokkurn annan á skipinu."
Apamaðurinn vatt sér léttilega upp á þilfarið. í kring-
um hann, en f hæfilegri fjarlægð, stóðu sex sjómenn
með byssur og skammbyssur. Paulvitch stóð á móti hon-
um.
Tarzan litaðist um eftir Rokoff, sem hann þóttist viss
um, að væri á skipsfjöl. En hann sá hann ekki.
„Greystoke lávarður!" skipaði Rússinn. „Með stöðugri
afskiptasemi þinni af málum Rokoffs og fyrirætlunum
hans hefur þú komið sjálfum þér og fjölskyldu þinni í
þennan vanda. Það máttu sjálfum þér um kenna. Eins
°g þú getur ímyndað þér, hefur þessi ferð kostað Rokoff
allmikið fé, og þar sem ferðin er þér að kenna, býst hann
við endurgreiðslu frá þér:.
Og það get ég sagt þér, að því aðeins geturðu búist
við, að sæmilega verði farið með konu þína og son, að
þú greiðir kröfu Rokoffs, og þá munt þú lifi halda og
frelsi hljóta.“
..Hver er upphæðin?" spurði Tarzan, „og hvaða trygg-
ingu hef ég fyrir þvi, að þið efnið gefin loforð ykkar?
Ég hef litla ástæðu til þess að treysta öðrum eins föntum
°g ykkur Rokoff; það veistu vel.“
Rússinn roðnaði.
„Þú ert ekki svo vel stæður, að þér sé fært að vera með
dylgjur," sagði hann. „Þú hefur ekki annað en orð mín
til tryggingar því, að við efnum loforð okkar, en þú
hefur fulla tryggingu fyrir því, að við getum drepið þig,
ef þú skrifar ekki ávísun á upphæðina, sem við heimtum.
Ef þú ert ekki vitlausari en ég held, þá muntu vita,
að okkur væri ekkert kærara en skipa mönnunum þarna
að skjóta. Að við gerum það ekki er vegna þess, að við
ætlum að hegna þér á annan hátt, þannig, að dauðinn
mundi hindra það.“
„Svaraðu einni spurningu," sagði Tarzan, „er sonur
minn hér á skipinu?"
„Nei,“ svaraði Alexis Paulvitch, „sonur þinn er ann-
ars staðar í góðu yfirlæti, og mun hann ekki verða drep-
inn, nema þú hafnir kröfu okkar. Ef nauðsynlegt verður
að drepa þig, er engin ástæða til þess að hlífa barninu,
því með þér er sá farinn, sem við vildum nota drenginn
til að auka hefnd vora á, og hann mundi þá aðeins verða
okkur til erfiðisauka. Þú sérð því, að lífi sonar þíns get-
urðu eingöngu bjargað með því að bjarga lifi þínu, og
þér bjargar þú með þvl einu að gefa okkur ávísunina,
sem við heimtum."
„Jæja,“ svaraði Tarzan, því hann vissi, að þeir gátu
framkvæmt hvaða hótun sem var, og það var þó tæki-
fasri til þess að bjarga drengnum, þótt hins vegar væru
31