Æskan - 01.01.1976, Síða 35

í bréfi til þáttarins frá H.J. er spurt
m. a. um hinn nýja Fjöibrautaskóla í
Breiðholti í Reykjavík. Mun þessu best
svarað með því að birta hér smákafla
úr setningarræðu skólastjórans nú I
haust, en skólastjóri Fjölbrautaskól-
ans er séra Guðmundur Sveinsson,
áður skólastjóri Samvinnuskólans.
Grein Guðmundar birtist í Tímanum:
2.2. Nám og deildir
,,Á brautum Fjölbrautaskólans í
Breiðholti skiptist nám í kjarna, kjör-
svið og valgreinar.
Kjarni verður sameiginlegur á öllum
námsbrautum skólans og er ætlast til
að hann veiti nemendum sameiginleg-
an þekkingarforða, er komi í veg fyrir
óeðlileg skil og tryggi samstöðu og
bekkjarvitund. Á fyrsta námsári er
gert ráð fyrir að kjarni verði helming-
ur námsins eða 18 kennslustundir á
viku. Hann mikli sameiginlegi kjarni á
að gera nemendum auðveldara að
skipta um námsbrautir að einu náms-
ári loknu, telji viðkomandi nemendur
að áhugi þeirra stefni fremur til ann-
arra námsbrauta en þeir völdu f upp-
hafi. Kjörsvið námsbrautanna verður
með þrennu móti:
a) nær einvörðungu verklegt,
b) að mestu leyti bóklegt eða
c) bæði verklegt og bóklegt, fer það
eftir eðli og innihaldi þeirrar náms-
brautar, sem valið hefur verið.
Kennslan í Fjölbrautaskólanum fer
fram í deildum, þar sem hinum mis-
munandi námsgreinum bóklegum og
verklegum verður búin hin besta að-
staða bæði hvað varðar tækjakost,
bókakost í sérsöfnum svo og annað
er hinar ólíku námsgreinar gera æski-
legt og eðlilegt f aðbúnaði og að-
stöðu. Þegar Fjölbrautaskólinn í Breið-
holti verður fullgerður er áætlað að
deildir hans muni alls verða sextán
talsins: íslenskudeild, erlend mála-
deild, stærðfræðideild, eðlis- og efna-
fræðideild, náttúrufræðideild, samfé-
lags- og uppeldisdeild, viðskiptadeild,
hússtjórnardeild, iðnfræðsludeild, sjó-
mennskudeild, mynd- og handmennta-
deild, lista- og tónmenntadeild, heilsu-
gæslu- og heilbrigðisdeild, félags- og
tómstundadeild, Iþróttadeild og loks
sérkennsludeild. Deildirnar skapa sér-
staka aðstöðu til að byggja upp og
þróa hin ólfku fræðisvið, bókleg og
verkleg og búa nemendum og kenn-
urum þá starfsaðstöðu sem fræðisviðin
gera kröfu til.
Fjölbrautaskóli er þrennt í senn:
Margþætt skólastofnun, félags- og
menningarmiðstöð og svo heimili.
Verður reynt að búa sem best að hin-
um þrem þáttum, að orðið geti nem-
endum til þroska og manndóms. Þegar
Fjölbrautaskólinn í Breiðholti er full-
skipaður fyrir 1400 nemendur, munu
auk beinna kennslukrafta starfa við
skólann þrír ráðgjafar í námsráðgjöf,
starfsvalsráðgjöf og vinnumiðlunarráð-
gjöf. Þá verða og í hópi starfsliðs
FJÖLBRAUTASKÓLINN
skólans tveir sálfræðingar, annar með
sérmenntun í skólasálfræði, en hinn
með sérmenntun I námsmati og prófa-
gerð, félagsráðgjafi, bókavörður með
fullgilda menntun skólabókavarðar og
í bókasafnsfræðum, aðstoðarbóka-
vörður, kennslugagnaleiðbeinandi, ráð-
gjafi um verkefnaval og námstækni.
Enn verða við menntastofnunina skóla-
læknir eða skólalæknar, hjúkrunar-
kona með viðbótarmenntun í félags-
ráðgjöf auk annarra, er þar sinna störf-
um.
Fjölbrautaskólinn í Breiðholti legg-
ur verknám og bóknám að jöfnu og
verður lagt kapp á að búa á engan
hátt síður að verknámi I skólanum
heldur en bóknámi. Það verður líka að
verulegu leyti verknámið, sem tryggir
nemendum hæfni til starfa úti í at-
vinnulífinu og veitir þeim réttindi í ýms-
um atvinnugreinum. Má segja, að ein-
mitt sú áhersla, sem lögð verður á
verknám í Fjölbrautarskólanum, geri
hann að sérstæðari menntastofnun og
gefi Ijósast til kynna þá miklu mögu-
leika á fjölbreyttu námi, sem skólinn
býður upp á.“
Þá má geta þess að undirbúnings-
nám er skyldunámið á barna- og ungl-
ingastigi. Fjölbrautaskólinn er ekki
fullbyggður ennþá, en áætlað mun
vera, að hann eigi að rúma um 1400
nemendur.
Fjölbrautaskólinn.
33