Iðunn - 01.01.1887, Page 262
256 Um bréfpeningafölsun.
seðilfalsara, og hefir hún haft erindreka í þeim
erindum í öllum stórborgum Evrópu, en virðist nú
vera alveg uppgefin á því. A Englandi er höfuð-
stöð þeirra, er falsa seðilrúflur, en þeir hafa ávallt
við og við útibú í Berlín, Dresden og París; en
lögreglumenn gera þeim þó sífelldar ónáðir. Milh
1870 og 80 var reglulegur markaður fyrir falsaðar
seðilrúflur 1 borginni Aachen. þangað komu um-
boðsmennirnir frá Lundúnum á ákveðnum tímum
á ári hverju, og sömdu við undirumboðsmenn sína,
sem koma áttu falsseðlunum út á meðal manna í
Bússlandi, Austurríki, Prússlandi og í París. En
samtímis vóru þar náttúrlega hafðir leynilegir lög-
reglumenn til að hafa gætur á þeim, og reyna að
ná í þá, og hafa þeir oft veitt vel. þannig varð þar
í einu náð 23000 falsseðlum árið 1879.
Tuttugu og fimm, tíu- og fimm-rúfla-seðlar eru
helzt falsaðir. En það hefir alloft borið við, að
einmitt fals-seðlarnir hafa verið betur gerðir og
vandaðri en hinir rússnesku frumseðlar, enda var
svo auðvelt að falsa þá, þangað til fyrir fám ár-
um, að þeir blátt áfram freistuðu manna til föls-
unar. En nú eru Bússar farnir að vanda betur
alla útgerð þeirra. »Hið stóra alþjóða-rúflufalsara-
félag» hefir einnig mikið um sig á þýzkalandi, °S
auk fastra stöðva í Berlín, Breslá, Königsberg.
Dresden og Leipzig hefir það við og við umboðs-
menn í Múnchen, Mainz, Köln, Aachen, Baden-
Baden, Stuttgart og Strassburg. En haganlegast
hefir það komið sér fyrir í Sviss. A meðal umboðs-
manna félagsins þar er mælt að séu menn af beztu
ættum, er áður hafi verið heiðvirðustu og vönduð-