Kirkjuritið - 01.05.1937, Blaðsíða 42

200
Erlendar fréttir.
Kirk.juritiS.
isfræðum í Heidelberg 1897, l'lulti þaðan tii Berlínar og var
þar prófessor unz hann lét af embætti 1935.
Sem vísindamaður hefir A. Deissmann haft geysimikla þýð-
ingu með rannsóknum sínum á máli Nýja testamentisins. Bók
hans Licht vom Osten leysti til fullnustu gátu Nýja testamentis-
grískunnar með því að sýna fram á samhengi hennar við mælt
og ritað mál samtíðarinnar. Rit Nýja testamentisins eru ekki
rituð á neinu bráðabirgðamáli, sköpuðu af guðspjallamönn-
unum og' postulunum, heldur á grísku, og henni meira að segja
góðri. Það voru einkum rannsóknir Deissmanns á papyrusrit-
unum og ritslitrunum, sem færðu heim sanninn um þetta.
En Deissmann var ekki eingöngu visindamaður. Hann var
einn af forystumönnunum í starfinu að einingu kirkjudeild-
anna um heiminn. Gerist nú jmnnskipað í brjósti þeirrar
fylkingar. í fyrra lézt Valdemar Ammundsen, fyrir fám vik-
um Glubokovskij, fyrirliði grísk-kaþólsku kirkjunnar á þessu
sviði, og nú Adolf Deissmann. Deissmann var náinn samverka-
maður Nathans Söderbloms. Hans hugsjón var Una sancta
ein heilög (kirkja)— síðasta ritið frá lians hendi ber einmitt
þetta nafn. Á stríðsárunum hélt hann ótrauður uppi merki ein-
ingarinnar og bræðralagsins í landi sinu. Hann var mikill vís-
indamaður — sjöfaldur heiðursdoktor •— og var haft að orð-
taki, að það, sem Deissmann ekki vissi, væri ekki þess virði að
vita það. Og hann var mikiil kirkjumaður. Sjálfur notaði hann
um annan mann (Söderblom) orð Schleiermachers um „kirkju-
höfðingjann“, sem sameinar trúarlegan eldmóð og vísindalega
skólaðar gáfur, orð, sem má heimfæra upp á Deissmann sjálf-
an. Hann var kristinn fyrst og fremst. 1918, e. t. v. erfiðasta
tímann í lífi sínu, dvaldist hann um skeið sem gestur Söder-
bloms í Uppsölum, og er haft eftir Söderblom, að hann hafi
eftir það aldrei getað komið inn í herbergið, þar sem Deissmann
bjó, án þess að finna til þess, að það var helgað af stríðandi
og biðjandi anda hans.
Sigurbjörn Einarsson.
Kirkjuritið kemur út 10 sinnum á ári — alla mánuði ársins nema
ágúst og septembermánuð — um 26 arkir alls og kostar kr. 5.00
árgangurinn. Gjalddagi 1. april — og 1. okt., ef menn kjósa held-
ur að borga i tvennu lagi. Afgreiðslu og innheimtu annast séra
Helgi Hjálmarsson, Hringbraut 144, sími 4776, Reykjavík.