Fríkirkjan - 01.03.1901, Page 13

45
svo að orði: „Sú stofna, sem einkennir sig með nafninu
„hærri kritík“, þýðir í meðvitund manna nú sem st.endur sama
sem vísindaleg vantrú.“
Síðar í sama blaði fer ritstjóri „Sam.“ nokkrum orðum
um ritgjörð síra B. og tilefni hennar, og gefur að endingu til
kynna að hann sjálfur búist við að taka siðar til máls nm
þetta efni. Orð farast honum þannig:
„Ritgjörð séra Björns B. Jónssonar um „bibhufræðina nýju“,
sem byrjar i þessu „Sam.“-blaði, verður vist af mörgum vand-
lega lesin og af sumum að minnsta kosti mjög vel þegin. Svo-
langt sem hún nær, skýiir hún málið ágætlega. En þetta er
að eins byrjan. Hann heldur máli sínu áfram í nokkrum rit-
gjörðum, er „Sam.“ síðar kemur með. Séra Biörn var til þess
neyddur að taka til máls, úr þvi „Verði ljós!“ réðst eins óvægi-
lega á skoðan hans á heilagri ritning og það hefir gjört í rit-
dómi sínum um innblásturs-fyrirlestur hans í „Aldamótum.“
Hefði séra Björn engu svarað, né neinn annar, sem sömu eða
líka skoðan hefir, mátti ætla, að sú hlið málsins hefði engin
rök fyrir sig að bera og stæði uppi algjörlega varnai'laus. Vænt-
anlega þykir og vini vorum séra Jóni Heigasyni betur að tek-
ið er til að ræða rnálið einnig hér hjá oss Vestur-íslendingum, þó
að ekki só honum allir samþykkir. Því auðsætt er, að hann hefir
gjört sór rnjög mikið far um að koma því á dagskrá hvervetna
í kirkju þjóðar vorrar.
Vér erum nú ekki þeirrar skoðunar, að rétt hafi verið að
gjöra þessa tegund bibliufræðinnar að sliku aðal-máli i kirkju-
legu alþýðublaði, eins og gjört hefir verið í „Verði ljós!“ En
úr því að svo er komið sem komið er, og úr því að tvær eru
hliðar á þvi máli, þá dugir ekki, að að eins annar málspartur-
inn hafi orðið. Og af þvi að skorað hefir verið á ritstjóra'„Sam.“
að láta líka til sín heyra um ágreiningsefni þetta, þá býst hann
við að segja eitthvað í þá átt síðar, ef guð lofar.“
í fyririestri sinum um „Mótsagnir" sagði síra Jón Bjarna-
son: „Ég skal nú lýsa því yfir að óg er ongan veginn að öliu
leyti samþykkur sira Jóni Helgasj’ni í þvi er hann i blaði sínu
hefir sagt um mótsagnir í biblíunni." Þannig hefur hann
auðvitað kornizt að orði mestmegnis af kurteysi við dócentinn.
En í V . . . . ljósinu eru orðin, „engan veginn að öllu leyti“