Mánaðarblað K.F.U.M. í Reykjavík - 01.11.1927, Blaðsíða 10

8
MÁNAÐARBLAÐ K. F. U. M.
Vekur framkoma fj elagsleiðtoganna aðdáun
og samúð fjelagsbræðra víða um lönd, gleym-
um ekki að biðja fyrir þeim á bænavikunni.
Czechoslovakía. — Fjelögin þar eru í stöð-
ugri framför. Á síðustu tveim árunum hafa
fjelögin reist 6 nýjar byggingar. Nýja bygg-
ingin í Prag verður tekin til notkunar 1928.
Danmörk. — Ellefu nýir framkvæmda-
stjórar hafa bæzt við. Fjelagið hefur haft
mikið starf fyrir atvinnulausa menn og hef-
ur cand. theol. Falk-Hansen haft aðalstarf-
ið í þessu efni. '
England. — Stjóm Þjóðabandalagsins hef-
ur stofnað til sjerstakra fundarhalda um
kristileg mál og hefur komið af stað mikilli
hreyfingu á biblíulestrarmálið, til þess að fá
sem flesta unga menn til þess að kynna sjer
líf Jesú Krists.
Finnland. — Það er auðsjeð, að alþjóða-
fundurinn í Helsingfors hefur sett nýtt fjör
í fjelagshreyfinguna, og víða á sjer þar
stað mikil framför í fjelagsskapnum. Frá
Finnlandi var mikil þátttaka í alþjóða í-
þróttamótinu í Kaupmannahöfn.
Grikkland. — Byrjuð er fjelags húsbygg-
ing í Salonika, og vaxandi samstarf og skiln-
ingur á sjer stað milli grísku kirkjunnar og
fjelagsins.
Hawaii. — Sjö fjelög þar, sem unnið hafa
hvert á sínum stað, hafa nú sameinað sig
og stofnað landsbandalag.
Indland. — Á þessu ári hefur verið meira
gjört til þess að styrkja fjelagið inn á við
en til þess að útbreiða það. Ungir menn inn-
an og utan fjelags hafa. fengið mikinn áhuga
á því að kynnast lífi Jesú Krists.
Japan. — Fjelögin þar hafa lagt mikið
kapp á að efla biblíulestur til þess að hjálpa
ungum mönnum til þess að skilja Jesúm
Krist betur.
Júgoslavia. — Nýr bústaður fyrir fjelagið
hefur verið opnaður í Belgrad. Fjelagið hef-
ur notið mikils stuðnings af hálfu kirkjunn-
ar. Sumarbústaðir fyrir drengi hafa verið
haldnir á mörgum stöðum.
Korea. — Á þessu ári hefur fjelagið
breiðst mjög út um sveitimar. Fjelögin
mistu mikið við lát eins af leiðtogunum, Yi
Sang Choi.
Nýja Sjáland. — Fjelögin hafa átt að
stríða við miklar fjárhagskröggur. Miklum
tíma og vinnu hefur verið offrað til að koma
því í lag. Drengja- og unglingastarfið er
þar hið blómlegasta, sterkara en nokkurs-
staðar annarsstaðar í Breska ríkinu. Um
2000 drengir og piltar eru í biblulestrar-
flokkum.
Palestína. — Verkið er nú byrjað á hinni
nýju stóru fjelagsbyggingu í Jerúsalem, sem
hefur nú verið í undirbúningi í mörg ár.
Byggingin á ekki aðeins að vera til gagns
fyrir æskulýðinn í Jerúsalem heldur að vera
miðstöð allra fjelagsmanna, sem koma til
Jerúsalem víðsvegar að úr heiminum sem
pílagrímar til þess að sjá þá staði, sem
Drottinn vor dvaldi á og ferðaðist um á
hjervistardögum sínum. Starfið í fjelaginu
bæði í Jerúsalem og Jaffa, er í mikilli fram-
för. !]!^
Pólland. — Hin fagra nýja fjelagsbygging
í Krakau var opnuð í fyrrahaust. Ráðist
hefur verið á fjelagið í ýmsum blöðum, en
svar almennings var það að veita fjelaginu
mikla fjárhagsstoð bæði í Warsow og
Krakau.
Roumania. — Fjelagið í Bukarest hefur
fengið nýja starfskrapta og vinnur í fullu
samræmi við siði og venjur Grískkathólsku
kirkjunnar. Fjelagið nýtur þar mikillar hylli.
Svíþjóð. — öll fjelagshreyfingin fagnaði
mjög heimkomu Dr. Karls Friis, sem um
þriggja ára tíma hefur verið í Schweitz einn
af veraldarframkvæmdarstjórunum. Fjelög-
in eiga mikið að þakka honum fyrir hans
langa starf. í sumar hjelt fjelagið hátíðlegt
25 ára afmæli sænska K. F. U. M.-banda-
lagsins, á stórum fundi í Stockhólmi. Starfið
í Svíþjóð víða mjög glæsilegt. —