Ægir - 01.04.1954, Side 27

Æ G I R
89
Fiskveiðasjóður Islands
og aágeráir síáasta Alþingis.
Á síðasta Alþingi var nokkuð rætt um
lánastarfsemi í þágu sjáVarútvegsins. Borin
var fram sú breyting á lögum um stofnlána-
deild sjávarútvegsins, að lán seðlabankans
til stofnalánadeildar, sem upphaflega var
100 millj. kr., skuli vera fast framlag til
áframhaldandi starfsemi deildarinnar. Með
þessari breytingu var því ætlazt til, að sú
fjárhæð, sem stofnlánadeild hafði greitt til
seðlabankans gengi til deildarinnár að nýju.
Hefði þessi breyting á stofnlánadeildarlög-
unum náð samþykki, átti stofnlánadeildin
að taka lil starfa í einni deild frá 1. jan.
1954, og lán úr sjóðnum átti öðru fremur
að veita út á skip smíðuð innlands. En mál
þetta varð ekki útrætt.
Borin var fram sú breyting á lögum um
Fiskveiðasjóð íslands, að hann veiti einnig
lán til verbúða og útgerðarhúsa (sjóhúsa).
Um óstæðuna fyrir breytingunni á lögum
sjóðsins segir svo m. a. í greinargerð:
„Samkvæmt núgildandi lögum um Fisk-
veiðasjóð íslands er sjóðnum ekki heimilt
að lána fé til byggingar verbúða eða útgerð-
arhúsa, nema þeirra húsa, þar sem jafnframt
fer fram fiskiðja. Hefur þetta valdið mikl-
um erfiðleikum á mörgum útgerðarstöðv-
um, þar sem vélbátaeigendur skortir tilfinn-
anlega viðunandi húsnæði í landi til fisk-
söltunar, fiskgeymslu, geymslu veiðarfæra
og til ýmissa annarra nota í sambandi við
útgerð báta sinna. Munu margir hafa leitað
á náðir Fiskveiðasjóðs, en þar sem lögin
heimiluðu ekki lánveitingar til þessara
framkvæmda, hefur eklci reynzt auðið að
veita mönnum úrlausn þar. Er þá ekki ann-
að að ieita en til bankanna, sem oft hafa
reynzt harla tregir til að leysa á viðunandi
hátt úr þessum erfiðleikum.“
Þá var borið fram frumvarp til laga þess
efnis, að ríkisstjórninni væri heimilt að taka
allt að 20 milljón króna lán innanlands eða
erlendis. Fjárhæð þessa skal ríkissjóður lána
Fiskveiðasjóði íslands á árinu 1954 til tutt-
ugu ára með eigi hærri vöxtum en 4%.
Fiskveiðasjóður skal síðan lána fé þetta út
til smíði fiskiskipa innanlands. í greinar-
gerð fyrir frumvarpi þessu segir m. a. á
þessa leið:
„Þörfin fyrir auknar skipasmíðar er
Jjegar orðin mikil, og má marka það meðal
annars af því, að eftirspurn eftir fiskbát-
um fer nú vaxandi. Eru þeir nú fluttir inn
tugum saman erlendis frá, og er eftirspurn-
inni þó á engan hátt fullnægt. Þá er og hafin
smíði á nokkrum fiskbátum innanlands,
aðallega í skipasmíðastöðvum við Faxaflóa,
en lánsfjárskortur hindrar það, að verulegur
slcriður komist á skipasmíðarnar, því að
fjölmargir aðilar víðs vegar um landið hafa
mikinn áhuga á því að ná sér í fiskibáta,
en skortir fjármagn til framkvæmdanna.
Það, sem vantar til að tryggja vöxt og við-
gang þessa þýðingarmikla atvinnuvegar, er
aukin lánastarfsemi í hennar þágu, og er
frumvarpi þessu ætlað að greiða fyrir því,
að svo geti orðið.“
Frumvörp þessi voru ekki útrædd.
Loks er þess að geta, að samþ. voru tvær
þingsályktanir viðvíkjandi Fiskveiðasjóði.
Er í annarri þeirra skorað á ríkisstjórnina
að láta fara fram á þessu ári endurskoðun
laga um sjóðinn — m. a. í því skyni, að
starfsfé sjóðsins og starfssvið verði aukið
— og leggja frumvarp til nýrra laga um
sjóðinn fyrir næsta Alþingi.
Hin þingsályktunartillagan var þannig:
„Alþingi álj'ktar að skora á ríkisstjórn-
ina að beita sér fyrir því, að gerðar verði
ráðstafanir til þess að afla fiskveiðasjóði
viðbótarfjár til nauðsynlegra stofnalána