Ægir - 01.02.1971, Blaðsíða 8

22
ÆGIR
unnu vöru hækkaði um meir en helming, en
þó mun núverandi verð á harðfeiti hér
vera mjög svipað og sambærileg vara kost-
ar f. o. b. í Noregi og Danmörku í dag.
Undanfarin tvö ár hefur verið í athugun
endurnýjun og stækkun herzluverksmiðj-
unnar. Nú hefur Reykjavíkurborg úthlut-
að lóð fyrir nýja verksmiðju, sem ráðgert
er að reisa í Gufunesi. Hefur þegar verið
samið um kaup á herzlutækjum, sem munu
fimmfalda afkastagetuna í sjálfri herzl-
unni, en áður hafa verið keyptar lýsis-
hreinsunarvélar, sem samsvara þessari af-
kastagetu. Er áætlað að flytja reksturinn
í áföngum í Gufunes á næstu 4—5 árum
og munu fyrstu byggingarframkvæmdir
hefjast á þessu vori.
Stækkun þessi er að sjálfsögðu gerð með
útflutning harðfeiti í huga, enda hefur
aðild Islands að E. F. T. A. breytt veru-
lega aðstöðu okkar til þess að ná því mark-
miði.
Gunnar GuSjónsson:
Hraðfrystiiðnaðurinn 1970.
Eftirfarandi yf-
irlit yfir hrað-
frystiiðnaðinn ár-
ið 1970 er tekið
saman í janúar
1971. Framleiðslu-
og útflutningstöl-
ur eru því byggðar
á bráðabirgðaupp-
gjöri við síðustu
áramót. Við loka-
uppgjör kunna
þær að breytast,
en vart mun verða um veruleg frávik að
ræða.
Helztu einkenni ársins 1970 í hraðfrysti-
iðnaði landsmanna voru aukin framleiðsla,
hækkandi verðlag afurðanna og aukinn
framleiðslukostnaður, er líða tók á árið.
Fyrri helmingur ársins var mjög hag-
stæður, hvað innlendar aðstæður áhrærir.
Vetrarvertíð hófst með eðlilegum hætti og
aflabrögð voru góð. Það, ásamt hærra verði
fyrir fisk til frystingar og góðar mark-
aðshorfur, stuðlaði að því, að stór hluti
aflans fór í frystingu.
Horfur voru því á fram eftir ári, að um
metframleiðslu yrði að ræða í hraðfryst-
ingu sjávarafurða. Svo varð þó eigi. Verk-
föll í maí og júní höfðu truflandi áhrif, og
auk þess drógu mjög hagstæðir markaðir
í Evrópu fyrir ísfisk og ísaða síld á s.l.
hausti úr löndunum hér heima. Áherzla
var lögð á að láta togarana sigla og mikill
fjöldi stærri fiskibáta stundaði síldveiðar
í Norðursjó. Minni bátar hófu, í auknum
mæli, veiðar á rækju og hörpudiski við SV.
og Vesturland. Skapaði það mikla atvinnu
í mörgum hraðfrystihúsum á þessu svæði,
en framleiðsla fiskflaka og fiskblokka
varð minni að sama skapi.
Framleiðsla.
Þrátt fyrir þetta varð heildarfram-
leiðsla hraðfrystra sjávarafurða árið 1970
um 92.000 smálestir. Þar af var fram-
leiðsla hraðfrystihúsa innan Sölumiðstöðv-
ar hraðfrystihúsanna og Sjávarafurða-
deildar SlS 89.971 smálest, sem var 7.032
smálestum meira en árið áður, eða 6.5%
aukning.
Auk þessa tveggja aðila hefur Sjö-
stjarnan h.f í Keflavík útflutningsleyfi á
hraðfrystum sjávarafurðum. Árið 1970
framleiddi þetta fyrirtæki 1300 smálestir
af fiskflökum og fiskblokkum og 110 smá-
lestir af humar. Upplýsingar eru ekki fyrir
hendi um framleiðslu annarra afurðateg-
unda hjá þessu fyrirtæki s. s. flatfisks,
heilfrysts fisks o. s. frv.
Um helmingur framleiðslunnar hjá S. H.
og SlS var, eins og árið áður, þorskflök og
þorskblokkir. Framleiðsla þessara tveggja
helztu afurðategunda var 42.797 smálestir,
sem var 2.452 smálestum meira eða 6%,
en árið 1969. Hlutfallsleg og veruleg aukn-
ing varð í framleiðslu þorskflaka í svo-
nefndar neytendaumbúðir. Blokkir voru
um 55 % og flök um 45 %. Fyrir nokkrum