Ægir - 01.04.1975, Blaðsíða 10

tíma ríkti nokkur bjartsýni hjá þurrkendum
um, að verð á þurrfiski mundi hækka í sam-
ræmi við hækkanir á verði blautfisks. Sú von
brást gjörsamlega. í samningum, sem gerðir
voru við Portúgal í sept. 1974 fékkst reyndar
lítil hækkun í dollurum fyrir besta þorskinn.
Verð á Miramar hélst óbreytt frá árinu áður,
en verð á Miradouro varð nú aðeins um 72%
af verði Miramar, en hafði í mörg ár legið
aðeins um 4—6% lægra í verði en Miramar.
Láta mun nærri að þurrkaður þorskur
skiptist hlutfallslega því sem næst sem hér
segir:
Betri þorskur (1, 2 og 3) .......... 10%
Miramar ............................ 60%
Miradouro .......................... 30%
Þegar þessa er gætt er ljóst að meðalverð
þurrkaðs þorsks hafði lækkað í dollurum frá
því árið áður.
Á öðrum mörkuðum var þróunin sízt hag-
kvæmari og á það þó einkum við um ufsa,
löngu og keilu, sem lækkuðu um allt að 20—
25% frá árinu áður, vegna mikils framboðs
frá Noregi og fleiri löndum.
Sú bjartsýni sem ríkt hafði um sölu þurr-
fisks meðal verkenda í lok vertíðar 1974 var
orðin að engu um það bil, sem framleiðslan
fór að verða tilbúin til sölu og útflutnings-
S. í. F. hefur lagt á það áherzlu við' salt-
fiskframleiðendur að þeir kæmu sér upp vél-
kælingu á saltfiskstöðvum sínum. Allmargar
stöðvar tóku vélkæla í notkun á nýliðnu ári,
en þó vantar enn mikið á að vel sé.
í einmunatíð sem á s. 1. sumri, er algjör
nauðsyn fyrir saltfiskframleiðendur að kæla
stöðvar sínar til að tooma í veg fyrir rauða-
myndun og fá betra gæðamat og í annan stað
ættu framleiðendur ekki að þurfa að skoða
hug sinn um kostnaðarhliðina, þar eð það er
viðurkennd staðreynd, að stofnkostnaður vél-
kælingar endurgreiðist í minni rýrnun. Því
leggur S. í. F. enn mikla áherzlu á að allir
framleiðendur komi upp vélkælingu og þeir
sem þegar hafa hana setji hana af stað þegar
í apríl því að mikilvægast er að hiti nái aldrei
að verða meiri en +5°C í geymslum.
FISKVERÐ
Verð á loðnu
Yfirnefnd Verðlagsráðs sjávarútvegsins
hefur ákveðið eftirfarandi lágmarksverð á
loðnu til bræðslu eftirgreind tímabil á loðnu-
vertíð 1975:
Frá 16. febrúar til 22. febrúar,
hver kg .............................. 2.45
Frá 23. febrúar til 1. mars,
hvert kg.............................. 2.10
Frá 2. mars til 8. mars,
hvert kg ............................. 1.75
Frá 9. mars til 15. mars,
hvert kg ............................. 1.65
Frá 16. mars til loka loðnuvertíðar,
hvert kg ............................. 1.60
Verð á úrgangsloðnu frá frystihúsum skal
vera 10% lægra en ofangreint verð.
Auk framangreinds verðs greiði kaupendur
kr. 0.10 fyrir hvert kg frá 16. febrúar til 8.
mars í loðnuflutningasjóð. Eftir þann tíma
er ekki greitt framlag í loðnuflutningasjóð.
Verðið er miðað við loðnu komna á flutn-
ingstæki við hlið veiðiskips eða löndunartseki
í verksmiðju.
Lágmarksverð hvers tímabils gildir um það
loðnumagn, sem komið er í skipi að löndunar-
bryggju fyrir kl. 24.00 síðasta dag hvers
verðtímabils.
Fulltrúum í Verðlagsráði er heimilt að
segja verðinu upp frá og með 23. mars og
hvenær sem er síðan, með viku fyrirvara.
Reykjavík, 20. febrúar 1975.
Verðlagsráð sjávarútvegsins-
Framhald á bls. 104
100 — ÆGIR