Ægir - 01.03.1991, Page 10

118
ÆGIR
3/91
Afkoma útgerðar 1990
Sveinn Hjörtur Hjartarson:
Afkoma útgerðar
Afkoma útgerðar árið 1990 var
almennt góð ef frá er talinn loðnu-
flotinn vegna umtalsverðs sam-
dráttar í aflaheimildum og afl-
abresti á haustvertíð 1990. Þannig
var áætlað að hagnaður útgerðar
miðað við rekstrarskilyrði í októ-
ber 1990 væri um 5% eða um
1760 millj. kr. Af þessum hagnaði
eiga frystitogarar helminginn.
Mynd 1 sýnir myndrænt hvernig
afkoma botnfiskveiða og -vinnslu
hefur sveiflast milli áranna 1980
og 1990. Flest árin hefur afkoman
verið neikvæð. En síðari hluti ára-
tugarins hefur verið til muna hag-
stæðari en fyrri hluti hans.
Bætta afkomu flotans má fyrst
og fremst rekja til hærra aflaverð-
mætis. Fiskverð hefur almennt
hækkað á árinu. Þó er það ekki
algilt, þar sem verð á rækju, sem
er pilluð hefur lækkað mikið og
verð á lýsi og mjöli hefur verið
lágt. Mynd 2 gefur yfirlit um verð-
þróun á sjávarafurðum í SDR frá
1984 og fram á seinni hluta ársins
1990 og gefur góða mynd af
þróun afurðaverðsins umrætt
tímabil.
Ákvörðun fiskverðs
í tengslum við fiskverð í árs-
byrjun 1990 var stofnsett s.k. Afla-
miðlun, en í stjórn Aflamiðlunat
eiga fulltrúar helstu hagsmuna-
aðila í sjávarútvegi sæti. Hlutverk
Aflamiðlunar er að greiða fyrir
fiskviðskiptum innanlands og hafa
eftirlit með og aðlaga útflutning á
Mynd 7. Heimild: Þjóðhagsstofnun.