Ægir - 01.03.1991, Blaðsíða 22

130
ÆGIR
3/91
skipt þannig, að svæðið frá
Reykjavík til Hafnarfjarðar og
Suðurnesja auk Þorlákshafnar er
kallað Suðvesturland. Þessir staðir
eru allir á sama markaðssvæði og
innan við klukkutíma akstur hver
frá öðrum.
Öðrum svæðum er skipt í Vest-
urland, Vestfirði, Norðurland,
Austurland, Vestmannaeyjar og
erlendis, en erlendis er sá afli sem
fluttur er út ferskur í skipum.
Tafla 2 sýnir skiptingu botnfisk-
afla 1990 á einstök landsvæði.
Landadur botnfiskafli
í þús. tonna 1990
þús. tonn %
Suðvesturland 190 30
Vesturland 62 10
Vestfirðir 76 12
Norðurland 123 20
Austurland 73 12
Vestmannaeyjar 60 10
Erlendis (með skipum) 38 622 6 100
Tafla 2: Landshlutaskipting botnfisk-
afia 1 990.
Það kemur vafalaust ýmsum á
óvart að langstærstum hluta
botnfiskafla íslendinga eða 30% er
landað í nágrenni Reykjavíkur.
Næst Suðvesturlandi kemur
Norðurland með 20% botnfiskafl-
ans. Aðrir landshlutar eru með
12% (Vestfirðir og Austurland) eða
10% (Vesturland og Vestmanna-
eyjar).
Þetta gerði fiskmörkuðum kleift
að hasla sér völl einmitt á Suðvest-
urlandi, þar sem nægjanlegt fram-
boð og eftirspurn var til staðar.
Markaðirnir eru allir hlutafélög
með dreifða eignaraðild og starfa
samkvæmt sérstökum lögum og
reglugerðum.
Selt magn og söluverðmæti
á mörkuðum
Tafla 3 sýnir selt magn og verð-
mæti frá 1988, sem var fyrsta heila
starfsár markaðanna, og eru verð-
mætatölur á meðalverðlagi 1990,
þannig að þær eru sambærilegar.
Þannig hækkaði selt magn milli
áranna 1988 og 1989 úr 52 þús.
tonnum í 57 þús. tonn eða um
10% og milli áranna 1989 og
1990 úr 57 þús. tonnum í 71 þús.
tonn eða um 25%.
Raunvirði söluverðmætis jókst
milli áranna 1988 og 1989 úr rúm-
um 2,3 milljörðum í 2,9 milljarða
eða um 26% og milli áranna 1989
og 1990 úr 2,9 milljörðum í rúma
4,5 milljarða eða um 56%.
Þetta eru verulegar fjárhæðir.
Það er fullkomlega eðlilegt að líta
á þessa þrjá markaði saman, þar
sem þeir eru á sama markaðssvæði
og margir kaupendur kaupa á þeim
öllum.
Salan að fjárhæð rúmlega 4,5
milljarða á fiskmörkuðum 1990
sýnir að hér er um að ræða eina
stærstu verslunargrein hérlendis.
Þetta er hærri fjárhæð en sem
nemur hlutabréfaviðskiptum allra
verðbréfafyrirtækjanna í fyrra.
Verðbréfafyrirtækin seldu hluta-
bréf fyrir 4.140 milljónir árið 1990
en samtals voru seld hlutabréf fyrir
5,7 milljarða á liðnu ári. Mikil
umræða hefur verið um hin miklu
viðskipti á hlutbréfum.
Miklum fiski er samt sem áður
landað á Suðvesturlandi, sem ekki
er seldur á fiskmörkuðum. í töflu 2
sést að landaður botnfiskur var
190 þús. tonn á Suðvesturlandi
árið 1990. Hér er um óslægðan
fisk að ræða og einnig er í þessari
tölu umreiknaður afli frystitogara
sem er landað á svæðinu. Þannig
er óhætt að draga nokkuð frá til að
bera nákvæmlega saman við 71
þús. tonnin á mörkuðunum, sem
er allt ferskur fiskur.
Það nálgast þó, að helmingur
aflans á þessu svæði sé seldur á
fiskmörkuðum. Það verður þó að
taka tillit til þess, að verulega
mikið af fiski berst með bílum,
fiskiskipum og gámum til sölu a
mörkuðunum. Þannig kemut
nokkurt magn af Snæfellsnesi, aðal-
lega bátaafli.
Einnig er ekki óalgengt, að
fiskur sé keyptur á mörkuðum og
fluttur langar vegalengdir til
vinnslu til að mynda á Húsavík
eða í Vestmannaeyjum.
Umsvif innlendra fiskmarkaða 1988- -1990
Selt magn í þús. tonna
1988 1989 1990
Faxamarkaðurinn 14 21 28
Fiskmarkaðurinn í Hafnarfirði 16 17 15
Fiskmarkaður Suðurnesja 22 19 _28
52 57 71
Selt í millj. kr. á verðlagi ársins 1990
1988 1989 1990
Faxamarkaðurinn 603 1.111 1.80 7
Fiskmarkaðurinn í Hafnarfirði 770 910 1.030
Fiskmarkaður Suðurnesja 940 889 1,704
2.313 2.910 4.541
Magnhækkun milli 1988 og 1989 um 10%.
Magnhækkun milli 1989 og 1990 um 25%.
Raunhækkun verðmætis milli 1988 og 1989 um 26%.
Raunhækkun verðmætis milli 1989 og 1990 um 56%.
Tafla 3: Selt magn og söluverðmæti fiskmarkaða 1988-1990.