Tímarit lögfræðinga - 01.11.1985, Blaðsíða 20
an. Úthlutun vegna tónflutnings fer því í raun fram tvisvar á ári, í
ársbyrjun og árslok. Þessi regla gildir þó ekki um þá sem óverulegra
hagsmuna hafa að gæta.
Auk gjalda fyrir flutningsrétt innheimtir STEF gjöld fyrir fjöl-
földunarrétt, þ.e. fyrir útgáfu verka á hljómplötum og öðrum hljóðrit-
um (kassettum). Er höfundalaunum þeim sem hljómplötuframleiðend-
ur greiða til STEFs og miðast við hundraðstölu af söluverði seldra ein-
taka skipt upp á milli höfunda að frádregnum kostnaði, í samræmi við
lengd þeirra verka sem höfundar eiga á viðkomandi plötu.
b) SFH, Samband flytjenda og hljómplötuframleiðenda.
Sambandið var stofnað á árinu 1973. Aðildarfélög eru þessi: Félag
íslenskra hljómlistarmanna, Félag íslenskra tónlistarmanna, Félag ís-
lenskra leikara, Samband íslenskra karlakóra, Samband blandaðra kóra,
Samband íslenskra lúðrasveita og Samband hljómplötuframleiðenda. Fé-
lagið er löggilt af menntamálaráðuneytinu.
Tilgangur sambandsins er að gæta réttar flytjenda og hljómplötu-
framleiðenda til heimtu gjalda af markaðshljóðritum (hljómplötum,
kassettum) skv. 47. gr. höfundalaga.
Helstu greiðendur eru: Ríkisútvarpið, diskótek, verslanir, vinnu-
staðir og aðrir aðilar sem nota markaðshljóðrit til tónflutnings.
Ríkisútvarpið greiðir ákveðna fjárhæð fyrir hverja flutningsmínútu,
en greiðslugrundvöllur annarra aðila er 25% álagsgreiðsla á venjuleg
STEF-gj öld.
Sambandið gætir aðeins hagsmuna íslenskra rétthafa þar sem ísland
hefur ekki enn fullgilt svokallaðan Rómarsáttmála frá 1961 til verndar
listflytjendum og hljómplötuframleiðendum.
Úthlutun nettótekna er einstaklingsbundin hjá hljómplötuframleið-
endum en „kollektív" hjá flytjendafélögum, þ.e. þau leggja sinn hluta
í félagssjóð. Eftir gildandi reglum rennur helmingur ráðstöfunarfjár
til flytjenda og helmingur til framleiðenda.
c) Rithöfundasamband íslands.
Tilgangi þess er svo lýst í samþykktum sambandsins:
„Tilgangur Rithöfundasambands íslands er að efla samtök íslenskra
rithöfunda, gæta hagsmuna þeirra og réttar í samræmi við alþjóða-
venjur, verja frelsi og heiður bókmennta og standa gegn hvers kyns
ofsóknum á hendur rithöfundum í starfi þeirra.“
Þótt orðalag hér sé nokkuð hástemmt og tilgangurinn víðfeðmur
samkvæmt orðanna hljóðan hefur starfsemi sambandsins mjög beinst
158