Tímarit lögfræðinga - 01.10.1991, Qupperneq 44

hópurinn víðreist um Bandaríkin og voru sóttir heim dómstólar í Washington,
Boston, Philadelphia og New York. Þá heimsóttu dómararnir lagadeild
Harvardháskóla. Segir í skýrslunni að dómurunum hafi hvarvetna verið vel
tekið og að ferðin hafi verið mjög lærdómsrík og ánægjuleg.
Segja má að hópferðir dómara til útlanda séu orðnar fastur og umfangsmikill
liður í starfsemi félagsins. Má hér nefna ferð til Danmerkur og Suður-Svíþjóðar í
október 1981,71 ferð til Finnlands 30. september - 10. október 1983,72 ferð til
Skotlands 1985,73 ferð til Strassborgar, Karlsruhe, Stuttgart og Esslingen 1988.74
Ekki verður skilið við þennan þátt um erlend samskipti án þess að geta um
aðild Dómarafélags Islands að Alþjóðasambandi dómara. Á þingi Dómarafé-
lags íslands 1980 var samþykkt að sækja um aðild að Alþjóðasambandi
dómara.75 Varð Dómarafélag íslands fullgildur aðili að sambandinu árið 1982.
Það var þó ekki fyrr en í október árið 1984 að þáverandi formaður félagsins,
Ármann Snævarr, sótti aðalfund sambandsins sem haldinn var í Lichtenstein.
Kostnaður vegna þátttöku í starfi samtakanna kom þó í veg fyrir að Dómarafé-
lag íslands gæti tekið fullan þátt í starfseminni til að byrja með. í skýrslu fyrir
starfsárið 1984-1985 lýsir stjórnin nokkrum áhyggjum af þessu og dregur í efa að
félagið hafi bolmagn til að halda þessu starfi áfram til langframa.76 Af þessari
ástæðu m.a. gætti jafnan nokkurra efasemda um réttmæti aðildar að samtökun-
um. Þó hafa þeir félagsmenn sem tekið hafa beinan þátt í starfinu verið á einu
máli um að þátttaka Dómarafélags íslands sé fyllilega réttmæt.77 Frá 1988 hafa
Islendingar tekið þátt í þingi sambandsins með fuliri aðild. 1988 var þingið
haldið í Berlín og sóttu það tveir fulltrúar frá Dómarafélagi íslands, þeir Friðgeir
Björnsson þáverandi formaður og Valtýr Sigurðsson gjaldkeri. Næsta þing
Alþjóðasambands dómara var haldið í október 1989 í portúgölsku nýlendunni
Macao skammt frá Hong Kong og sóttu það sömu fulltrúar og áður, en auk
þeirra bættist Haraldur Henrýsson í hópinn. Síðast var þingið haldið í Helsinki,
en það sóttu Friðgeir Björnsson, Pétur Kr. Hafstein og Sigríður Ingvarsdóttir.
Of snemmt er hins vegar að leggja hér mat á gildi þessa starfs fyrir Dómarafélag
fslands þegar til lengri tíma er litið.
71 Skýrsla stjórnar fyrir starfsárið 1980-1981, s. 5-7. Sjánánari frásögn ÓlafurSt. Sigurösson: „Ferð
dómara til Danmerkur og Suður - Svíþjóðar 1981“: Tímarit lögfræðinga 1982 (30), s. 92 - 95.
72 Skýrsla stjórnar fyrir starfsárið 1982 - 1983, s. 5 - 8.
73 Skýrsla stjórnar fyrir starfsárið 1984-1985, birt með aðalfundargerð 1985, s. 5 - 6.
74 Skýrsla stjórnar fyrir starfsárið 1987-1988, s. 5-6.
75 f gögnum Dómarafélags fslands er yfirleitt talað um Alþjóðasamband dómara. Pó eiga einstakir
dómarar ekki beina aðild að samtökunum, heldur heildarfélög dómara í einstökum löndum. Sjá t.d.
skýrslu stjórnar fyrir starfsárið 1983-1984, s. 5.
76 Skýrsla stjórnar fyrir starfsárið 1984 - 1985, s. 4.
77 Sjá t.d. skýrslu stjórnar fyrir starfsárið 1987 - 1988, s. 9 - 10.
202