Alþýðumaðurinn - 28.08.1962, Síða 14

Rósberg G.
Snædal
f. 8/8 1919 I Kárahlíð í Laxárdal, A.-Hún. — Búsettur á Akureyri
frá 1941.
FJALLKONULJÓÐ
Hér hafa börn mín búið þúsund ár,
barizt við vetrarfrost og ísað haf
langa nótt, við neyð og hungurfár,
náðarbrauð og harðan lagastaf. -—-
Brást mér þó aldrei íslenzkt þjóðarstolt,
aldalangt var það skjöldur minn og sverð.
Eldar, sem lýstu Odda og Reykjaholt,
yljuðu hörnum mínum langa ferð.
Sigggróin hönd og kuldabarin kinn
kotbænda minna þekktu ei undanhald.
Þjóð, sem á trú og vissu um sigur sinn,
sigrar að lokum jarðneskt konungsvald.
Því eru í dag svo blá mín bröttu fjöll,
blikandi særinn, tært mitt himinhvel.
Munið það, fólk mitt — börn mín, eitt og öll:
ykkar er þetta land — og njótið vel.
Heyr, íslenzkt fólk, ég flyt þér boðskap minn
í fegurð þessa dags — og júniblæ.
Vak þú í starfi — vittu tíma þinn,
vorgyðjan kveður dyra á þínum bæ.
Þúsundir radda boða vorsins vald,
viðurinn brumar, grænkar fell og hlíð,
veturinn snýr á vonlaust undanhald,
veðraðar hjarðir fagna sumartíð.
Fagnið þið, börn mín, frelsi sumardags,
fagnið, því nú er runnin langþráð tíð.
Fagnið og njótið vorsins ljóðalags,
lagt er hið dýra gull í ykkar mund.
Þið eruð ég, — og ég er aðeins þið,
jörð var oss gefin. Hér er okkar land:
Sólríkir dagar, fengsæl fiskimið,
fannkringdir hnjúkar, brim við ægisand. —
Kalt er á stundum, veit ég vel, en þá
vitið þið bezt og finnið ykkar mátt.
Það verður engi kveif né kuldastrá,
sem kynnist frá bernsku frónskri norðanátt.
V 0 R
Flykkist hingað fuglaþjóð,
flögrar kringum bæinn
til að syngja ástaróð:
íslendingabraginn. —
KVÖLD
Fjöllin blána. Fagurt kvöld
friðarþrána nærir,
yfir Ránar roðatjöld
rökkurbrána færir. —
Á FERÐ
Veröld seiðir viðmótshlý,
vísar leið að tindum
undir heiðum himni í
Herðubreiðarlindum. —
14
ALÞÝÐUMAÐURINN