Alþýðumaðurinn - 20.12.1965, Blaðsíða 3
„Dýrð sé Guði í upphæðum, og friður á jörðu með þeim mönnum, sem hann hefur velþóknun á.“ — Lúkas 2:14.
„Friður á jörðu!"
Þau eru úr dýrðarsöng englanna fyrstu
jólanóttina þessi orð. í þeim er fólgin bæn
þúsundanna og milljánanna til Guðs, sem þá
gaf oss Son sinn, þess sama Guðs, sem gaf
oss mönnunum lífið og allar þess dásemdir.
Ef vér rnennirnir ættum nú aðeins eina
ósk. Það er stundum þannig í ævintýrum,
að ein ósk er gefin. Ef mannkynið ætti 11Ú
eina slíka ósk, mætti biðja scr einnar jóla-
gjafar, þá myndi það biðja um frið, á jörðu.-
En það er ekki sama hver friðurinn er. Það
er ekki friður launasamninganna að aflok-
inni harðvítugri kjarabaráttu, það er ekki
vopnahlé á lndlandsskaga eða í Indókína,
ekki heldur bann við notkun kjarnorku-
vopna. Allt þetta mun oss veitast, ef vér leit-
um fyrst Guðsríkis og hans réttlætis. Það er
friður Guðs, sem er æðri öllum skilningi, er
vér þráum. Undanfarna áratugi höfum vér
reynt hversu ófullnægjandi mannlegur frið-
ur er, friður beimsins. Oft á tíðum er hann
aðeins niðurbælt hatur og ótti, tortryggni og
Jaunráð. Það er ekki sltkur friðitr, sem vér
þráum. Vér þráum frið til að unna hverjir
öðrum og vinna verk vor í kyrrþey og kær-
leika, vér þráum frið til að þjóna því bezta,
sem með oss býr. Frið til að þjóna Guði. Það
er slíkur vinnufriður, sem mannkynið þráir.
Og sá friður fæst ekki við samningaborðið,
ekki heldur á vettvangi þjóðanna, hversu
einlæglega, sem leitað er. Eina leiðin til frið-
ar Guðs er sinnaskipti manna og þjóða, vér
þurfum að öðlast nýtt hjarta.
Framundan eru jólin, fæðingarhátíð
Drottins Jesú. Um hann sögðu spádómarnir:
„Nafn hans skal kallað Friðarhöfðingi." Það
er friður hans, sem vér þráum. Á örvœnting-
arfylltri skilnaðarstundu mælti hann við
lærisveina sína: „Frið læt ég eftir hjá yður,
minn frið gef ég yður; ekki gef ég yður eins
og heimurinn gefur. Hjarta yðar skelfist
ekki né hræðist." Þessi er friðurinn, sem vér
þráum. Það er bæn vor á þessum jólum, að
heimurinn læri að þekkja hann og snúi sér
til hans og meðtaki þann frið.
Guð gefi oss gleðileg jól.
^WVVVWWVVWWWTWVVVWWWW^WVWWVWVWWWWWWVWWWWVWWW^WWVVVWMVVVWWWWWWWWWvW