Fréttabréf Siglfirðingafélagsins í Reykjavík og nágrenni - maí 1997, Blaðsíða 12
mér í framan. En ég læt mig hafa það
því það er svo gott að láta þvo sér
eftir erfiðan vinnudag þegar maður
er bara sjö ára og prinsípin ekki
orðin eins mörg og síðar. Þetta er
kannski dagurinn þegar Tobbi
Gunnars datt úr vegasaltinu og fékk
stærðargat á hausinn. Hann stein-
rotaðist og eldrautt blóðið litaði
snjóhvítt hárið og allir voru sem lam-
aðir. Ég held að Helga Ólafs hafi
hlaupið eftir löggubílnum! En Tobbi
kom aftur daginn eftir með sárabindi
um hausinn og var hetja dagsins.
Kannski er þetta dagurinn sem
þeir Steini og Rabbi Heiðu uppá-
stóðu að ég hefði stolið græna
fólksbílnum þeirra og rændu honum
af mér þar sem ég var að að þvo
hann með munnvatnsbleyttu
puntstrái. Það kom síðar í ljós að
þeir áttu nákvæmlega samskonar bíl
og Kristján eldri bróðir þeirra skilaði
honum og baðst afsökunar. En það
var reyndar ekki fyrr en ég hafði
slegist allhraustlega við bræðurna.
Rútan
Barnagarðsrútan er svo sérkapítuli út
af fyrir sig. Oft var sólin búin að
skína á hana í tvo tíma þegar keyrt
var af stað og loftið í bílnum sjóð-
heitt, rykugt og mollulegt. Það var
Iagt upp frá torginu og stoppað sem
fyrr segir skammt frá Suðurgötu 26
og síðan á Hafnarhæðinni, að mig
minnir. Þetta var ævinfyralegt ferða-
lag sem manni fannst taka heila eilífð
og hefur stundum gert það! Oftar en
ekki kom það fyrir að rútan bilaði á
leiðinni og þá var græni löggubíllinn
notaður til að keyra strolluna heim.
Það var nú ævinfyri út af fyrir sig, þó
svo að oft væru litlir strokumenn ekki
í rónni fyrr en þeim hafði verið
hleypt út úr grænu Maríu!
Farið heim
A heimleiðinni með rútunni
syngjum við sönginn sem
kynslóðirnar frá 1938 hafa allar
sungið:
Nú erum við á leiðinni heim
vollí vollí vollí vei
í voða stórum rútubíl
hœ hœ hœ
en mamma stendur á torginu
vollí vollí vollí vei
og tekurþar á móti okkur
hœ hœ hœ.
Hins vegar tók ég alltaf sérstaklega
heils hugar undir þennan söng:
Ekki á morgunn
heldur hinn
þá hœttir Barnagarðurinn!
Gunnar Trausti
Ungir fótboltamenn
F.v. Matti Kristjáns (skipstjóra), Artii Jörgensett, Maggi Viðars, Rabbi í Leynittgi, Gunnar
Trausti, Palli Kristjáns (skipstjóra), Jón Finnur og Soffía systir hans (bórn Jóhannesar
löggu) og Siggi Ása. Tveir afþessum mönnutn eru látnir, þeir Maggi Viðars og Palli
Kristjáns.
12