Búnaðarrit - 01.01.1941, Side 104

98
BÚNAÐARRIT
bærinn, seni nú er, og næstur er Álunum, heiti.
Bakki. Hann var fluttur undan sandfoki lengra upp
í landið. Gamla bæjarstæðið er uppblásið og landið
þar í kring. Næsti bær fyrir vestan, eru Önundar-
staðir. Sandurinn var þar kominn heim á tún. Fyrir
sunnan og austan Önundarstaði eru eyðibýlin: Stakk-
holt, Stóra-Fit, Brynka-Fit, Eiríks-Fit. Sandurinn
l)erst hægt og markvíst upp í sveitina. Hann fyllir
vatnsrásir, lón og keldur. Fyrir ofan sandinn er vatns-
l’ylli alstaðar, þar sein lægðir eru. Hæstu rimar eru
aðeins upp úr, og sumstaðar bakkarönd við sandinn,
en þar helzt gróður ekki við vegna fénaðar og um-
ferðar. Komi mikil sunnanveður á vetrum, þegar vatn-
ið er frosið, er voðinn vís, því að þá rennur sandur-
inn el'tir ísnum fyrirstöðulaust. Fyrir vestan Ön-
undarstaði eru í fremstu bæjaröð: Kirkjulandshjáleiga,
Kirkjuland, Bryggjur (nú komnar i eyði). Kross,
Tjarnarkot, Hallgeirsey og Hallgeirseyjarhjáleiga.
Sumar jarðirnar eru tvíbýlisjarðir og auk þess eru
eyðibýli Rimakot o. fl.
Til þess að geta heft sandfokið og varið þessar
jarðir fyrir sandáganginum, þarf að gera skurð ofan
við sandinn, til þess að veita vatninu( austan frá Ön-
undarstöðum vestur í Hallgeirseyjarós).
Sandinn þarf að friða með girðingu, vestan frá Af-
falli austur í Ála. Vegna vatnsins, sem er á girðingar-
stæðinu, þarf l'yrsl að gera skurðinn og veita vatninu
burtu. Það skal tekið fram, að verði vatnið tekið úr
þessum farvegum, þ. e. Affalli og Álum, vantar enda-
punkta að þessari girðingu. Vegalengdin er um 17 km.
Fg álli tal við hreppstjórann, oddvitann, stjórn-
endur búnaðarfélags hreppsins og nokkra fleiri, og
virtust þeir haí'a áhuga fyrir að byrjað væri á sand-
græðslu, en samt töldu þeira ómögulegt að koma þessu
í framkvæmd. Sögðu þeir Önundarstaði í mestri
hættu, og mun það vera rétl, að sandurinn hafi verið