Búnaðarrit - 01.01.1951, Page 274
272
BÚNAÐARRIT
Jand. Væri þetta hezt vegna heilbrigði mjólkurkúnna.
Frá Hojer var svo haldið til Ribe um kvöldið og gist
þar, en föstudaginn 18. ágúst var haldið norður til
Frediricia og á leiðinni þangað komið við á tilrauna-
stöðinni við Askov. Var þar stutt viðdvöl og lítill
tími lil athugana. Verður ekki sagt frekar frá þessu
ferðalagi. Allir, sem í förinni voru, höfðu fengið nóg
af erl'iðu en lærdómsríku og ánægjulegu ferðalagi, og
Frediricia skildust leiðir og fór hver heim á leið.
Ég hef farið hér stutt yfir sögu, en það sem ég hef
til tínt er fyrst og fremst miðað við grasrækt og hvað
helzt sé athyglisvert við danska grasrækt, er geti orð-
ið íslenzkri túnrækt ábending til meiri lTamfara. Það
sem þá kemur fyrst fram í hugann er sú stefna Dana
í túnrækt sinni, að vanda vel frævalið, ekki einungis
val tegunda, heldur og eigi síður val beztu stofna
innan hverrar tegundar. Á samvinnugrundvelli
vinna þeir að því að kynbæta graslendisjurtirnar og
framleiða fræ af þeim, svo að landbúnaðurinji sé fær
um að leggja til það sáðfræ er hann árlega þarf að
nota sjálfur. Hér á landi er erfiðara um vik, hvað
þetta snertir, vegna miklu kaldari veðráttu, og verri
aðstöðu af þeim ástæðum, svo og hitt, sem líka vegur
talsvert að reglubundin árstima-háð jarðrækt er ekki
enn til í landinu. Það sem hér þarf að vinna á næstu
árum til bóta túnræktinni er meiri notkun á smára-
tegundum í túnræktina. Þarf hér tilraunir með þá
beztu stofna, sem fáanlegir eru frá Norðurlöndum
og fullkomna rannsókn á vetrarþoli og varanleik
þeirra. Svo þarf ábyggilega að skipta oftar um gróður
í íslenzkum túnum, en gert er, einkum þeim, sem
ætluð eru eingöngu til slægna.
Tilgangur þessa námskeiðs var sá, að kynna
danska túnrækt og framleiðslu og vinnubrögð þeirra
slofnana, er vinna að batnandi ræktun graslenda og
auknum afrakstri þeirra.