Búnaðarrit - 01.06.1956, Síða 324

442
BÚNAÐARRIT
þessi vógu um haustið 44.2 kg að meðaltali og voru
vel fóðruð um veturinn. Gemlingarnir vógu um vorið
51.6 kg og höfðu því þyngzt 7.4 kg yfir veturinn eða
5.7 kg minna en gemlingarnir þyngdust árið áður.
Arður eftir þá varð líka minni, sjá töflu 1 B, frjó-
semin var svipuð, en vænleiki lambanna minni. Þau
lögðu sig með 14.5 kg meðalfalli, sem telja verður vel
viðunandi, þótt það væri 1.1 kg minna en árið áður.
Haustið 1954 vógu tvævetlurnar og veturgömlu
gimbrarnar að meðaltali 72.0 kg. Þær voru vel fóðr-
aðar yfir veturinn og þyngdust til jafnaðar 3.4 kg.
Tala fæddra lamba var 155%, en tala heimtra lamba
að hausti 150%, sem telja verður góða frjósemi, þótt
bún væri meiri árið áður. Vænleiki dillca haustið 1955
varð nokkru minni en haustið áður, enda með af-
brigðum rigningasamt sumar og fé yfirleitt rýrt á
Suður- og Vesturlandi. Afurðir í dilkakjöti eftir á
að meðaltali voru: 29.0 kg eftir tvílembu, 16.3 ltg eftir
einlembu, 22.5 kg eftir hverja á, en 23.7 kg eftir
liverja á, sem skilaði lambi. Gemlingarnir voru lakar
fóðraðir veturinn 1954—’55 en tvo undanfarna vet-
ur. Þeir þyngdust að meðaltali 4.9 lcg og 44% þeirra
voru lembdir. Lömbin undan þeim voru rýr, lögðu
sig að meðaltali með 12 kg falli.
Telja verður, að hinn nýi stofn á Hrafnkelsstöðum
sé mjög álitlegur, en óvarlegt er að slaka á fóðrun
lambanna eins mikið og gert var veturinn 1954—’55,
ef gera á kröfu til þess að ærnar skili hámarksafurð-
um strax tveggja vetra.
Svanshólsbúið.
Sömu fjárstofnar hafa verið ræktaðir á Svanshóli
þetta tímabil eins og áður, en þær breylingar verið
gerðar á búskaparlagi, að gemlingarnir hafa verið
látnir eiga lömb síðuslu árin. Svanshólsærnar eru í