Fréttablaðið - 04.01.2010, Blaðsíða 16

16 4. janúar 2010 MÁNUDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar á að senda á auglysingar@frettabladid.is eða
hringja í síma 512 5000.
„Blessuð vertu, ég er löngu kominn úr
tísku,“ segir Davíð Scheving og þyk-
ist varla trúa að verið sé að falast eftir
viðtali við hann í tilefni áttræðisaf-
mælisins. Hann er á leiðinni vestan
af Snæfellsnesi, ásamt frúnni, þegar
í hann næst í síma. Eins og hjá flest-
um sem fara um Vesturland er Borgar-
nes sjálfsagður viðkomustaður og þar
tyllir hann sér niður í einni sjoppunni
meðan spjallið fer fram. Fyrst er for-
vitnast um hvað hann hafi verið að gera
fyrir vestan. „Hefurðu komið í Stykkis-
hólm?“ spyr hann á móti. „Jæja, þá hef-
urðu séð Helgafell. Við erum skrifuð
fyrir smá athvarfi í Sauraskógi, næsta
bæ við Helgafellið. Það er dásamleg-
ur staður.“
Ísafjörður er fæðingarbær Davíðs
og hann kveðst bæði Vestfirðingur og
Norðlendingur að uppruna. „En ég var
bara fimm mánaða þegar ég fluttist til
Reykjavíkur og þar ólst ég upp, nánar
tiltekið við Laufásveginn. Þar var og
er besta brekkan í borginni og alltaf
logn,“ rifjar hann upp. Skólana hafði
hann innan seilingar. Austurbæjar-
skólann, æfingadeild Kennaraskólans
sem var við Laufásveginn og svo MR
þar sem hann setti upp hvíta kollinn
1949. Svo tók atvinnulífið við. „Já, ég
byrjaði að vinna 21 árs og var á launa-
skrá á ýmsum stöðum til 78 ára ald-
urs,“ upplýsir hann.
Davíð stóð í framleiðslu á íslenskum
iðnaðarvörum, fyrst í Smára, Ljóma
og Smjörlíkisgerðinni og svo drykkj-
arvöruverksmiðjunni Sól. Hann er
guðfaðir hins sívinsæla Svala sem þar
var framleiddur − og er enn, þótt af-
skiptum Davíðs af fyrirtækinu hafi
lokið um miðjan tíunda áratug síðustu
aldar. „Svalinn heitir í höfuðið á kon-
unni minni, Stefaníu Svölu Borg,“ segir
hann stoltur. Of langt væri að telja upp
allar þær stjórnir sem Davíð hefur átt
sæti í en nefna má Félag íslenskra iðn-
rekenda og Vinnuveitendasambandið
og hann er í Hugmyndaráðuneytinu
sem sett var á fót á síðasta ári til að
virkja einstaklinginn og atvinnulífið
án þess að hið opinbera blandi sér í það
starf. Hann kveðst hafa haft gaman af
að vasast í félagsmálum en úr því hafi
dregið í seinni tíð. „Nema hvað ég er
aðalræðismaður Írlands og hef verið
það síðan sjötíu og eitthvað. Þarf til
dæmis að útskýra Icesave og aðildar-
umsókn Íslands að Evrópusambandinu
fyrir Írum og hef fylgst með umræð-
um á Alþingi og atkvæðagreiðslum til
að geta sett mig inn í málin. Það er nú
ekki öfundsvert hlutskipti að hlusta á
það sem þar fer fram.“ En hver skyldu
helstu áhugamálin vera þegar félags-
lífinu sleppir? „Þau snúast til dæmis
um að keyra vestur á Snæfellsnes og
dvelja þar stund og stund. Ég hef líka
afskaplega gaman af músík, við vorum
að hlusta á Exultate jubilate eftir Moz-
art í bílnum áðan. Svo les ég tals-
vert, einkum söguleg skrif. Er núna á
kafi í Snorra sem ég hafði með mér í
Saura og er búinn með Ragnar í Smára
sem var minn yfirboðari í smjörlíkinu í
fjörutíu ár. Þetta eru frábærlega góðar
bækur.“
Að lokum er Davíð spurður hvað
standi upp úr eftir þessi áttatíu ár og
þarf engan umhugsunarfrest. „Það er
hvað ég hef verið lánssamur og hvað
Guð hefur verið þolinmóður og góður
við syndaselinn mig. Ég hef hesta-
heilsu, á góða konu og 19 afkomendur
sem allir eru yndislegir. Ég er lukk-
unnar pamfíll.“
gun@frettabladid.is
DAVÍÐ SCHEVING THORSTEINSSON FRAMKVÆMDASTJÓRI: ER ÁTTRÆÐUR Í DAG
Guð hefur verið þolinmóður
og góður við syndaselinn mig
DAVÍÐ SCHEVING. „Ég byrjaði að vinna 21 árs og var á launaskrá á ýmsum stöðum til 78 ára aldurs. FRÉTTABLAÐIÐ/VALLI
Æðurin er stór kafönd sem
heldur sig nær eingöngu á og
við sjó og er algengasta önd
landsins. Karlfuglinn, blikinn,
er skrautlegur, svartur og hvít-
ur, með rauðleita bringu og
græna flekki á hnakka. Kven-
fuglinn, kollan, er í felulitum
eins og flestar andakollur. Æð-
arfuglinn er sjófugl, einnig á
varptíma, en slæðingur verpur
við ár og vötn allt að 20 km frá
sjó. Hann verpur í byggðum,
oft stórum og þéttum, í hólm-
um eða þar sem hann nýtur
verndar. Hreiðrið er opið, fóðr-
að með hinum verðmæta dúni
sem er verðmæt útflutnings-
vara. Það er oftast staðsett við
einhverja mishæð eða í mann-
gerðum varphólfum. Fæðan er
kræklingur og önnur skeldýr,
krabbadýr, grásleppuhrogn og
fiskúrgangur.
Í árlegum vetrarfuglatalning-
um, sem Náttúrufræðistofn-
un skipuleggur um land allt á
þessum árstíma (talningadag-
urinn nú er 27. desember) og
hafa staðið samfellt frá árinu
1952, er æðurin ávalt algeng-
asti fuglinn. Talið er á um 100
svæðum um land allt, flest-
um við ströndina og hafa sést
milli 50 og 60.000 æðarfugl-
ar í hverri talningu á undan-
förnum árum. Nánari upplýs-
ingar um talningarnar á vefn-
um www.ni.is. Á útmánuðum
má oft sjá þúsundir æðar-
fugla í höfnum, sérstaklega þar
sem loðnu er landað en fuglin-
um finnst loðnuhrognin mikið
hnossgæti. www.fuglavernd.is
FUGL VIKUNNAR: ÆÐUR
Algengasti fuglinn við
Ísland á veturna
ÆÐUR Það er stóísk ró og fegurð yfir æðarblikanum.
MYND/JÓHANN ÓLI HILMARSSON.
SIR ISAAC NEWTON (1643-1727)
FÆDDIST ÞENNAN DAG
„Við byggjum of marga
veggi og of fáar brýr.“
Sir Isaac Newton var enskur
stærðfræðingur, eðlisfræð-
ingur, stjarnfræðingur, nátt-
úruspekingur og gullgerðar-
maður.
Á þessum degi árið 1983 skall á mikið óveður
á Suður- og Vesturlandi og þurftu lögregla og
björgunarsveitir að koma mörgum til aðstoðar.
Hundruð björgunar- og lögreglumanna voru að
störfum allan daginn en á höfuðborgarsvæðinu
lánuðu björgunarsveitirnar bíla sína og annan út-
búnað til lögreglunnar þar sem bílafloti lögregl-
unnar réði ekki við aðstæður.
Mikill fjöldi bíla sat fastur og mörg dæmi voru
um að fólk þyrfti að bíða eftir aðstoð, fast í bíl-
unum, í margar klukkustundir.
Ástandið varð verst á Suðurlandi og lá skólahald
þar víðast hvar niðri í tvo daga og mjólkurflutn-
ingar fóru úr skorðum. Reykjanesbrautin lokað-
ist og marga smábíla fennti nánast í kaf í byln-
um. Daginn eftir, þann 5. janúar, varð aftur ófært
þegar ein dýpsta lægð sem sögur fara af gekk yfir
landið.
Nákvæmlega ári síðar, hinn 4. janúar 1984, gerði
aftur stórviðri með snjókomu sem olli miklum
samgönguerfiðleikum á höfuðborgarsvæðinu
með þeim afleiðingum að skólastarf féll niður og
vinnustöðum var lokað. Þá varð einnig mikið tjón
af völdum sjávarflóða, meðal annars í Sandgerði
og á Akranesi.
ÞETTA GERÐIST: 4. JANÚAR 1983
Mikið óveður í Reykjavík
Frá áramótum fá grunnskólabörn á Akureyri frítt í sundlaug-
ar bæjarins eftir því sem norðlenski fréttamiðillinn Viku-
dagur greinir frá. Því mun verða um tólf prósentum ódýrara
fyrir fjögurra manna fjölskyldu að fara í sund á nýju ári.
Frá þessu sagði Ólafur Jónsson, formaður íþróttaráðs, í
hófi sem Afreks- og styrktarsjóður Akureyrar stóð fyrir í
Íþróttahöllinni nýlega. Áður kostaði 100 krónur fyrir börn
í sund.
Börnin fá frítt
SUNDLAUG AKUREYRAR Grunnskólabörn á Akureyri fá frítt í sund frá
áramótum.
MERKISATBURÐIR
1917 Ríkisstjórn Jóns Magnús-
sonar tekur við völdum
og fyrsta íslenska ráðu-
neytið er sett á flot.
1948 Burma öðlast sjálfstæði
Landið var áður undir
Bretlandi.
1958 Sir Edmund Hillary nær á
Suðurpólinn.
1989 Stórbruni verður að Rétt-
arhálsi þegar Gúmmí-
vinnustofan brennur
ásamt fleiri fyrirtækjum í
kring. Tjónið nemur rúm-
lega fjögur hundruð millj-
ónum króna.
1994 Samið er við Banda-
ríkjamenn um samdrátt
í rekstri varnarliðsins á
Keflavíkurflugvelli.
2006 Forsætisráðherra Ísraels,
Ariel Sharon, fær hjarta-
áfall. Ehud Olmert tekur
við embættinu.
ÓVEÐUR Í REYKJAVÍK