Fréttablaðið - 10.05.2010, Blaðsíða 2

2 10. maí 2010 MÁNUDAGUR
FÓLK „Þegar ég kom að boltanum sá
ég að hann hafði ekki lent í tjörn-
inni eins og hélt. Hann hafði stopp-
að á hryggnum á krókódíl sem lá
þarna í makindum sínum,“ segir
Guðlaug K. Pálsdóttir, sem nýlega
var við golfleik á Providence-golf-
vellinum í Flórída í Bandaríkjun-
um. „Ég fullyrði að krókódíllinn
glotti í áttina til mín þegar hann
tók boltann í kjaftinn og stakk sér
í tjörnina.“
Guðlaug og eiginmaður henn-
ar, Kristján Þór Sveinsson, höfðu
ásamt vinum hafið leik snemma
dags og vissu ekki hvað beið þeirra
á hinum glæsilega Providence-
golfvelli, sem byggður hefur verið
upp á undanförnum árum.
Guðlaug útskýrir að eftir gott
upphafshögg á fyrstu braut hafi
annað höggið mistekist. Var hún
þess fullviss að boltinn hefði farið í
tjörn sem er við brautina. „Ég ætl-
aði ekki að trúa
eigin augum
þegar ég sá
hvers kyns var.
Ég komst síðar
að því að stað-
arreglur kveða
á um að golfari
í hættu fái frí-
dropp.“
Þegar blaða-
maður spurði
hvernig það hefði verið að snúa
baki í tjörnina þegar leik var hald-
ið áfram eftir myndatöku segir
Guðlaug: „Það var sérstakt. Króksi
var ekki stór en ég held að Íslend-
ingur geti ekki gert sér grein fyrir
hættunni sem stafar af krókódíl-
um við golfiðkun.“ Guðlaug bætir
við að hún verði sennilega þolin-
móðari við „erfiðar“ aðstæður á
Íslandi. Eins og til dæmis að sætta
sig við það þegar kríurnar ganga
hart fram við að verja hreiðrin úti
á Seltjarnarnesi. Þær upplýsingar
fengust hjá einum af golfkennur-
unum á Providence-golfvellinum
að þessi uppákoma væri einstök.
Vissulega væri mikið dýralíf við
völlinn, enda er hann á miðju
verndarsvæði. „Það eru krókódíl-
ar við alla golfvelli í Flórída en ég
hef aldrei heyrt um neitt þessu líkt
þau fimmtán ár sem ég hef starf-
að hér“, sagði golfkennarinn sem
vildi ekki láta nafns síns getið.
Hann skildi blaðamann nefnilega
þannig að Guðlaug og hennar fólk
ætlaði að fara í mál við fyrirtækið.
Hann sagðist þess fullviss að golf-
boltinn hefði lent á krók ódílnum og
hann hafi verið að verja sig. Þar
hitti hann naglann á höfuðið.
„Það var virkilega gaman að
þessu, fyrst enginn missti útlim,“
segir Guðlaug að endingu.
svavar@frettabladid.is
Krókódíll át boltann
Guðlaug K. Pálsdóttir telur sig hafa afsannað að golf sé hættulaus íþrótt.
Ástæðan er sú að krókódíll át golfboltann hennar. Það kom ekki að sök þar
sem staðarreglur kveða á um að spilari í lífshættu fái að slá vítislaust.
MEÐ BOLTANN Í KJAFTINUM Guðlaug K. Pálsdóttir ætlaði ekki að trúa sínum eigin augum þegar hún horfði á krókódíl taka golf-
boltann hennar og mjaka sér út í tjörn með hann í kjaftinum. MYND/GUÐJÓN GRÉTAR DANÍELSSON
Biggi, er ekki óttalegt maus að
skrifa þessa sögu?
„Þetta er bara stanslaust stuð og
mjög seif.“
Birgir Örn Steinarsson úr hljómsveitinni
Maus, eða Biggi í Maus, er að skrifa
poppsögu Páls Óskars Hjálmtýssonar.
ELDGOS Flugsamgöngur víðs vegar
um Evrópu komust í uppnám vegna
eldgossins í Eyjafjallajökli um helg-
ina. Flugvöllum var meðal annars
lokað um tíma í Frakklandi, Sviss,
Þýskalandi, Spáni, Ítalíu og Írlandi
í gær. Um 24.500 flug fóru um
Evrópu í gær, en það er 500 færri
flug en venja er. Þá urðu talsverð-
ar seinkanir þar sem fljúga þurfti
lengri leiðir til að forðast öskuský.
Keflavíkurflugvöllur og Reykja-
víkurflugvöllur hafa verið lokaðir
um helgina og hefur flug til og frá
landinu því farið um Akureyrar-
flugvöll. Áfram verður flogið um
Akureyrarvöll í dag, en vonast er
til þess að hægt verði að fljúga frá
Keflavík í kvöld. Samkvæmt spám
er gert ráð fyrir að flug geti verið
komið í fastar skorður á morgun,
að sögn Guðjóns Arngrímssonar
hjá Icelandair.
Samkvæmt upplýsingum frá
Veðurstofunni virðist framleiðsla
gosefna hafa farið dvínandi síðustu
vikuna. Gosvirknin hafi þó gengið
í bylgjum og búast megi við áfram-
haldandi sveiflum. Þá sé ekkert sem
bendi til þess að gosinu sé að ljúka.
Drunur heyrðust frá gosinu í tæp-
lega 200 kílómetra fjarlægð, meðal
annars í Borgarfirði, Vestmanna-
eyjum og í Austur-Húnavatnssýslu.
- þeb
Loka þurfti flugvöllum í nokkrum Evrópulöndum um tíma í gær:
Áfram flogið um Akureyri
AKUREYRARFLUGVÖLLUR Millilandaflug
hefur farið um Akureyrarflugvöll um
helgina og svo verður áfram í dag.
LÖGREGLUMÁL Rúmlega þrítug-
ur maður situr í gæsluvarðhaldi
grunaður um að hafa valdið dauða
manns á sextugsaldri aðfaranótt
laugardags.
Lögreglan á Suðurnesjum fékk
tilkynningu um málið um klukkan
sex á laugardagsmorgun. Þá höfðu
vegfarendur gengið fram á látinn
mann fyrir utan hús í Keflavík.
Áverkar á líki mannsins bentu strax
til þess að dauða hans hefði borið að
með saknæmum hætti. Lögreglan
hefur ekki gefið frekari upplýsing-
ar um málið, og sagði í tilkynningu
í gær að enn ætti eftir að yfirheyra
sakborninginn og vitni frekar. Ekki
náðist í rannsóknarlögreglumenn á
Suðurnesjum í gær.
Hinn grunaði heitir Ellert Sævars-
son og er 31 árs að aldri. Hann er
búsettur í Keflavík, skammt frá
þeim stað þar sem líkið fannst.
Héraðsdómur Reykjaness úrskurð-
aði hann í gær í gæsluvarðhald til
mánudagsins 17. maí.
Hinn látni var á sextugsaldri en
ekki er hægt að greina frá nafni
hans að svo stöddu. Lögreglan biður
þá sem telja sig geta veitt upplýs-
ingar um málið að hafa samband í
síma 420-1700 eða á netfangið dc@
dc.is. - þeb
Rúmlega þrítugur maður í haldi lögreglunnar á Suðurnesjum:
Grunaður um manndráp
Á VETTVANGI Lögreglumenn gengu í nærliggjandi hús og ræddu við íbúa á vettvangi
á laugardag. MYND/VÍKURFRÉTTIR
BRUSSEL,AP Fjármálaráðherrar
Evrópusambandsins lofuðu því á
neyðarfundi sínum í gær að grípa
til nauðsynlegra aðgerða til að
styðja við evruna áður en mark-
aðir opnuðu. Þeir vildu ekki gefa
nánar upp hvað þeir ætluðu að
gera. Vandræði hafa verið með
gjaldmiðilinn eftir að fjárhags-
vandræðin gengu yfir Grikkland.
„Við ætlum að verja evruna,“
sagði Elena Salgado, fjármála-
ráðherra Spánar. „Gjaldmiðill
okkar þarf meiri stöðugleika. Við
munum grípa til nauðsynlegra
aðgerða,“ sagði hún. - fb
Neyðarfundur hjá ESB
Ráðherrar ætla
að verja evruna
ELENA SALGADO Fjármálaráðherra
Spánar ætlar að verja evruna með kjafti
og klóm. FRÉTTABLAÐIÐ/AP
VIÐSKIPTI Stjórnendur kauphall-
anna Nasdaq OMX og NYSE Eur-
onext ætla að vinna með banda-
ríska fjármálaeftirlitinu að
rannsókn á snarpri dýfu á banda-
rískum markaði á fimmtudag í
síðustu viku þegar Dow Jones-
hlutabréfavísitalan hrundi um eitt
þúsund stig.
Bandaríski öldungadeildarþing-
maðurinn Chris Dodd, sem jafn-
framt er formaður bankamála-
nefndar bandaríska þingsins, vill
fyrirbyggja að mistök geti leitt til
nýrrar dýfu. - jab
Rannsaka markaðshrunið:
Vilja hindra
nýtt hrun
VINNUSLYS Starfsmaður Hótels
Selfoss hlaut fyrsta og annars
stigs bruna í andliti, á höndum og
framanverðum lærum í fyrradag.
Slysið varð þegar starfsstúlka
heilsulindar hótelsins var að
bæta á arin. Eldur blossaði upp
og kviknaði í fötum stúlkunnar
en henni tókst að kæla sig á ís.
Læknir, sem staddur var í heilsu-
lindinni, kom henni til aðstoðar
og kallaði á sjúkrabíl sem flutti
stúlkuna til aðhlynningar á Heil-
brigðisstofnun Suðurlands á Sel-
fossi. Viðvörunarkerfi hótelsins
fóru í gang við eldsprenginguna
og flæddu mörg hundruð lítrar
af vatni á gólfið úr úðarakerfi á
hæðinni. - rat
Vinnuslys á Hótel Selfossi:
Brann í andliti
og á lærum
MOSKVA,AP Að minnsta kosti tólf
verkamenn fórust og tugir særð-
ust þegar tvær sprengingar urðu
í stærstu neðanjarðarkolanámu
Rússlands.
83 manneskjur til viðbótar
voru fastar niðri í námunni í gær,
þar á meðal björgunarstarfs-
menn. Fyrri sprengingin varð
laust fyrir miðnætti á laugar-
dagskvöld en sú síðari nokkrum
klukkustundum síðar. 359 verka-
menn voru við vinnu í námunni
þegar fyrsta sprengingin varð.
Náman er um þrjú þúsund kíló-
metra austur af Moskvu. - fb
Sprenging í kolanámu:
Tólf fórust og
tugir særðust
KOLANÁMAN Tvær sprengingar urðu í
kolanámunni sem kostuðu að minnsta
kosti tólf verkamenn lífið. FRÉTTABLAÐIÐ/AP
GUÐLAUG K.
PÁLSDÓTTIR
Marseruðu á Rauða torginu
Breskir hermenn marseruðu um
Rauða torgið í Moskvu í fyrsta sinn
í sögunni í gær. Þá fögnuðu Rússar
því að 65 ár eru liðin frá lokum síðar
heimsstyrjaldarinnar. Rússneskar
hersveitir marseruðu um torgið ásamt
sveitum frá Bretlandi, Frakklandi,
Póllandi og Bandaríkjunum.
RÚSSLAND
Stjórnin féll
Stjórnarflokkarnir í Þýskalandi urðu
fyrir áfalli í sambandslagakosn-
ingunum sem voru haldnar í gær.
Samkvæmt fyrstu útgönguspám er
stjórnin í Nordrhein-Westphalen fallin
og eiga þessi tíðindi eftir að hafa
umtalsverð áhrif á landsmálin.
ÞÝSKALAND
SPURNING DAGSINS