Barnablaðið - 01.06.1989, Blaðsíða 6

6 BARNABLADIÐ
sem við vorum með var allt í senn
stærðfræðibók, málfræði- og
lestrarbók og margt fleira.
Misskilningur
Eva Natalja sagði okkur nokkrar
skemmtilegar sögur af því hvernig
hún var alltaf að misskilja það sem
var sagt í skólanum.
— Þegar frímínúturnar voru
búnar kölluðu kennararnir „FILA!“
Ég skildi ekkert í þessu og gáði allt
í kringum mig en sá auðvitað enga
fíla. Hvað voru þessir kennarar
alltaf að tala um fíla. Smátt og
smátt rann upp fyrir mér Ijós:
„FILA“ þýðir „röð“ á spænsku.
Kennararnir voru ekki að kalla á
fíla, heldur segja krökkunum að
fara í röð.
Þegar ég var búin að vera í skól-
anum í nokkrar vikur var ég farin
að skilja flest af því sem var sagt.
Einu sinni bað kennarinn mig að
fara upp á skrifstofu til skólastjór-
ans með einhver blöð. Skrifstofa á
spænsku er„ secretari" en ég hélt
að kennarinn hefði sagt „secretos"
en það þýðir„leyndarmál“. Ég hélt
að kennarinn hefði verið að biðja
mig að fara með blöðin þangað
sem leyndarmálin væru geymd.
Ég lagði af stað en varð síðan að
snúa við til að spyrja kennarann
hvar þessi leyndarmálastaður
væri. Kennarinn hló og sagði að
JORNADAS CULTURAX.ES
DEL
TEMA: LA PARTICIPACION
EDUCATIVA.
8 Y 9 D^OMO -1-989
S h
hún myndi aldrei senda mig þang-
að sem öll leyndarmálin væru
geymd, svo útskýrði hún þetta
betur fyrir mér.
Eva Natalja var u.þ.b. tvo mán-
uði að læra spænsku og eftir árið
var hún orðin jafngóð í tungumál-
inu og spænsku krakkarnir.
Verðlaunin
Það var haldin skólahátíð í skól-
anum. í tilefni hennar var efnt til
smásögukeppni. Allir nemendur
skólans voru látnir taka þátt í
keppninni. Sagan mín var um
næturgala sem kunni ekki að
syngja. Ég held að ég hafi aldrei
verið eins undrandi og þegar ég
frétti að mín saga hafði unnið
keppnina.
Auk smásögukeppninnar var
haldin keppni um það hver gæti
hannað skemmtilegasta merkið
fyrir skólann. Allir nemendurnir
tóku þátt í því. Ég vissi ekki hvað-
an á mig stóð veðrið þegar mér
var sagt að mín mynd hefði verið
valin besta myndin. Hún var sett á
blöðrur, barmnælur, límmiða og
auglýsingaspjöld, sem notuð voru
til að auglýsa skólahátíðina.
Merkið mitt var lítill gulur ungi
með marga blýjanta bak við sig.
Vinkonur
Ég eignaðist margar góðar vin-
konur í skólanum. Besta vinkona
mín hét Ines. Við vorum alltaf
saman. Ég sakna hennar svolítið.
Við gerðum margt skemmtilegt
saman. Við tókum t.d. þátt í leik-
listarnámskeiði og þegar skólahá-
tíðin var lékum við í leikriti sem var
um Rauðhettu og Úlfinn.
í skóla á íslandi
Ég er núna í Austurbæjarskól-
anum í Reykjavík og er í níu ára
bekk. Það eru svolítil viðbrigði að
byrja í nýjum skóla og ekki er laust
við að ég sakni vinanna og kenn-
arans í skólanum á Spáni.
Viðtal: Elín Jóhannsdóttir
Mynd: Guðni Einarsson