Sameiningin - 01.10.1955, Side 22

44
Sameiningin
Úr ýmsum áttum
Prestafélag hins Evangeliska Lúterska Kirkjufélags ís-
lendinga í Vesturheimi efndi til kveðjusamkomu fyrir
prestana séra Róbert Jack og frú og séra Harald S. Sigmar
og konu hans, þ. 12. sept. í Winnipeg. Formaður félagsins,
séra Bragi Friðriksson, bauð gesti og félagsmenn velkomna.
Dr. Valdimar J. Eylands flutti ræðu og minntist starfs og
dvalar þeirra prestanna beggja og árnaði þeim heilla og
blessunar í framtíðarstöðu þeirra. Frú Ingibjörg Ólafsson
frá Selkirk talaði til prestsfrúanna og þakkaði þeim ánægju-
lega viðkynningu í hvívetna og bað þeim blessunar. Þá talaði
einnig séra Stefán Guttormsson frá Cavalier fyrir minni
þeirra kvenna, er samkomuna sóttu. Aðrir, sem tóku til
máls voru: Prófessor Finnbogi Guðmundsson, Dr. Rúnólfur
Marteinsson og síðan prestarnir, séra H. S. Sigmar og séra
R. Jack, er báðir fluttu þakkarorð öllum viðstöddum fyrir
kveldið og samstarf allt. Formaður flutti að lokum ávarp til
hjónanna og afhenti þeim gjafir frá félaginu. Lauk
samkomu þessari með bæn. Það er mál manna, að kveldið
hafi verið um allt ánægjulegt.
Séra Róbert Jack kom ásamt fjölskyldu sinni til Canada
í nóvember 1953 og tók við þjónustu í Árborg-Riverton
prestkallinu. Hann sótti s.l. sumar um Tjarnarprestakall í
Vestur-Húnavatnssýslu og fékk lögmæta kosningu og hefur
nú haldið áleiðis til íslands að nýju til að taka við embætti
sínu. Séra Haraldur Steingrímur Sigmar hefur verið prestur
Gimliprestakallsins nú um undanfarin rúmlega fjögur ár,
og einnig verið um skeið ritari Kirkjufélagsins. Hann tók
nýlega köllun frá lúterskum söfnuði í Kelso, Washington og
og er fluttur þangað ásamt konu sinni og börnum. Samein-
ingin óskar þessum prestum báðum og fjölskyldum þeirra
alls góðs gengis og blessunar í hvívetna.
☆ ☆ ☆
Nýlega var settur inn í embætti sem prestur Mountain
prestakallsins í North Dakota, séra ólafur Skúlason. Hann
kom af íslandi s.l. vor og fékk í ágúst s.l eindóma köllun
frá áðurnefndu prestakalli. Blaðið flytur séra Ólafi og konu
hans, frú Ebbu Sigurðardóttur, einlægar hamingjuóskir.