Sameiningin - 01.10.1955, Qupperneq 25

Sameiningin
47
Kirkjubyggingar hafa aukizt umvörpum í Vesturheimi
á síðustu fimmtán árum ,og fara nú dagvaxandi.
Á árunum 1920—30 vörðu Bandaríkjamenn nokkuð á
aðra biljón dollara til kirkjusmíða. Það var hámarkið
fram að þeim tíma. Á næsta áratug lá „kreppan“ í landi og
tafði þetta starf eins og önnur. En eftir 1940 var svo tekið
til óspiltra mála; og greiddu þá Bandaríkjamenn þrjár
biljónir fyrir nýjar kirkjur. Og enn vaxa framlögin til þessa
starfs. Áætlað er að á árunum 1950—60 verði smíðakostnað-
urinn ekki milli en 7 biljónir. — Þessi nýju guðshús eru
með ókenndu lagi mjög; og fremur ankannalegt virðist
manni sumt af þeim byggingum. ■—G. G.
------------☆-------------
Frá Seattle, Washington
Góði vinur, hr. ritstjóri Lögbergs:
Eftirfarandi lítið ljóð kom fyrst fram í huga mínum í
íslenzka búningnum. En til þess að börnin mín sex, alin upp
í algjörlega enskumælandi umhverfi, og tengdabörnin líka,
gætu fyllilega notið þess, færði ég það einnig í enskan
búning. Mér finnst það eigi, ef til vill, erindi til lesenda
blaðs þíns á báðum málunum. Þess vegna býð ég þér það til
birtingar á þann hátt í blaði þínu. Máske það geti túlkað
tilfinningar og hugsanir margra annara foreldra, sem eru
sams konar láni og blessunar aðnjótandi.
☆ ☆ ☆
BÖRNIN MÍN
Fyrir blessað barnalánið,
blíði Guð, sem gafstu mér,
fyrir þeirra ást og aðstoð
önd mín þakkir tjáir þér;
fyrir trúarblysið blíða,
bjart er skín í þeirra sál;
fyrir heilög áhrif Andans
alt sem helgar líf og mál.