Sameiningin - 01.12.1956, Blaðsíða 17

Sameiningin
63
Eleanor Stefánsson Day, Mrs. Ninna Stevens og Mrs.
Kimball.
Við höfum ávalt getað mætt öllum útgjöldum í tæka tíð.
Söfnuðurinn er nú aftur fjárhagslega sjálfstæður. Yfirleitt
hafa prestarnir reynzt vel í starfi sínu. Þeir hafa oft unnið
mikið fyrir lítil laun. Blaine-söfnuður er þeim þakklátur
fyrir allt það, sem þeir hafa lagt á sig okkar vegna.
________________•_________________
Úr ýmsum áttum
Árás Rússa á Ungverjaland hefir vakið kirkjunnar menn
í flestum löndum til öflugra mótmæla. Páfinn gekk manna
fyrstur fram fyrir skjöldu í útvarpsræðu, sem hlustað var á,
að sögn, með athygli báðu megin járntjaldsins, þar sem
hann lýsti því yfir að kristnum mönnum í öllum löndum
bæri skylda til þess að gera allt sem í þeirra valdi stæði til
að venda heiður og frelsi Ungverja. „Of miklu blóði hefir
verið úthellt að ástæðulausu,“ sagði páfinn. „Hinn veiki
þráður, sem gaf von um að sameina þjóðirnar og gaf óró-
legum sálum nokkurt öryggi, virðist nú um það bil slitinn.
Geta menn sagt að sér komi það ekkert við að heil þjóð er
gerð að ánauðugum þrælum? Látum allt annað liggja á milli
hluta í bili! Einbeinum huganum að þessu. Ef þær þjóðir,
sem elska frelsi og frið, samstilla nú hugi sína og taka
höndum saman, er ekki óhugsandi að þeir sem ganga í ber-
högg við almenn mannréttindi hugsi sig betur um, áður
en lengra er haldið.“
Kirkjuleiðtogar af öllum flokkum virtust samþykkir
þessum ummælum Rómarbiskups. Alheims kirkjuráðið í
Genf lýsti hryggð sinni yfir þessum aðförum; skeyti var
sent til ríkiskirkjunnar Rússnesku og hún beðin að reyna
að afstýra frekari blóðsúthellingum.
Ummæli Stefáns kardínála Wyszynsky, sem fyrir aðeins
tveimur vikum hafði sloppið úr margra ára fangavist hjá
Rússum, vöktu mikla athygli. Hann minntist ekki beinum
orðurn á ástandið í Ungverjalandi, en sagði á þessa leið,
m. a.: Við vorum ákaflega upp með okkur af tuttugustu
öldinni, en þó hefir fyrri helmingur hennar reynzt svo blóði