Sameiningin - 01.03.1959, Page 18

16
Sameiningin
Heimsþing páfakirkjunnar
Jóhannes 23. Rómarbiskup virðist láta töluvert til sín
taka, þótt gamall sé. Nýlega lýsti hann því yfir á kardínála-
fundi í Róm, að hann hefði í hyggju að kveða saman 21
allsherjar heimsþing kaþólsku kirkjunnar, þ. e. a. s. hinna
andlegu embættismanna hennar, því að á slíkum þingum
koma leikmenn lítt við sögu. Gert er ráð fyrir að þetta þing
komi saman árið 1961, og er ekki ólíklegt að það verði
merkisviðburður í sögu þessarar miklu kirkjudeildar.
Aðaltilgangurinn með þessu fyrirhugaða þingi mun vera
mjög svipaður og síðast, eða svo kemst páfinn að orði, að
hann vilji „bjóða hinum tvístruðu trúarbragðafélögum að
leita þeirrar einingar, sem svo margir góðir menn þrá víðs-
vegar um heim. Vér bjóðum þeim að koma heim til hins
sameiginlega föður . . .“ Einkum er talið að þessum orðum
muni beint til grísk-kaþólsku kirkjunnar. En í fyrstu páfa-
ræðu sinni lagði Jóhannes páfi mikla áherzlu á vináttu við
þessa kirkjudeild. Fyrr á öldum var austurkirkjan nærri
jafnvoldug hinni vestrænu systur sinni, en leiðir skildi
vegna ólíkrar túlkunar á trúarsetningum, og mismunandi
stj órnmálaviðhorf i.
Talsmaður Vatikansins staðhæfði nýlega, að s.l. hundrað
ár hefði aldrei verið eins gott tækifæri og nú til að koma á
fullum sættum milli austur og vestur kirkjunnar. Ein
ástæðan til þess er talið að muni vera stuðningur sá sem
páfakirkjan veitir hinni „ortodoxu“ systur sinni í baráttunni
við rússneska ríkisvaldið. En ekki telja fróðir menn nein
líkindi til að um samruna þessara kirkna geti verið að ræða,
eins lengi og páfakirkjan heldur fram þeirri meginkenning
sinni, að biskup hennar sé hinn eini rétti forstöðumaður
kristninnar á jörðinni, eftirmaður Péturs postula, stað-
göngumaður Jesú Krists o. s. frv.
Eins og drepið var á hér að framan höfnuðu mótmæl-
endakirkjurnar tilboðinu um að sækja Vatikanþingið 1870,
og sömu ástæður til synjunar eru enn fyrir hendi, krafan
um hið óskoraða drottinvald Rómarbiskups. Er svo að sjá
af blöðum að undirtektir mótmælenda í sambandi við þetta
heimsþing kaþólskra, séu fremur daufar.