Sameiningin - 01.11.1942, Síða 16

142
Svona þing er dýrmætt tækifæri að kynnast mönnum
víðsvegar að. Einn af þeim, sem mér var sönn unun að
hitta á ný, var Dr. Blackwelder frá Washington, D.C. Er
hann prestur þar og er vel kunnur útvarpsþulur. Vænt
þótti mér um að frétta hjá honum að íslenzki sendiherrann
til Bandaríkjanna hr. Thor Thors sækti hans kirkju, og að
sonur sendiherrans hefði þar verið fermdur síðastliðið vor.
— Þá var unun að hitta hinn ágæta Dr. Paul Scherer frá
New York, sem er samverkamaður Dr. Fosdicks við
Naiional Vespers útvarpið. Eru ræður hans þær beztu eftir
mínum smekk er í útvarpinu fást. Hefir hann nú í mörg
sumur flutt þessar guðsþjónustur. Svo mætti marga fleiri
upp telja.
Efnið er ótæmandi, en það er bót í máli, að til þess er
ætlast að erindrekar er þingið sóttu skýri frá því og flytji
boðskap þess heima í söfnuðum kirkjufélags síns. Vona
eg að sem flestir söfnuðir vorir geti notið þessa. Félagar
mínir munu gera því góð skil. Þeir munu bæta upp það,
sem eg hefi látið ósagt. K. K. Ó.
Ársritið “Lindin”
Eíiir prófessor Richard Beck.
Fyrir tilhlutun gamals vinar og skólabróður, séra Sig-
urðar Z. Gíslasonar á Þingeyri, barst mér nýlega hið mynd-
arlega og efnismikla ársrit þeirra prestanna á Vestfjörðum,
“Lindin”, frá byrjun og þykir mér vel sæma að segja les-
endum “Sameiningarinnar” með nokkrum orðum frá riti
þessu. Rúmsins vegna verður hér þó sérstaklega dvalið við
síðasta árgang ritsins, sem mér hefir borist, fyrir árið 1940,
en það er 6. ár þess.
En blaði maður 1 eldri árgöngum ritsins, kemur það
fljótt í ljós, að það hefir flutt lesendum sínum mikið af
hollu og tímabæru lesmáli af ýmsu tagi, ritgerðir, ræður,
sögur, æfintýri og kvæði, sem eindregið hefir miðað að því
að hvessa mönnum sálarsýn og ljá andans þroska þeirra og
manndómi byr undir vængi. “Lindin” hefir með öðrum
orðum ekki kafnað undir nafni; hún hefir flutt þeim, sem
hana lesa — og vonandi eru þeir margir — strauma lifandi
vatns, eilífsannan boðskap Meistarans mikla frá Nazaret
um sannleika, kærleika og bræðralag. Prestafélag Vest-