Fréttablaðið - 25.05.2011, Blaðsíða 22

25. MAÍ 2011 MIÐVIKUDAGUR2 ● fréttablaðið ● heilsa og hreyfi ng
„Ég gerði bók um einhverfu,“
segir Jóhann Leó Linduson,
nemi í grafískri hönnun, um út-
skriftarverkefni sitt. Jóhann Leó
stefnir á að útskrifast úr graf-
ískri hönnun nú í vor. Bókin ber
heitið Í annarra manna spor og
Jóhann segir að tilgangurinn
með henni sé að útskýra á ein-
faldan hátt vandamál tengd ein-
hverfu. „Svipað efni er til á fleiri
stöðum í löngum og þungum rit-
gerðum eða jafnvel ævisögum.
Mig langaði að einfalda þetta efni
og setja það nánast fram á barna-
máli,“ útskýrir Jóhann sem segir
bókina myndskreytta.
Inntur eftir því hvernig hann
fékk hugmyndina að því að gera
bók um einhverfu segir Jóhann:
„Ég á einhverfan, yngri frænda
sem ég hef passað í mörg ár,“
upplýsir Jóhann og bætir við að
honum hafi ekki fundist hann vita
nægilega mikið um einhverfu.
„Þannig að ég nýtti bara tæki-
færið og las mér vel til.“
Að sögn Jóhanns er fjallað um
vanda við úrvinnslu á skynboðum
í bókinni. „Margir sem eru með
einhverfu eru með skynúrvinnslu-
vanda sem þýðir að þeir taka ekki
við skynboðum eins og þeir sem
ekki eru einhverfir. Þeir meðtaka
upplýsingar á annan hátt.“
Aðspurður segir Jóhann Leó
ekki vita hvort bókin verði gefin
út. „Ég er að reyna að láta gefa
hana út. Ég er bara að læra inn á
það ferli núna.“ - mmf
Í spor einhverfra
Jóhann Leó Linduson bjó til bók þar sem vandamál tengd einhverfu eru útskýrð.
FRÉTTABLAÐIÐ/STEFÁN
Íslendingar sem stærstan
part ársins húka innandyra í
líkamsræktarstöðvum geta
nú með hækkandi sól erfiðað
í fjölbreyttara umhverfi
utandyra, án þess þó að leggja
á sig stórferðalag.
ÞRAMM UPP BREKKUR
Aðdáendur gamalla húsa og rækt-
arlegra eldri garða geta gert
göngutúr í Þingholtunum að erf-
iðisgöngu með því að þramma til
skiptis upp og niður götur Þing-
holtanna. Ágætis halli er í brekk-
unum þannig að gangan getur
reynt verulega á lærin og svo má
skokka létt leiðina niður. Þeir sem
eru að byrja geta sikksakkað göt-
urnar. Aðrir fallegir staðir sem
bjóða upp á þramm upp brekk-
ur innan byggðar eru Breiðholt,
sem er gróið og fallegt og nærri
náttúrunni, og Grafarholt.
SVÆÐI MEÐ FJÖLBREYTTUM MÖGU
LEIKUM
Laugardalurinn er útivistarparadís
fyrir þá sem ætla sér að liðka
skrokkinn, jafnt skokkara, hjól-
reiðafólk sem og sundfólk og þeir
sem vilja koma sér fyrir á grasflöt
með sippuband eða jógadýnu eiga
úr nægum stöðum að velja.
Grasagarðurinn er upplagður til
að dvelja í og gera teygjuæfingar
og fara í létta göngutúra og gaman
er að skokka frá Laugardalnum
sem leið liggur upp í Laugarnes-
hverfið.Margir göngustígar eru
þar og hlauparar duglegir að nýta
sér þá. Þá er svæðið draumur línu-
skautafólksins. Sundlaug er svo
skammt undan til að kæla sig niður
í og slappa af í pottunum eftir erf-
iðið. Líkt og Laugardalurinn er
Ægisíðan útivistarsvæði sem býr
yfir fjölbreyttum möguleikum en
auk þess sem göngu- og hjólastíga
er þar að finna er knattspyrnuvöll-
ur við Ægisíðuna og gaman er að
stikla á steinum í fjörunni.
KVÖLDGÖNGUR
Bara til að upplifa fallegustu sól-
arlög ársins er kvöldganga við
sjávarsíðuna, meðfram Sólfarinu
og tónlistarhúsinu Hörpu til að
mynda, þess virði. Fleiri góða
kvöldgöngustíga má finna, til
dæmis stíginn sem liggur með-
fram sjávarsíðu Seltjarnarness, út
að Gróttu, Elliðaárdalinn, Öskju-
hlíð, og íbúar hvers hverfis þurfa
yfirleitt ekki að leita langt yfir
skammt því í dag eru góðir göngu-
stígar í nær öllum hverfum á Stór-
Reykjavíkursvæðinu. Kvöldgöng-
um er hægt að haga á mismunandi
hátt eftir því hve mikið fólk vill
erfiða. Þannig er hægt að sækja á
brattann þar sem honum er til að
dreifa og skokka létt og ganga til
skiptis.
TÚN TIL LEIKJA OG ÆFINGA
Mörgum finnst þeir finna barnið
í sér aftur þegar þeir komast á
stórt tún til að sletta úr klauf-
unum á. Enda hafa fullorðn-
ir tekið höndum saman og stofn-
að brenniboltafélög þar sem stóra
fólkið hittist að kvöldlagi og fer
í boltaleiki. Sem dæmi um tún
sem nota má í stórfiskaleik með
saumaklúbbnum eða einfaldlega
til að æfa kollhnís, handahlaup
eða bara djassballettspor, eru
stór tún eins og Klambratún og
Hljómskálagarðurinn. - jma
Út að leika í borginni
Í sundlaugunum má gera ýmislegt fleira en að hendast
í sundtökum milli sundlaugarbakka, til dæmis má fara í
boltaleik. FRÉTTABLAÐIÐ/VILHELM
Þingholtin, með öllum sínum fallegu húsum og stóru görðum, eru sniðin fyrir léttar
fjallgöngur en hægt er að þramma upp talsverðan bratta í Þingholtunum.
FRÉTTABLAÐIÐ/VILHELM
Lengri hjólreiðatúrar og kvöldgöngur eru dásamleg upplifun í
kvöldkyrrð við sjávarsíðu Reykjavíkur. NORDICPHOTOS/GETTY
Laugardalurinn er eitt skemmtilegasta útivistarsvæði borgarinnar í
vernduðu umhverfi og hentar því barnafólki vel. NORDICPHOTOS/GETTY
ALMENN LEIÐSÖGN OG GÖNGULEIÐSÖGN
Leiðsöguskólinn sími: 594 4025
Draumastarf í draumalandi?
LEIÐSÖGU
SKÓLINN
WWW.MK.IS
Langar þig að segja sögur af landi og þjóð? Þá er leiðsögunám eitthvað fyrir þig.
Nám í Leiðsöguskólanum er fjölbreytt og skemmtilegt og opnar dyr að
áhugaverðu og krefjandi starfi.
INNRITUN STENDUR TIL 30. MAÍ