Fréttablaðið - 16.07.2011, Blaðsíða 16

16. júlí 2011 LAUGARDAGUR16
J
ón Ragnar Jónsson og Frið-
rik Dór mæta stundvíslega
á Prikið til fundar við blaða-
mann Fréttablaðsins. Friðrik
Dór, sem er 22 ára, sló í gegn
á síðasta ári þegar hann gaf
út plötuna Allt sem þú átt sem fékk
góða dóma og vakti verðskuldaða
athygli sem fyrsta íslenska RnB
platan. Hinn 25 ára Jón Ragnar
gaf hins vegar út sína fyrstu plötu,
Wait for Fate, í síðustu viku, undir
listamannsnafninu Jón Jónsson.
Hann er líka nýtekinn við starfi
ritstjóra vikuritsins Monitors auk
þess að æfa fótbolta með FH. Eftir
að við höfum komið okkur fyrir á
efri hæð Priksins hefjum við spjall-
ið og að sjálfsögðu snýst fyrsta
spurningin um hvort tónlistaráhug-
inn hafi fylgt þeim frá æsku.
Jón Ragnar: „Ég hef verið með gít-
arinn í hönd síðan ég var átta ára.
Þá byrjaði ég að læra á klassísk-
an gítar. Ég byrjaði svo að semja
lög þegar ég var ellefu ára gam-
all, pabbi sagði mér til. Foreldrar
okkar [Jón Rúnar Halldórsson og
Ásthildur Ragnarsdóttir] höfðu
svo sem ekkert verið mikið í tón-
list en pabbi var nú samt söngvar-
inn í hljómsveitinni Frostmarki á
Laugarvatni. Það var rokkhljóm-
sveit, skólastjórinn var alltaf að
segja honum að klippa sig.”
Friðrik Dór: „Ég var látinn læra
á píanó í fjögur ár, sem mér fannst
rosalega leiðinlegt og árangurinn
var í samræmi við áhugann. Svo
skipti ég yfir í trommur og það
gekk mjög vel. Það þurfti líka að
pína mig í tónfræði, enda er ég ekk-
ert sérstakur í henni.“
Jón Ragnar: „Ég hætti svo að læra
á gítarinn átján ára, það var annar
veturinn minn í söngleikjunum
í Versló, ég hafði bara ekki tíma
fyrir gítarnámið, ætlaði að byrja
aftur en gerði það svo ekki.“
Hlutverkin snerust við
Þrjú ár skilja bræðurna að í aldri.
Þeir eru aldir upp í Hafnarfirði og
fóru báðir í Verslunarskólann. Þeir
segjast alltaf hafa verið hæfilega
samrýmdir.
Friðrik Dór: „Ég hef alltaf elt stóra
bróður, Jón kenndi mér á gítar og
ég fór eiginlega að semja lög af því
að hann var semja lög.”
Jón Ragnar: „Svo fórstu nú alveg
þínar eigin leiðir.“
Friðrik Dór: „Já, það var gott að
hafa einhvern til að kenna sér, en
svo hafa hlutverkin eiginlega snú-
ist við og ég þarf að kenna honum
á bransann.“
Jón Ragnar: „Við megum ekki
gleyma að segja frá því að við spil-
uðum oft saman í bílskúrnum þegar
við vorum unglingar.“
Friðrik Dór: „Vorum samt bara að
leika okkur, við höfum ekki verið
saman í hljómsveit.“
Jón Ragnar: „Það er samt í bígerð.
Við ætlum að gefa út Bræðrabanda-
lagið. Eða ekki.“
Plata Jóns Ragnars kom sem
áður sagði út í síðustu viku. Hann
segir að aðallega hafi verið gaman
að undirbúa útgáfuna.
Jón Ragnar: „Lögin eru frá löngu
tímabili. Og það var ágætt að koma
þeim frá sér á plötu og segja skilið
við fortíðina hahaha. Án gríns þá
er þetta mjög skemmtilegt. Það var
reyndar aðeins erfitt mánudaginn
þegar platan átti að koma út en hún
skilaði sér ekki í verslanir og fólk
var að spyrja mig um hana. En svo
skilaði hún sér fljótt og vel í búðir.
Reyndar aðeins vandræðalegt líka
þegar kynnirinn á leik FH gegn
Grindavík kynnti mig til leiks og
fór að hvetja alla til að kaupa plöt-
una. Ég ætlaði að vera geðveikt
fókuseraður á leikinn en þetta sló
mig aðeins út af laginu. Við unnum
reyndar með sjö mörkum gegn
tveimur en ég átti ekki mikinn þátt
í því.“
Þar með berst talið að FH en Jón
Ragnar og Friðrik Dór sem ólust
upp í Hafnarfirði hafa verið FH-
ingar frá blautu barnsbeini.
Jón Ragnar: „Frikki er partur af
Kaplakrika.“
Friðrik Dór: „Mér finnst rosalega
gott að vera þar, ég æfði fótbolta
þar til ég var tvítugur. Þá hætti ég
enda sá ég að ég var ekki að verða
fótboltastjarna hahaha. Ég man
að ég hringdi í vin minn, sagð-
ist vera hættur og ætla að verða
poppstjarna. Ég vil samt ekki
vera gaurinn sem hangir þarna að
ástæðulausu og þess vegna er ég
að þjálfa yngri flokka sem er mjög
gaman.“
Jón Ragnar: „FH er eiginlega
mjög stór hluti af fjölskyldunni,
pabbi er formaður knattspyrnu-
deildarinnar og bróðir hans for-
maður félagsins og við tölum mjög
mikið um fótbolta.“
Friðrik Dór: „Sem er kannski
frekar þreytandi fyrir maka okkar
sem hafa ekki jafn mikinn áhuga á
FH og við hin.“
Jón Jónsson er alteregóið
Bræðrunum er fleira til lista lagt
en fótbolti og tónlist. Jón Ragnar
er hagfræðingur og starfar nú
sem ritstjóri vikuritsins Monitors.
Hann segir framann í fjölmiðlum
frekar óvæntan.
Jón Ragnar: „Ég fór að vinna við
að selja auglýsingar í blaðið með
mjög skömmum fyrirvara síðasta
haust, nokkuð sem var ekki á dag-
skránni hjá mér. Það gekk vel.
Svo þegar Björn Bragi [Arnarson]
hætti var mér boðin ritstjórastað-
an og ég tók því boði.“
Spurður hvort það flæki ekki
málin að vera báðum megin borðs-
ins, eiga að gera tónlist skil og
vera að gefa út tónlist, segir Jón
Ragnar svo ekki vera.
Jón Ragnar: „Ég reyni að halda
þessum hlutverkum mínum alveg
aðskildum, það var ekki minnst á
útgáfu plötunnar í Monitor. Svo
þegar ég mæti á fótboltaæfingar
þá reyni ég að halda 100 prósent
fókus þar, svo þegar ég er tónlist-
armaður þá sinni ég því af einbeit-
ingu. Þess vegna er ágætt að hafa
alteregóið Jón Jónsson, ritstjór-
inn og tónlistarmaðurinn eru ekki
sami maðurinn.“
Friðrik Dór: „Annars er afi eitt-
hvað ósáttur við listamannsnafnið.
Afi okkar heitir nefnilega Ragnar,
hann er svolítið ósáttur við það
að Ragnarsnafnið sé horfið. Og
er kominn með nýja hugmynd að
listamannsnafni, Jón Ra. Afi býr
á Spáni og fylgist með okkur úr
fjarska.“
Jón Ragnar: „Ég ætlaði ekki að
særa Ragga afa.“
Aðdáendabréf með ilmvatni
Friðrik Dór gaf sem áður sagði
út plötu síðasta haust og hefur
haft tónlistina að lifibrauði síðan.
Í aðdraganda útgáfu plötunnar
hætti hann í háskólanámi en þá
var hann á öðru ári í stjórnmála-
fræði.
Friðrik Dór: „Mér gekk vel á
fyrsta árinu. En svo var ég að
semja og taka upp plötuna þegar
skólinn var byrjaður, missti af
öllum miðannarprófum og hætti.
Og hef haft nóg að gera síðan í tón-
listinni. Ég hugsa að ég taki mér
líka frí frá námi næsta vetur. Það
er nóg að gera og fullt af tækifær-
um sem er spennandi að sinna.
En mig langar til að fara aftur í
nám síðar, það kemur bara í ljós
hvaða nám það verður. Akkúrat
núna hlakka ég samt mest til þess
að fara til Danmerkur í ágúst, það
verður kærkomið frí.”
Jón Ragnar: „Þú ætlar líka að nota
tækifærið og læra af meistaran-
um, ekki satt?
Friðrik Dór: „Jú ég er að fara á
tónleika með Kanye West.“
En þar til af Danmerkurferð-
inni verður eru margir tónleikar
fram undan. Bræðurnir eru sam-
mála um að það sé mjög gaman að
koma fram á tónleikum.
Friðrik Dór: „Ég hef verið mikið
á ferðinni í sumar, sungið fyrir
krakka, unglinga og eldri. Það
er mjög gaman að syngja fyrir
krakka sem eru yfirleitt mjög
hressir. Unglingarnir halda
kannski aðeins meira aftur af sér.“
Jón Ragnar: „Það er mjög gaman
að sjá hvað Friðrik er orðin mikil
poppstjarna.“
Friðrik Dór: „Ég hef fengið aðdá-
endabréf sem sprautað hefur verið
ilmvatni á, séð myndir af mér á
afmælistertum og svo framvegis.
En þegar ég var að semja tónlist-
ina fyrir plötuna mína þá var ég
bara gera það sem ég fíla. Og það
var mjög gaman hvað hún gekk
vel.“
Jón Ragnar: „Tónlistin mín höfð-
ar kannski til eldra fólks en tónlist
Friðriks. Ég hef spilað fyrir nokk-
uð breiðan hóp af fólki, verið að
spila í fertugsafmælum og svona.“
Hraðakstur stærsta hneykslið
Blaðamaður getur ekki annað en
hermt upp á þá bræður að lokum
að þeir hafi það orð á sér að vera
einkar góðir strákar með afar lítið
óhreint mjöl í pokahorninu. Raun-
ar hefur samtalið til þessa ekki
gert annað en staðfesta þennan
almannaróm.
Jón Ragnar: „Maður hefur nú
samt auðvitað prófað eiturlyf.
Grín. Þetta er samt aðeins vand-
ræðalegt, það er búið að segja
mér að ef ég ætli að selja plötur þá
verði ég að gera eitthvað af mér.“
Friðrik Dór: „Versta fréttin sem
hefur sést um mig er þegar það
birtist frétt í Monitor um að ég
hefði fengið hraðasekt. Jón Ragn-
ar sagði Birni Braga frá því og
hann vildi endilega skrifa um
það. Ég var á leiðinni frá Kefla-
vík til Akureyrar, hafði verið að
spila í Keflavík og var á leið á
gigg á Akureyri þegar lögreglan
á Blönduósi stöðvaði mig fyrir of
hraðan akstur.“
Jón Ragnar: „Þetta líf er ekkert
dans á rósum.“
Friðrik Dór: „Það er eiginlega
alveg rosalega rólegt í rugldeild-
inni hjá okkur.“
Jón Ragnar: „Svo höfum við báðir
verið á föstu mjög lengi. Ég er
búinn að vera með sömu kærust-
unni síðan ég var sautján ára, við
vorum að kaupa okkur íbúð í Sjá-
landshverfinu. Sem er reyndar í
Garðabæ en það eru bara fjórar
mínútur upp í Krika.“
Friðrik Dór: „Ég bý reyndar hér
í miðbænum. En er samt alltaf í
Hafnarfirði. Fólk er alltaf að segja
að það sé svo þægilegt að vera í
miðbænum en það er eiginlega
ekkert þægilegt fyrir mig.“
Jón Ragnar:„Ég vona að góð-
mennskan verði okkur ekki að falli
í bransanum.“
Friðrik Dór: „Kollegarnir hafa að
minnsta kosti ekki verið með stæla
hingað til.“
Það er búið að segja mér að ef ég ætli að selja plötur þá
verði ég að gera eitthvað af mér.
Rosalega rólegt í rugldeildinni
Bræðurnir Friðrik Dór og Jón Ragnar Jónssynir hafa báðir látið til sín taka í tónlistinni, sá síðarnefndi gaf út sína fyrstu
plötu á dögunum og sá fyrrnefndi síðasta haust. Sigríður Björg Tómasdóttir ræddi við bræðurna yfir kaffibolla.
HÆFILEGA SAMRÝMDIR Bræðurnir Jón Ragnar og Friðrik Dór eiga það sameiginlegt að vera tónlistarmenn, gallharðir FH-ingar og
brottfluttir Hafnfirðingar. FRÉTTABLAÐIÐ/HAG