Íslendingur - 18.01.1946, Blaðsíða 3

Föstudaginn 18. .janúár 1946
ÍSLENDINGUR
S
„A sökktum togara
sigla þeir báðir“
Þannig hljóSar feitletruð fyrir-
sögn á leiðara í síðasta tbl. Verka-
mannsins.
Þar segir: „Vitanlegt er, aS átök-
in verða því á milli Sósialistaflokká-
ins og SjálfstæSisflokksins, hvort
Sósialistar fá 4 menn kjörna eða
Sjálfstæðisflokkurinn 4, hvort Jón
Ingimarsson nær kosningu eða Helgi
Pálsson.“
Ef til vill er þetta alveg rétt.
Síðar í greininni segir: „Helgi
Pálsson, sem er í baráttusæti Sjálf-
stæðisflokksins, hefir alveg sérstak-
■lega lýst því yfir, sem varamaður í
hæjarstjórn og formaður Sjálfstæðis-
félagsins hér í bæ, með mörgum og
stórum orðum, að hann sé gjörsam-
lega andvígur fyrirætluninn um
byggingu hafnarmannvirkjanna á
Tanganum.“
Þetta er rétt, að öðru leyti en því,
að ég sem form. Sjálfstæðisfélags
Akureyrar hefi enga slíka yfirlýsingu
gefið fyrir flokksins hönd, enda
ekkert umboð haft til þess.
Þó að Verkamaðurinn álíti það
styrk sinn við í hönd farandi hæjar-
stjórnarkosnmgu, þá skal ég endur-
taka það, að það er mitt persónulega
álit, að „ævintýrið“ við Glerárósa,
eins og það kom upprunalega fram,
gangi glæpi næst gagnvart bæjarfé-
láginu. Að byggja nýhöfn þar fyrir
15—20 miljónir, og það í bæ, sem
hefir stærstu og beztu höfn landsins,
eða um 2 ferkm. varða höfn! Það
er mitt álit, að réttara sé að verja
lé til aukinna hafnarmannvirkja
tnnan gömlú, góðu hafnarinnar,
sem kaupslaðurinn stendur við.
Eg veit heldur ekki til, að nokk-
Urt fé sé fyrir hendi til að leika
„ævintýrið" á enda. Og enginn hefir
enn reynt að benda á, hvernig „æv-
intýrið“ á að standa undir sér.
Fy rir það, sem þessi nýhöfn er
áaHluð að kosta, mundi vera hægt
að byggja 4 Laxárvirkjanir, jafn-
stórar þeirri, sem til er, eða byggja
allt að 250 fyrsta flokks íbúðir fyrir
fólk, sem skortir íbúðir, eða kaupa
5 nýtízku-togara o. s. frv. 1 öllum
þessum fyrirtækjum mundu fyrir-
tækin skila fénu til baka.
í „ævintýrinu“ er peningunum
ekið í Oddeyrarál.
Ilitt er svo annað mál, að úr því,
sem komið er, mun ég stuðla að
tví, að norðan á eyrinni komi upp
dráttarbrautir og byggður verði fyr-
ir þær skjólgarður, þó að ég hins
vegar álíti, að þær hefðu átt að
koma innan gömlu hafnarinnar.
Dokk fyrir smábátaútveginn vil ég
uka að byggð verði innan Akureyr-
arhafnar og sjómönnum sköpuð þar
góð skilyrði til að athafna sig við
ótgerðina, sem er eitt af höfuðskil-
y^ðunum fy rir bæinn vegna atvinn-
unnar og nauðsynjarinnar á nýjum
og góðurn fiski.
Síðar í sama leiðara stendur:
„Sjálfstæðisflokkurinn á líka fleira !
sameiginlegt með Framsókn. Hann j
át ofan í sig, ásamt Framsókn, hvorki -
meira né minna en helming af þeim
togaraflota, sem Helgi og flokksfé-
lagar hans voru búnir að samþvkkja,
að bærinn skyldi fá. Helgi og flokks-
bræður lians sigla því til bæjar-
stjórnarkosninganna á togara, er
þeir sjálfir sökktu í innilegri sam-
vinnu við Framsókn.“
Svo er nú það! Jú, ég beitti mér
fyrir því á s. 1. vetri, að ýnts félög
í bænum tæku höndum saman og
ynnu að því, að stofna hér útgerðar-
félag til aukins atvinnulífs og bættr-
ar afkomu einstaklings og bæjarfé-
lags. Félögin tóku höndum saman,
og kusu öll sína fulltrúa, og sam-
vinnan hefir verið ágæt. Félagið var
stofnað, og bærinn hefir nú fest kaup
á togara handa félaginu. Það skal
fram tekið, að mér dettur ekki í hug
að draga þá, sem hlutafénu hafa lof-
að, í pólitíska dilka. Hitt er öllum
kunnugt, að Utgerðarfélag KEA á-
kvað strax að leggja fram 20% af
hlutafénu, og er engin breyting þar
á. Það er því hvorki 4. maður B-
listans né ég, sem sökkt höfum
neinum togara fyrir kommunum.
Hvaða álit, senyforusta kommanna
liefir á mér, mun ég hiklaust halda
áfram að vinna að aukningu atvinnu-
lífs og framkvæmda í bænum.
Þá er í sama leiðara gerður sam-
anburður á mér og Jóni Ingimars-
syni, fjórða sæti á lista C og D,
sem Verkamaðuritin segir, að harátl-
an standi um. Þar vil ég aðeins
leiðrétta, að ég hefi aldrei fengið
25 þús. kr. á ári í laun við skömmt-
unitia. Kaup mitt var fyrsta árið
kr. 250,00 á mánuði, síðar kr. 300,00
á mánuði til 1. janúar 1945 og síðan
kr. 500.00, allt plús dýrtíðaruppbót.
Um þetta getur Verkamaðurinn full-
vissað sig hjá bæjargjaldkera. Eftir-
lit með kolum hef ég aldrei haft.
Hitt get ég líka upplýst Verka-
manninn um, að ég hef flesta daga
orðið að vinna meir en 8 stundir til
að afla nægilegra tekna fyrir heimili
mitt, en ég hef ánægju af að starfa,
og þrátt fyrir allt hef ég getað lagt
fram nokkra vinnu til ýmissar fé-
lagsstarfsemi endurgjaldslaust, t. d.
Útgerðarfélags Akureyringa.
Að endingu skal fram tekið, að ég
þekki Jón Ingimarsson noklcuð og
hef ekkert honum til lasts að segja,
heldur ekki um aðra frambjóðend-
ur.
Kjósendur verða sjálfir að gera
upp við sig, áður en þeir ganga að
kjörborðinu 27. þ. m., hvorn okkar
þeir velja sem bæjarfulltrúa sinn í
bæjarstjórn um næstu 4 ár.
Helgi Pálsson.
Avarp
Ungir Sjálfstœðismenn og konur
á Akureyri! Nú, er við höjum öðlazt
sjálfstœði okkar, verðum við eftir
megni að varðveita það, sem okkur
hefir verið gejið.
Fylkjum okkur því saman strax í
dag, og tökum til starfa. Okkur hef-
ir verið veitt í vöggugjöj sú þraut-
seigja og sá dugnaður, að á einni
öhl höfum við hrifið okkur upp úr
hungri og vesceldóm, upp í það að
vera frjáls og fullvalda þjóð. Þeir,
sem beztan og mestan þátt eiga í
þessari baráttu, hafa verið jrelsis-
unnandi feður vorir, sem hafa virt
og elskað frelsið. Þeir hafa ekki lát-
ið bugast af alls konar erfiðleikum,
sem að þeim liafa steðjað, og í dag
er markinu náð, í dag hafa þessir
menn, sem ekki eru horfnir héðan,
séð ávöxt erfiðis síns, því að í dag
erum við jrjáls þjóð á framfara-
braut.
Framtíðin ber í skauti sér fögui
fyrirheit hér á landi.
En hvernig getum við nýtt hið
fengna frelsi okkar á réttan hátt?
Þessi spurning er vandamál fram-
tíðarinnar. Félagslegur þroski og
samstarf er nauðsynlegt, því að
„sundraðir föllum vér, en samein-
aðir stöndum vér.“ Því er' okkur
nauðsynlegt, unga fólk hér, að draga
ekki til morguns, það sem vér get-
um gert í dag. Það er okkar að taka
við því frelsi, er okkur hefir verið
veitt, og skila því óskertu til kom-
andi kynslóða.
Við þurfum því að gera okkur
ljóst, að á tímum eins og nú, þegar
hið pólitíska moldrok rýkur fjöll-
unum hærra, verðum við að skapa
okkur traustari grundvöll undir
bjartari og betri framtíð.
Stöndum því saman og styðjum
livert annað. Með því gefst okkur
kostur á að þroska þá frelsishugsjón,
sem lengi hefir verið í deiglunni,
en er nú orðin að veruleika. Hinir
fyrstu Islendingar voru menn, er
flýðu yfir ólgandi haf undan kúgun
og ííþján, og stofnuðu þannig bæði
lífi sínu og sinna nánustu í lífshættu.
Svo dýrmætt hefir þeim frelsið ver-
ið. En afkomendur þeirra glötuðu
því sökum þess, að þeir gátu ekki
staðið saman sem einn maður á
'móti því afli, er ásældist frumburðar
rétt þeirra til fósturjarðarinnar.
Látum þeirra víti okkur að varnaði
verða, fylkjum okkur saman, eflum
hróður og velferð þessa fagra lands
okkar!
Ungir Sjálfstæðismenn
og konur á Akureyri! Fylkj
um okkur undir merki
ungra Sjálfstæðismanna
strax í dag, og berum glæsi
legan sigur af hólmi í bæj-
arstjórnarkosningunum.
Indriði Þorsteinsson.
Sjálfstæðismönnu
Félag ungra Sjáifstæðismanna á Akur-
ejri, Vðrður, hefur starfsemi sína á ný
Um 30 nýir meðlimir gengu inn á /. iundinum
í síðastliðinni viku var
stofnað til fundar í Verzl-
unarmannahúsinu til að
ræða um endurreisn Varð-
ar, félags ungra Sjálfstæðis-
manna hér á Akureyri. Var
margt manna á fundinum,
þar af nokkrir gamlir félag
ar Varðar.
Jón G. Sólnes hélt mjög skörulega
framsöguræðu og lýsti tildrögum að
fundarboðun þessari að nokkru.
Kvað hann starfsemi Varðar hafa
legið niðri um nokkur ár, en nú
væri tímabært að hefja hana að
nýju af fullum krafti. Var gerður
rnjög góður rómur að móli hans,
og síðan gengið til kosninga um nýja
stjórn í félaginu. Stjórnarkosning
fór þannig:
Indriði Þorsteinsson, formaður
Meðstj órnendur:
Guðmundur Jónsson,
Hugi Asgrímsson,
Ilörður Sigurgeirsson og
Snorri Kristjánsson.
í fulltrúaráð voru kosnir:
Ragnar Magnússon,
Friðjón Sigfússon og
Gunnar H. Steingrímsson.
Síðan var kosið í skemmtinefnd
og nokkrar fleiri nefndir. Að þess-
um kosningum loknum stóðu nokkr-
ir gamlir félagar upp og árnuðu fé-
laginu allra heilla í framtíðinni.
Um 30 nýir meðlimir gengu í fé-
lagið á þessum fyrsta fundi.
Fréttir frá í. S. í.
Fimleikalög ÍSI. Fyrir nokkru
hefir ÍSI gengið frá Almennum regl-
um ISI um fimleikamót. Gerð var
þriggja ára áætlun um framkvæmd
þeirra. Stjórn ISI hefir skipað
þriggja manna nefnd til að sjá um
framkvæmd þessa máls. Þessir menn
eru í nefndinni: Þorgeir Sveinbjarn-
arson, Benedikt Jakobsson og Baldur
Kristjónsson. Nefndin vinnur í sam-
ráði við ÍSÍ.
Gullmerki ÍSÍ. í tilefni af 50 ára
afmæli þeirra Axels Andréssonar,
knattspyrnukennara, og Þórarins
Magnússonar, afgreiðslumanns Í-
þróttablaðsins, voru þeir sæmdir gull
merki ISI fyrir ágæta starfsemi í
þágu íþróttahreyfingarinnar.
Staðjest íslandsmet. 1000 metra
hlaup. Arangur 2:35,2 mín. Sett 17.
ágúst af Kjartani Jóhannssyni (Í.R.)
4x1500 metra. Sveit Glímufél. Ár-
mann. Árangur 17:52,6 mín. Sett
21. ágúst. Staðfest 23. nóv. 8x50
metra boðsund karla. Sveit Sundfél.
Ægis. Árangur 3:55,1 mín. Sett 14.
nóv. Staðfest 30. des.
í júlímánuði n. k. mun koma til
landsins danskt knattspyrnulið í
boði íþróttasambands íslands. Verð
ur það danskt landslið frá „Dansk
Boldspil Union“, — sambandi
danskra knattspyrnufélaga.
Farandkennsla. Axel Andrésson
hefir lokið knattspyrnunámskeiði
við Bændaskólann á Hvanneyri. —
Nemendur voru 63. Námskeiðið stóð
yfir frá 8. til 30. nóv. Þá hefir Axel
einnig lokið námskeiði ó Bændaskól-
anum á Ilólum í Hjaltadal. Nemend-
ur voru þar 40. Axel mun hefja
kennslu við Reykholtsskóla í janúar.
Kjartan Bergmann hefir haldið
glímunámskeið frá 16. nóv. til 21.
des. á þessum stöðum: íþróttafél.
Miklaholtshrepps í Hnappadalssýslu,
Reykjaskóla í Hrútafirði og Hvann-
eyrarskóla, Borgarfirði. Nemendur
á námskeiðum þessum voru 127. Á
öllum stöðunum sýndi hann kvik-
myndir ISÍ.
Ævifélagi ISI hefir nýlega gerzt
Hafsteinn Ó. Hannesson, bankafé-
hirðir, ísafirði, og eru nú ævifélagar
sambandsins 302.
Bára Baldvinsdóttir
F. 2. okt. 1916. — D. 6. jan. 1945.
KVEÐJUORÐ.
Nú er þinni baróttu við hinn lang-
vinna sjúkdóm lokið.
Ennþá einu sinni hefir . dauðinn
rifið ungan gróður upp með rótum,
þar sem hann gengur um og grisjar
í skógi lífsins.
Glaðværu hlátrarnir hennar eru
þagnaðir, en það er eins og ómur
þeirra lifi enn í hrjóstum okkar, og
minningin máist aldrei úr meðvit-
und okkar vinanna. Minningin um
æsku hennar, hlýjan í svipnum og
gleðin í brosunum hennar gleymist
aldrei. Það er sá varanlegi minnis-
varði, sem hún hefir reist sér í hug-
um okkar, sem kynntumst henni
bezt. Og við kveðjum hana með
þökk fyrir þá ógleymanlegu ánægju,
sem hún veitti okkur með glaðværð
sinni og innileik. Og við vonum það,
að við fáum að sjá hana aftur hinum
megin við hina miklu móðu.
H.
i i i ■ ....
Skíðalandsmótið 1946
háð á Akureyri
Samkvæmt tilkynningu frá í. S. í.
verður skíðamótið í ár haldið hér á
Akureyri. Mótið mun fara fram um
páskana, og sér íþróttabandalag Ak-
ureyrar ufn það.