Íslendingur - 21.04.1982, Side 6

Utgelandi:
Ritstióri og ábm.:
A uglýsingastjóri:
Ritstjórn, simi:
Auglýsingar, simi:
Ásknftargjald:
Lausasala:
Auglýsingaverð:
Prentun:
íslendingur hl.
Gunnar Berg Gunnarsson
Guðlaug Sigurðardóttir
21501
21500
kr. 60.00 á ársfjórðungi
kr. 6.00 eintakið
kr. 60.00 dálksm.
Prentsmiðja Björns Jónssonar
og Dagsprent
Aukið aðhald,
bætt fjármálastjórn
Þær kosningar til sveiiarstjórna, sem fara fram að
mánuði liðnum eiga eftir að breyta valdahlutföllum
stjórnmálaflokkanna í sveitarstjórnum verulega.
í síðustu sveitarstjórnarkosningum 1978 varð
fylgistap Sjálfstæðisflokksins mikið. Orsök þess
var fyrst og fremst það mikla moldviðri sem and-
stæðingum Sjálfstæðisflokksins tókst aö þyrla upp
fyrir þær kosningar. Nú sitja hinsvegar þessir sömu
aðilar hljóðir.
Sjálfstæðismenn eru staðráðnir í þvi að endur-
heimta fyrra fylgi sitt i þessum kosningum og'telja,
af viðbrögðum kjósenda, að staða Sjálfstæðis-
flokksins sé nú mjög sterk. En til þess að slík fylgis-
aukning geti orðið að veruleika verða stuönings-
menn flokksins að leggjast á eitt og vinna flokki
sínum mun meira fylgi, en hann hlaut í síðustu
sveitarstjórnarkosningum.
Stjórnmálastefnur vinstri flokkanna hvetja til
siaukinnar skattheimtu og ríkisforsjár. Þetta hefur
leitt til þess að sveitarstjórnir með vinstri meirihluta
hafa endurspeglaö þessi grundvallarsjónarmið
með því að auka sífellt á rekstrarútgjöld. Þetta
hefur leitt til hærri skattheimtu til þess að ná endum
saman, sem þó engan vegin hefur dugað til, því
samdráttur hefur orðið í framkvæmdum og lántök-
ur stóraukist.
Sjálfstæðismenn hafa margítrekað þau sjónar-
mið sin að aukið aðhald i rekstri og bætt fjármála-
stjórn séu nauðsynlegir þættir til þess að bæta
rekstrarafkomu sveitarfélaga.
Sjálfstæðismenn vilja stöðva þá þróun sem
byggir á skattahækkunum, útþenslu stjórnsýsl-
unnar og siauknum lántökum til þess að ná endum
saman í rekstrarútgjöldum.
Það er enn fremur margítrekuð skoðun Sjálf-
stæðismanna að breytingar þurfi að gera á verka-
skiptingu rikis og sveitarfélaga og sveitarfélögum
veröi ætlaðir nauðsynlegir tekjustofnar til þess að
standa undir þeim verkefnum.
íþróttir og útivist
Löngum og erfiðum vetri er nú að Ijúka. Snjó-
þyngsli þessa vetrar hafa valdið mikilli röskun i
samgöngum og leitt til mikils kostnaðar við snjó-
mokstur og fleira.
Þó menn gleðjist yfir komu sumars og hlýnandi
veðri, þá hafa Akureyringar og ferðamenn notið
ríkulega útivistar á þessum vetri, hér í þessari mið-
stöð vetraríþrótta á íslandi. Þær glæsilegu aðstæð-
ur sem hér eru frá náttúrunnar hendi og sú upp-
bygging sem hér hefur orðið, hafa meðal annars
stóraukið sókn ferðamanna hingað til Akureyrar
og hvatt heimamenn til þess að stunda útivist, sér
til ánægju og heilsubótar. Nú er hinsvegar svo
komið að verulegra viðbóta er þörf í tækjabúnaöi
og aðstöðu til þess aö mæta jáörfum þess fjölda
sem vetraríþróttir stundar. í þeim málum verður að
gera stórátak til þess að gera þessa útivistarparadís
að enn fullkomnari stað.
Þróttmikið starf skíðamanna i vetur hefur borið
ríkulegan árangur. Ástæða er til að óska þessu
fólki til hamingju með frábæra frammistöðu og þá
sigra sem það hefur hlotið á keppnistímabilinu.
Skiöamót yngstu íþróttamanna, Andresar Andar
leikarnir, er nú að hefjast hér á Akureyri. Ánægju-
legt er að fylgjast með þvi starfi, sem þar er unnið,
af börnunum sjálfum og þeim fjölmörgu fullorðnu
sem leggja fram mikla sjálfboðavinnu til þess að
gera þessa leika að þvi mikla ævintýri sem þeir eru
þessu verðandi afreksfólki i skíðaíþróttinni.
Blaðið óskar lesendum sínum gleðilegs sumars.
sjs
RAUPAD 0G
RISSAÐ
Af kjúklingabóndanum Kalla á Hóli
Hlunnindaráðunautur - ylræktarráðunautur - gjaldkeri - jarð-
ræktarráðunautur - fulltrúi - nautgriparæktarráðunautur - fv.
ritstjóri - verkfæraráðunautur - fulltrúi - búnaðarmálastjóri -
aðstoðarritstjóri - hagfræðiráðunautur - ráðunautur- landnýt-
ingarráðunautur - nautgriparæktarráðunautur - garðyrkjuráðu
nautur - jarðræktarráðunautur - ráðunautur - loðdýraræktar-
ráðunautur - veiðistjóri - sauðfjárræktarráðunautur -
skrifstofustjóri - hrossaræktarráðunautur.
Upptalningin hér að framan
er tekin úr símaskránni. Þetta
eru titlar við nöfn þeirra sem
skráðir eru með heimasíma hjá
Búnaðarfélagi íslands.
En vinur minn, Kalli á Hóli,
sagði að það vantaði alifugla-
ræktarráðunaut, minkaræktar
ráðunaut, kanínuræktarráðu-
naut og jafnvel fiskiræktar-
ráðunaut. „En það getur verið
að þeir heyri undir aðrar
stofnanir,“ bætti hann við.
„Mér fínnst fjárans nóg með
hænumar," sagði hann. Kalli
kvartaði sáran yfir því, hve
flókið það væri orðið að
framleiða kjúklingakjöt.
„Þetta er allt undir eftirliti.
Það koma allskonar sjerlokk-
ar til að pota í kjúklingana
mína. Þeir rannsaka meira að
segja kornið sem ég gef þeim að
éta.“
„Er þetta ekki nauðsynlegt í
okkar tæknivædda velferðar-
þjóðfélagi?“ spurði ég, og
reyndi að láta sem ég hefði vit á
því sem Kalli var að segja.
„Það er víst,“ sagði Kalli og
dæsti. „En það er ekki and-
skotalaust að vera bóndi í dag,
skal ég segja þér. Kröfumar
sem gerðar eru til okkar
bændanna eru orðnar yfir-
þyrmandi."
„Það er nú ekkert gaman að
veikjast al salmonellasýkl-

um,“ lagði ég til málanna.
Það koma allskonar sjerlokkar
Þetta er allt undir eftirliti . . .
„Hvaða helvítis salmonella-
sýklum," sagði Kalli og færðist
allur í aukana. „Heldur þú að
salmonellasýklar hafi verið
fundnir upp fyrir fimm eða sex
ámm? Nei karlinn minn, ef það
eru einhverjir salmonellasýkl-
ar til, þá hafa þeir verið til frá
örófi alda. Heldur þú að Egill
Skallagrímsson hafi aldrei
fengið niðurgang, eða hvað?“
„Jú, vafalaust,“ sagði ég,
„en hann drakk nú svo sterkan
bjór.“
„Nei, þetta salmonellakjaft-
æði er bara áróður, en menn
verða að gæta þess, að éta ekki
yfir sig,‘, sagði Kalli, og var
greinilegt að hann þóttist hafa
hitt naglann á höfuðið.
„En hvað um það,“ sagði ég
og reyndi að malda í móinn.
„Þú getur ekki neitað því, að
það er nauðsynlegt að gæta
fyllsta hreinlætis við matvöru-
framleiðsluna.“
„Það má vera,“ sagði Kalli.
„En ekki man ég til þess, að
mér hafi nokkumtíma orðið
misdægurt alla mína hunds-
og kattartíð og hef ég þó étið
það sem að kjafti hefur komið,
líka kjúklinga."
„Þú ert nú líka sérstakur
þrekskrokkur, Kalli minn,“
sagði ég.
„Já, af hverju heldur þú að
það sé,“ sagði Kalli og glotti út
í annað, greinilega ánægður
með hólið. „Það er vegna þess,
að ég hef alist upp við
heilbrigðar lífsvenjur, eins og
menn gerðu í gamla daga, en
ekki þessa gerilsneyddu tilveru
nútímans.“
„Getur það átt sér stað,“
spurði ég, ,jað nútímakjúklingar
alist upp við of mikla geril-
sneyðingu?"
Kalli stökk á fætur og
hrópaði: „Þarna komstu með
það. Það er þessi andskotans
gerilsneyðing sem allt er að
drepa. Tæknin er komin á svo
hátt stig, að bráðlega má búast
við að þeir fari að búa til
skepnu sem er allt í senn,
svínakjötsframleiðandi, mjólk
urframleiðandi, ullarframleið-
andi og eggjaframleiðandi,
ha?“
6 - ÍSLENDINGUR