Íslendingur - Ísafold - 08.03.1969, Blaðsíða 5

ÍSLENDINGUR-ÍSAFOLD — LAUGARDAGUR 8. MARZ 1969
5
LOFTLEIÐIR
25 ÁRA
10. MARZ
■MMIiMMi WMil.HWiiilHMllWPllUia
® Þann 10. marz 1944 var stofn
að flugfélagið Loftleiðir hf.
og 7. apríl sama ár var farin
fyrsta flugferðin á þess vegum,
er Stinson flugvél félagsins var
send til ísafjarðar. Sama ár
keypti félagið einnig Grumman
flugvél. Samanlagður sæta-
fjöldi þessara tveggja fyrstu
Flytja yfir 180 þús. farþega á ári
— velta rúmlega milljón á hvern starfsmann árlega
flugvéla Loftleiða hf. var 10.
Nú á félagið 9 flugvélar, sem
taka samtals 1.196 manns í
sæti. Fyrsta árið voru fluttir
484 farþegar, en nú flytja flug-
vélar félagsins yfir 180 þúsund
farþega á ári.
® Um árabil hafa Loftleiðir hf.
verið meðal stærstu fyrir-
tækja okkar Islendinga og um-
svif þess hafa vakið athygli
víða um heim. Starfsmenn eru
nú yfir 1.100 og er velta félags-
ins rúmlega milljón á hvern
starfsmann árlega.
® Upphaflega stunduðu Loft-
leiðir hf. bæði innanlands-
og millilandaflug, en frá því í
ársbyrjun 1952 hefur félagið
einungis rekið millilandaflug.
Um síðustu áramót voru far-
þegar í millilandaflugi orðnir
1.179.718 talsins.
® Tildrögin að stofnun Loft-
leiða hf. voru þau, að árið
1943 komu heim frá flugnámi í
Bandaríkjunum þrír ungir ís-
lendingar, en við heimkomuna
reyndust ekki vera fyrir hendi
verkefni á sviði flugsins og
skaut þá upp þeirri hugmynd
að stofna nýtt flugfélag til þess
að finna þremenningunum
starfsvettvang og e.t.v. fleirum,
ef vel gengi. Þetta leiddi til
stofnunar Loftleiða hf.
í fyrstu stjórn Loftleiða hf.
voru þremenningarnir Alfreð
Elíasson, Kristinn Olsen og Sig-
urður Olafsson, en að auki
Kristjón Jóhann Kristjánsson
og Ólafur Bjarnason. Kristján
Jóhann var stjórnarformaður
og gegndi hann því starfi til 15.
október 1943, en þá tók við ný
stjórn, sem nú stýrir félaginu.
Formaður hennar er Kristján
Guðlaugsson, en aðrir stjórnar-
menn þeir Alfreð Elíasson, Ein-
ar Árnason, Kristinn Olsen og
Sigurður Helgason. — Fram-
kvæmdastjóri er Alfreð Elías-
son.
Eins og fyrr segir, eignaðist
félagið tvær flugvélar með alls
10 sætum fyrsta starfsárið. í
árslok 1948 var sætafjöldi flug-
véla félagsins orðinn 169, 1964
735 og er nú 1.196. Fyrstu þrjú
árin var eingöngu flogið inn-
anlands, en 17. júní 1947 hófst
millilandaflug með ferð til
Kaupmannahafnar. Fyrsta milli
landaflugvélin var af Skymast-
er gerð. Á næstu árum skiptust
á skin og skúrir í starfsemi Loft
leiða hf. En á nýársdag 1953
boðaði félagið, að það myndi
hefja fastar flugferðir vikulega
til og frá New York. Þá hafði
innanlandsflug verið lagt nið-
ur og kröftunum beint ein-
göngu að millilandafluginu. —
Með þessu urðu þáttaskil í sögu
félagsins og hefur starfsemi
þess vaxið með ári hverju síð-
an. Um leið og tekin var upp
föst áætlun vestur um haf, voru
boðin lægri fargjöld en þá
þekktust. Hafa Loftleiðir hf.
jafnan síðan boðið lægstu far-
gjöldin á þessari flugleið. Á
þessu ári, 1953, var farþegatal-
an í millilandafluginu 5.089 far
þegar, en síðan hefur hún vax-
ið jafnt og þétt og er nú orðin
yfir 180.000 á ári, eins og fyrr
segir.
Flugvélar Loftleiða hf. fljúga
nú til Bandaríkjanna, allt upp
í 19 ferðir á viku, til Danmerk-
ur, Noregs, Sviþjóðar, Luxem-
borgar og Bretlands. Hefur fé-
lagið fjölmargar skrifstofur og
mörg umboð víða um heim.
Aðalskrifstofa Loftleiða hf. í
Reykjavík var í leiguhúsnæði
frá upphafi til 1964, en þá flutti
hún í þriggja hæða vistlega
skrifstofubyggingu félagsins á
Reykjavíkurflugvelli. Þar reisti
félagið einnig stórt hótel, sem
tók til starfa 1966.
Síðan 1962 hefur félagið ann-
azt fyrirgreiðslu allra flugvéla
á Keflavíkurflugvelli, að und-
anskildum herflugvélum. Þar
er nú miðstöð flugs félagsins og
er stefnt að þvi að flytja þang-
að viðhaldsdeild þá, sem nú
starfar í Bandaríkjunum.
Auk sjálfrar flugstarfseminn
ar, hótelreksturs og starfseminn
ar á Keflavíkurflugvelli, hafa
Loftleiðir hf. rekið umfangs-
mikla kynningarstarfsemi siðari
árin. Ver félagið milljónatug-
um árlega til að kynna ísland
og hefur það borið mikinn ár-
angur. Býður félagið farþegum
sínum viðdvöl hér á landi, sem
hefur orðið vinsæl.
® Um 600 manns eru hluthafar
í Loftleiðum hf. og hefur fé-
lagið greitt þeim 10% arð und-
anfarin ár, þótt þau ár hafi jafn
framt verið mestu fram-
kvæmdaár félagsins. Gefur það
glögga hugmynd um afkomu og
hag þessa stóra íslenzka fyrir-
tækis. Fylgja því vissulega von
ir um bjarta framtíð næsta ald-
arfjórðunginn.