Faxi - 01.05.1957, Blaðsíða 11
F A X I
59
Sigurður Guðmundsson, Ingólfur Magnússon
og Valgeir Jónsson.
fellt niður af bifreiðum þeim, sem félags-
menn fluttu inn, en sá skattur nam alls
10—12 þúsund krónum á hverja bifreið.
Enn fremur kjarasamningar. Margt fleira
hefur áunnizt í félagstarfseminni, og er
ég þess fullviss, að bifreiðastjórar eru nú
farnir að skilja nauðsyn og mátt samtaka
sinna.
brátt fyrir unna sigra hefur stundum
gætt sundurþykkju og ágreinings innan
félagsins, og það stundum svo, að félag-
inu hefur vart verið hugað líf, en með
einlægum vilja margra félagsmanna og þó
serstaklega vegna sáttatilrauna og ráð-
legginga Bergsteins Guðjónssonar, sem
aldrei hefur þreytzt á að aðstoða okkur í
einu og öllu, hefur jafnan tekizt að lægja
öldurnar. Bergsteinn Guðjónsson hefur
nldrei talið eftir sér þær mörgu ferðir,
sem hann hefur farið hingað suður í
Keflavík á fundi í félagi okkar og þakka
eg honum alveg sérstaklega fyrir alla
hans fyrirgreiðslu í félagsmálum okkar.
Enda er það ekki sízt að þakka Bergsteini
Guðjónssyni svo og öðrum mönnum inn-
an félagsins, að félagið stendur nú traust-
um fótum.
Eg hef.nú með nokkrum orðum lýst til-
drögum að stofnun félags okkar, og
minnzt á nokkur atriði, sem okkur hefur
lekizt að koma í framkvæmd. En að sjálf-
sögðu er enn margt óunnið í félagsmálum
°kkar, sem við verðum að einbeita okkur
;>ð á næstu tímum. Mætti þar meðal ann-
ars nefna, hvort ekki væri nauðsvnlegt að
homa á takmörkun leigubifreiða hér í
Keflavík, eins og gert hefur verið í
Eeykjavík og á Akureyri. Gera kröfur um
hættar götur í bænum og vegi yfirleitt.
Gera samninga við biíreiðastöðvarnar um
ýms nauðsynjamál varðandi samstarf bif-
reiðastjórafélagsins og bifreiðastöðvanna
o. m. fl.
Þegar ég lít til baka yfir farinn veg,
þessi fimm ár, scm félag okkar hefur
starfað, þá er mér fyllilega ljóst, að ýmsir
erfiðleikar hafa orðið á vegi okkar, og oft
hafa menn orðið að leggja sig alla fram
til þess að félagsstarfsemin gæti þróazt
eðlilega.
Ég vil nota þetta tækifæri til þess að
þakka félögum mínum hverjum og ein-
um fyrir gott og ánægjulegt samstarf á
liðnum árum, og einnig þakka ég öllum,
innan félags og utan, sem unnið hafa að
stofnun félags okkar, og sem styrkt hafa
máttarstoðir þess til áframhaldandi lifs og
starfa.
Félagar: Þó oft hafi verið skiptar skoð-
anir og missætti innan félagsins, og jafn-
vel þótt slíkt eigi eftir að endurtaka sig, þá
er ég sannfærður um, að við getum á
þessum tímamótum litið djarfir og von-
góðir fram á veg, nú á þessari 5 ára hátíð
félagsins, og við skulum allir strengja
þess heit að við bver og einn gerum allt
til þess að mynda sterka og órjúfandi fé-
lagsheild, þá mun okkur farnast vel og
við munum ná því marki, sem stefnt cr
að.
Að endingu leyfi ég mér, félagar og
gestir, að biðja ykkur að rísa úr sætum
og hrópa ferfalt húrra fyrir Bifreiðastjóra-
félaginu Fylki.
Síðara sundmót skólanna
fór fram í Sundhöll Reykjavíkur hinn 21.
marz sl. Stúlkur úr Gagnfræðaskóla Kefla-
víkur hafa nú unnið til eignar 2 bikara og
sýnir myndin Guðrúnu Þórarinsdóttur taka
við fyrir hönd sveitarinnar síðari bikarnum.
Fíladelfíusöfnuður vígir í Kcflavík
nýja kirkju.
Sunnudaginn 7. apríl vígði Filadelfíusöfn-
uðurinn nýja kirkju að Hafnargötu 84 í
Keflavík. Húsið er að flatarmáli 150 fermetr-
ar, eða um 1100 teningsm. Er ætlunin að hús
þetta þjóni tvennum tilgangi, sé bæði kirkja
safnaðarins og svo sjómannastofa. A efri hæð
hússins er 200 ferm. salur, ætlaður til guðs-
þjónustuhaldsins. Er þar öllu mjög smekk-
lega fyrirkomið og fór vígsluathöfnin þar
fram. í kjallara er annar minni salur, 55 ferm.
með sérinngangi. Þar er einnig 'eldhús og 4
stök herbergi, sem ætluð eru fyrir starfsemi
hússins, en í kjallaranum á sjómannastofan
að vera.
Vígsluathöfnin fór vel fram. Aðalræðuna
flutti prestur safnaðarins, Eric Ericsen, en
hann hefur dvalið hér á landi i hartnær 30
ár og allan þann tíma unnið fyrir málefni
safnaðarins og haft forustu um þau. Hann
mun einnig hafa verið driffjöðrin og aðal-
hvatamðurinn að kirkjubyggingunni í Kefla-
vík. í ræðu sinni þakkaði Ericsen öllum, er
lagt höfðu hönd á plóginn og á einn og annan
hátt stutt að byggingunni. Hann gat þess að
kostnaðarverð hússins væri nú 4—5 hundruð
þúsund, auk yfir 10 þúsund vinnustunda í
beinni gjafavinnu, sem aðallega hefðu komið
frá safnaðarfólki, bæði héðan úr Keflavík
og Reykjavík.
Vígsluathöfnin var fjölmenn, enda sótt af
söfnuðinum í Reykjavík, er hér kom í þessu
tilefni til þess að samfagna safnaðarfólki í
Keflavík. Auk þess var þangað boðið blaða-
mönnum og fleirum og var samkomusalurinn
þétt setinn út að dyrum. Eftir vígslu var gest-
um boðið til kaffidrykkju.
Glæsilcgur sigur Í.B.K. í drengjahlaupi
Ánnanns.
Sunnudaginn 28. apríl fór svo fram hið ár-
lega drengjahlaup Armanns í Reykjavík.
Keppendur voru skráðir 30, þar á meðal var
fjölmennasti hópurinn frá Keflavík, 9
drengir. Hlaupið hófst í Vonarstræti kl. 10 f.
h. og var hlaupið suður Tjarnargötu, rétt inn
fyrir háskólann og þar svo þvert yfir mýr-
ina. Hlaupið endaði í Hljómskálagarðinum.
Vegarlengdin var 2 til 2Vz km. Fyrstur í
mark varð Kristleifur Guðbjörnsson, KR, 2.
Margeir Sigurbjörnsson, Í.B.K., 3. Jón Gísla-
son, U.M.S.E., 4. Daníel Njálsson, U.M.F.
Þröstur, 5. Olafur Jónsson, Í.B.K., G. Agnar
Sigurvinsson, Í.B.K., 7. Stefán Ólafsson, Í.B.K.
íþróttabandalag Keflavíkur vann því bæði
3ja og 5 manna sveitakeppnina með miklum
yfirburðum. Hlaut 3ja manna sveit I.B.K. 9
stig. Annað í röðinni varð KR með 14 stig.
í 5 manna sveitakeppninni sigraði I.B.K. með
26 stigum. í sveitakeppninni var keppt um 2
silfurbikara, sem Keflvíkingar unnu í íyrra,
og unnu þeir þá nú aftur báða. Vinni þeir
sveitkeppnina einnig næsta ár, eða þrisvar í
röð, hlýtur Í.B.K. báða bikarana til eignar.
Þykir frammistaða Keflvíkinga í þessu
hlaupi vera með afbrigðum góð, enda virðast
vera hér á ferðinni margir ungir og efnilegir
hlauparar, sem með góðri þjálfun geta náð
langt á framabrautinni.
•«