Faxi - 01.02.1964, Blaðsíða 9
Aðalfundur Knattspyrnufélags Keflavíkur
var haldinn 18. janúar síðastliðinn. — I
stjórn félagsins voru kosnir: Formaður Sig-
urður Steindórsson, Gunnar Albertsson, Jón
Olafur Jónsson, Helgi Hólm og Sigurður
Karlsson.
Slysavarnadeild kvenna í Kcflavík
hélt aðalfund sinn 3. febr. 1964. Fiáröflun
deildarinnar gekk með afbrigðum vel á árinu
°g hefur framlag hennar til Slysavarnafélags
Islands aldrei verið eins mikið og nú, þ. e. kr.
16.825,00. Áður á árinu hafði deildin gefið
kr. 25.000,00 til kaupa á talstöðvum, og hafa
þá kr. 101.875.00 runnið til Slysavarnafélags
Islands á þessu ári frá Keflavíkurdeildinni.
Innri- og Ytri-Njarðvíkingar skilja vel
starfsemi deildarinnar og taka þeim vel, sem
til þeirra leita um framlag, og biður stjórnin
Faxa að bera þessu ágæta fólki sínar beztu
þakkir. — Stjórn félagsins var endurkjörin
og skipa hana: Jónína Guðjónsdóttir formað-
ur, Sesselja Magnúsdóttir ritari, Helga Þor-
steinsdóttir gjaldkeri. I varastjórn í sömu röð:
Guðný Ásberg, Elín Ólafsdóttir, Kristín Guð-
mundsdóttir. Endurskoðendur Jóna Einars-
dóttir, Svava Runólfsdóttir. — Að enduðum
aðalfundi var sezt að veizlukaffi og að síðustu
sýndi frú Lóa Þorkelsdóttir mjög fróðlegar
og fallegar litskuggamyndir, bæði erlendar og
innlendar, og skýrði þær.
Tvö skip hætt komin í Keflavíkurhöfn.
Laugardaginn 1. febrúar síðastliðinn, þegar
Hutningaskipið Katla var að leggja frá bryggju
1 Keflavík, lenti það upp í fjörugrjóti og
uiunaði mjóu að það bæri þar beinin.
Nánari atvik voru þau, að er skipið var að
Ieggja frá, rétt fyrir klukkan 12 á hádegi, var
sleppt jafnt að framan og aftan, en vélar
skipsins tóku ekki við sér. Austanstrekkingur
var á, er þetta gerðist, og skipti það engum
togum, að skipið rak upp í klettana í fjör-
unni og varpaði þar akkerum.
Eldey, sem er 140 lesta stálskip, hafði legið
utan á Kötlu. Var Eldey með allar vélar í
gangi og var þegar settur vír um borð í Kötlu
°g síðan dró Eldey Kötlu út fyrir höfnina.
^egar skipverjar á Kötlu slepptu vírunum,
vildi svo illa til að hann lenti i skrúfunni á
Eldey, sem rak stjórnlaust að skeri, sem þar
er- Vélbáturinn Vilborg, sem var rétt ný-
kominn úr róðri, brá skjótt við og var nú
komið togvír á milli bátanna og dró Vilborg
Eldey, svo að bryggju. Eldey steytti lítils
háttar á skerinu og laskaðist skrúfan nokkuð.
var skipið því tekið í slipp til lagfæringar
a skemmdunum. Er út úr höfninni kom setti
Katla vélar sínar í gang og sigldi óskemmd
til næsta viðkomustaðar. Talið er, að hjálp-
in, sem Eldey veitti Kötlu, flokkist undir
björgun, en aðstoð, sem Vilborg veitti Eldey.
Sigurður Magnússon yrkir þannig til s. 1. jóla:
Kærleiksnáðar sólin sú
syndaheimi birtist.
Gæzku jóla njótum nú
nítján hundruð sextíu og þrjú.
Eins og flestum mun kunnugt, hefur Sig-
urður að mestu misst sjónina. — Hann heilsar
nýbyrjuðu ári þannig:
Er að birta, eða hvað,
yfir heiðar, strönd og gjögur,
nýja árið nú byrjað
nítján hundruð sextíu og fjögur?
Guðni. Finnbogason flettir göinlum Faxa:
Gáði ég í gamlan Faxa,
gaman þótti mér að fletta.
Forvitni þá vildi vaxa,
var þar oná nóg að detta.
Fróðleikur af fjölda tagi,
ferskur mun, þó árin líði,
seinni tíma sérílagi
Suðumesja annáls prýði.
Afengissala Áfengisverzlunar ríkisins
eykst hröðum skrefum.
Heildarsalan varð síðastliðin þrjú ár:
Árið 1963 .................... kr. 277.607.452,00
Árið 1962 .................... kr. 235.838.750,00
Árið 1961 .................... kr. 199.385.716,00
Áfengissalan jókst því um kr. 41.768.702,00
árið 1962, eða um 15%.
Það skal tekið fram, að í ágústmánuði 1963
varð allmikil hækkun á áfengum drykkjum.
Áfen^isneyzlan hefur veriði á^in 1961—
1963:
Árið 1963 1,93 lítrar á mann, miðað við
100% áfengi, 1962 1,82 ltr., 1961 1,61 ltr.
Áfengisneyzlan hefur þannig vaxið um 6%
á árinu 1963.
Áfengisvarnaráð.
Nýtt fyrirtæki.
Sigurður Sumarliðason, Akurbraut 2, Innri-
Njarðvík, hefur sett á stofn nýtt og hag-
kvæmt fyrirtæki, sem ætti að geta orðið til
mikilla þæginda fyrir bílaeigendur hér á Suð-
urnesjum. — Á öðrum stað hér í blaðinu er
auglýsing frá þessu nýja fyrirtæki, sem er
gufuhreinsun á vélum og undirvögnum bif-
reiða og ýmiss konar annarra véla.
Fyrir nokkru hefur verið byrjað á slíkri
þjónustu í Reykjavík og hefur þetta verið
mjög mikið notað af bílaeigendum. Svipaða
reynslu segist Sigurður hafa af þessu, síðan
hann byrjði hér, enda sé þetta eina fyrirtæk-
ið á Suðurnesjum, sem annast þessa þjón-
ustu.
Nýja bankaútibúið í Sandgerði færir slysa-
varnafélögum og ungbörnum stórgjafir.
31. jan. var opnað í Sandgerði fyrsta banka-
útibúið, og er það mikill atburður í Sand-
gerðis- og Miðneshreppi, og hugsa Miðnesing-
ar sér gott til viðskipta við hið nýja útibú.
Þetta er útibú frá Landsbanka íslands og er
til húsa í Suðurgötu 10, í húsinu Stórhöfða,
sem Ólafur Vilhjálmsson oddviti á. Verður
útibúið opið tvo daga í viku, á þriðjudögum
og föstudögum kl. 2—4. Forstöðumaður úti-
búsins er Ari Jónsson og gjaldkeri Jens Sör-
ensen.
Við opnunina afhenti Landsbankinn slysa-
varnafélögunum i Miðnes- og Gerðahreppi
30 þús. kr. hvoru og einnig fyrsta borgaranum
sem fæddist á þessu ári í hvorum hreppi kr.
5000,00.
Vélskipið Jón Garðar ferst.
Að morgni fimmtudagsins 24. jan. síðastl.
skeði sá atburður, að síldarskipið Jón Garðar
GK 510 fékk á sig hnút, þar sem það var
statt 16 sjómílur suðaustur af Hjörleifshöfða,
á leið með síldarfarm til Vestmannaeyja. Valt
skipið á hliðina og sökk á 7—10 mínútum.
Á Jóni Garðari var 10 manna áhöfn og kom-
ust allir í gúmbjörgunarbát skipsins, en vél-
skipið Hamravík, sem var statt 2 sjómílur frá
slysstaðnum, þegar neyðarkallið var sent út,
kom strax á vettvang og innan 10 mínútna
var öll áhöfn Jóns Garðars komin heilu og
höldnu um borð í Hamravíkina, sem sigldi
með þá til Reykjavíkur. Má segja, að lánlega
hafi til tekizt um þetta björgunarstarf.
Jón Garðar var stálskip, smíðað í Hollandi
1960, 128 smál. að stærð. Eigandi Guðmundur
Jónsson útgerðarmaður á Rafnkelsstöðum í
Garði.
Þakkarorð.
Hjartanlega þakka ég allar vinarkveðjur,
sem mér bárust á afmæli mínu, svo og rit-
stjóra og blaðstjórn Faxa höfðinglega gjöf.
Marta Valgerður Jónsdóttir.
STEINHÚÐUN H.F.
Jcdnt fyrir híbýli sem
vinnustaði: ULBRIEA
húðun á GÓLF og
STIGA, án samskeyta.
mikið slitþol, einlitt og
og litmynztrað. ULBRIKA
á LOFT og VEGGI.
Vamar sprungum, spara
má tínpússningu,
fjölbreytt áferð og
litaval.
Síml 2 38 82
F A X I — 25