Faxi - 01.03.1970, Blaðsíða 8

„Ég vil fá minn mann"
Leikfélagi Keflavíkur hefur gengið
fremur erfiðlega að koma á verulega virku
leikstarfi, sem vænta mætti að hér gæti
þróast í fjölbýlinu á Suðurnesjum. Stafar
það vafalaust af nálægð atvinnuleik-
mennskunnar í höfuðborginni. Aðstöðu-
munurinn er geysimikill og varla yfirstíg-
anlegur. En lofsverður áhugi og fórnfýsi
gera stundum hið ómögulega mögulegt.
Nú hefur Leikfélag Keflavíkur tekið
fyrir gamanleik eftir Philip King, þýddan
af Sigurði Kristjánssyni. Efnið er hvorki
stórbrotið né frumlegt — nema ef það
getur frumlegt kallast, að nú er það kon-
an, sem „vill fá sinn mann“, og þar með
tekið frumkvæðið af piltinum, sem hingað
til hefur verið staðráðinn í að „fá sér kær-
ustu, sem allra-allra fyrst ...“
Styrkur leiksins liggur í hraðri atburða-
rás og hnittnum tilvikum, sem krefjast
töluverðrar leiktækni og góðrar leikstjórn-
ar, ef tiltækið á að heppnast.
Og það gleðilega skeði, að næstum alh
heppnaðist og margt betur en höfundur
gefur tilefni til.
Helgi S\úlason hefur tekið að sér að
glíma við sviðsetningu og leikstjórn og
var vart færari maður tiltækur til þeirrar
glímu. Það er næstum furðulegt, hve vel
honum tekst að nýta hæfileika áhuga-
fólksins til að koma auglýsingabrellu
prestsins og afleiðingum hennar í trúverð-
ugt og broslegt form. Sjálfur hefur hann
mjög næmt skopskin og glöggt sviðsauga.
Auk þess hefur hann unnið mikið með
keflvískum leikurum og þekkir getu
flestra þeirra út í æsar. Svo vel tekst hon-
um að laða fram getu fólksins, að ókunn-
ugir gætu haldið, að flest þeirra væru
þrautþjálfaðir atvinnumenn.
Aðalhlutverkið, séra Arthur Humprey,
leikur Eggert Olafsson, og man ég ekki
eftir að hafa séð honum takast betur upp.
Hann er svo mannlegur og elskulegur í
undirokun undir pilsfaldi kvenréttinda-
konunnar, systur sinnar, Harriettu, sem
leikin er af Jónínu Kristjánsdóttur og
stjórnar öllu á prestssetrinu. Jónínu hef ég
séð betri í rólegri, eldri konum; þó er hún
góð, en gæti verið betri, ef hendur og
raddbönd fengju meiri yfirvegun. Onnur
meginstoð prestsheimilisins er frú Carter,
sem þó er ekki ætlað annað en þjónustu-
starf þar innan veggja — leikin af Ingi-
björgu Hafliðadóttur. Ingibjörgu minn-
ist ég ekki að hafa séð á sviði fyrr. Þó
verður hún kannske minnisstæðust, svo
mikil var leikgleði hennar. Hún lét aldrei
fipast á hverju sem gekk, og er þá mikið
sagt, jafnvel ekki einu sinni þegar hún
fékk stigahandriðið óvart ofan í svuntu-
vasann.
Pétur Grahm, frænda prestsins, leikur
Þorsteinn Eggertsson. Hann fær erfiðasta
hlutverk leiksins, sem „harðjaxl“ hans og
„bítill“. En Þorsteinn ber nafngiftina
„þúsundþjalasmiður“ með réttu. Og ein-
hvern veginn finnst manni að hann og
Ingibjörg beri meira af þakinu en þeim
hafi verið ætlað af hendi höfundar. Ekki
dregur það þó úr ánægju áhorfandans,
nema síður sé.
Kvenréttindahlutverkið Pixie Potter lék
Anna Marteins, nýliði, sem mikils má af
vænta á sviði. Hún hefur góða rödd og
veit alveg hvað hún þarf — og á að gera
til að skapa andstæðu (Kontrast) til að
ná fram litríkri mynd.
Þórdís Þormóðsdóttir lék glæsilega
ekkju, Winifred Barrington Laske, og
Erna Sigurbergs, sem lék Jósefínu de
Briscac, ástsjúka eldri konu, þurftu báðar
nauðsynlega að ná sér í mann. Þessi hlut-
verk voru lítil ásamt hlutverki Biskups-
ins í Lax, sem leikið var af Kristjáni
Hanssyni. Öll eru þau sviðsvön og góðir
leikarar á okkar mælikvarða og oft gert
margt gott hér á fjölunum. Eg býst við
að þau hafi náð því, sem hægt var út úr
þessum hlutverkum, en hlutverkin gefa
leikurum varla tækifæri til að ávaxta pund
sitt að mun. — Svipað má segja um blaða-
ljósmyndarann, sem leikinn var af Ólafi
Sigurvinssyni.
Messur um bænadaga og páska
KEFLAVÍKURKIRKJA.
Skírdagur:
Messa kl. 2 síðdegis (altarisganga). Ferm-
ingarböm fyrri ára sérstaklega velkomin.
Föstudagurinn langi:
Messa kl. 5 síðdegis.
Páskadagur:
Messa kl. 8 árdegis.
Barnaguðsþjónusta kl. 11.15.
Messa kl. 5 síðdegis.
INNRI-NJARÐVÍKURKIRKJA.
Skírdagur:
Barnaguðsþjónusta kl. 11 árdegis.
Messa kl. 5 síðdegis (altarisganga). Ferm-
ingarbörn fyrri ára sérstaklega velkomin.
Föstudagurinn langi:
Messa kl. 2 síðdegis.
Páskadagur:
Messa kl. 10 árdegis.
YTRI-NJARÐVÍKURSÓKN (Stapi).
Föstudagurinn langi:
Barnamessa kl. 11 árdegis.
Messa kl. 3.30 síðdegis.
Páskadagur:
Messa kl. 2 síðdegis.
Fermingarguðsþjónustur á pálmasunnudag
og annan í páskum vom auglýstar í síðasta
blaði Faxa.
í heild var leikritið skemmtilegt og góð
dægrastytting, hressilegur hláturvaki og
holl tilbreytni frá dægurþrasi.
Eftir að hafa séð þennan leik, hlýtur
maður að óska þess að sjá þessa ágætu
leikara í stærri og efnismeiri verkefnum.
Leiktjöld gerðu Helgi Kristinsson, Guð-
mundur Sigurðsson og Þorsteinn Þor-
steinsson. Verk þeirra eru einnig unnin
í sjálfboðavinnu og voru þeim til sóma.
Keflvíkingar mega vera þakklátir fyrir
það ágæta starf, sem Leikfélagið vinnur
hér við afar erfið skilyrðí. Þakklæti sitt
geta þeir bezt sýnt með því að sækja vel
leiksýningar félagsins. Jón Tómasson.
40 — F A XI